اولياء الأمور وعقدة الإمتياز

السلام عليكم ابلات شلونكم حبيباتي بعد توزيع الشهادات اكيد سويتوا اجتماع لأولياء الأمور وطبعا تلقون المعترض وتلقون الي يتهاوش بس انا بصراحة الي خلاني اكتب الموضوع تصرف بعض اولياء الامور اليوم يت ولية امر في الاجتماع تسال عن درجه ولدها ماخذ 38 من 50 تدرسه زميلتي بالقسم قعدت المدرسة تفهم الام ترى ولدج مايعرف شي بالكمبيوتر وفوق هذا شيطان وماينتبه بالصف ومايسمع اذا نبهته عشان جذي درجته موحلوه الي استغربنا منه ان الام قامت تصرف ومعصبه لا ولدي مافيه شي انتوا الي حاطين على عيالنا وقامت تدعي على المدرسة مسكينه انشالله تشوفينه بعيالج و…و…. اخذوا عندكم من الكلام

يعني الحين الهدف من الاجتماع بين المعلمات واولياء الامور مناقشه نقاط ضعف الطالب سلوكياته والهدف الاصلاح والا اهو الهدف شهادة وامتياز بس الطالب مايعرف شي عن الماده.؟؟؟؟ انتوا شرايكم

صار الامتياز هاجس عند الناس .. الكل امتياز وكل عيالنا شطار .. صج ولي الأمر يتعب بس بنفس الوقت لازم نقتنع ان في فروق فرديه بين كل طالب والثاني وبالنهايه لازم كل واحد ياخذ حقه

صح كلامج سكون حتى الطلبه نفسهم صار عندهم عقدة واهم بنفسهم ولياء الامور يقولون اذا خذوا عيالنا جيد جدا يبجون وماياكلون اهم عقدوا عيالهم وبيعقدونا معاهم

شرايكم بنتي بالابتدائي لي الحين ما عطوها شهادتها

المشكلة في الاجتماع لما تقولين جدام ولي الأمر فروق فردية..

جنك سابتهم..

جنك قايلة عنهم معاقين

شنو يفكج منهم

اهو مو عقده اهو اشلون

يعنى اليوم بناتى خذوا شهاده

3 و2 ابتدائى

العام ثنتيهم امتياز

والى ب3 ما شاء الله الكل يقول عن ذكاءها والواحد يعرف عياله

اليوم يابت الشهاده ما خذه كله امتيازات وجيد جدا ووحده جيد ( حسبى الله على هالمنهج الرياضييات )
ما خذه التقدير النهائى جيد جدا

والصغيره ماخذه ب4 مواد جيد والباجى امتياز وجيد جدا وهم ماخذه جيد جدا اشلون

حتى اهى تقول انا ماخذخ جيد واد اشلون مثل اللى ماخذه 4 جيد

واذا رحتى تقول الكمبوتر زين اتقولون الكمبيوتر يغلط ومره تسحبون الشهايد ومره يقولون اللى ناجح ساقط اشلون

هم الواحد يحتر على عياله

يعنى يوم الاختماع يقولج شى وبعدين تنصدمين

مثال العام نفس بنتى سالت عنها الابله العربى قالت لا زينه ووووووو وانا اعرفها بالعربى تروح للاستاذ حمزه واعرفها فطينه

بالشهاده خذت ضعيف حسبى الله عليج اشلون وين كلامج وتالى يوم رحت لها قالت لا ما تعرف واحاججها يوم حست انى قويه بالحجه تدرين اشقالت قالت يمكن انا ما اعرفها شنوووووووووووووووووووووووووووووووووووووووووو

على اى اساس قاعده تتكلمين وتفتين شفتى احنا هذه الاشكال اللى نتكلم عليها

وبعدين قالت انا خلاص بيغيرونى
ولما تغيزت الابله اخذت جيد جدا اشلوووووووووووووون وهى ماتعرف شى كانت تقول الاحرف ما تعرفها

هذه الاشكال اللى الواحد يروحلها

بس فى ابلات لا والله ينحطون على الحرج يبرى حتى انت تستحين تكلمينها

بس خلاص تعبت

يعطيكم العافيه

والله انا اخوي باوله ابتدائي وابلته العربي قاعده وتكفخ بالجهال راحت امي كلمت الناضره قالت خلاص انا بقولها واليوم الثاني بعد طاقته ولا قايلتله مو تروح تقول حق امك وامي بعد السالفه هذي راحت اشتكت عليها بالوزار ولما جات الشهادة درجاته كلها حلوه كلا ممتاز بس 2 جيد جدا و االعربي مقبول :كل شي مقبول حاطه طريقة كتابت الفتحه و الضمه والكسره مقبول القراءة مقبول معنى انا قعدت معاه قلتله اقرالي كل الدروس قرأ حتى الي مو ماخذه لما رحت حقها قلتلها ليش حاطتله مقبول قالت زين ما حطيت له ضعيف بعدين جابات دفتر الصف كله حاله صح وناقل عن الصبوره صح قلت هذا مقبول قالت انا ماعرف اتفاهم وياج وراحت .ورحت حق الناضره ولا اهي جايه قطت دفتر الصف وراحت بعدين وريتها الشهادة قالت اكيد هذا غلط بالطباعه ونادت الابله قالت لا هذي درجاته بعدين سوو له اختتبر يشوفون درجاته والي حارني انها سارلها27 سنة تدرس وماسارت ناضره ولا وكيلة ولا مدرسه اوله حسبي الله عليها.

المشكله بالاسلوووووب وطريقة الحوار بين اولياء الامور والمدرسه

فعلا الامتياز اصبح هوس عند الاهل بس هم بعد بعض الابلات الله يهداهم يبخسون حق الطالبه بسبب الشفوي

يعني الشفوي لازم اتصارخ البنت علشان اعطيها شفوي

انا بنتي ماخده بامتحانات الرياضيات كله 5 من 5 واثنين 4 من 5 ومعطتها بالشفوي مره 3 ومره 4 وخذت جيد جدا صج صج انقهرت لانها ممتازه بالرياضيات واتموت عليها وتوقعت علشان هدوءها مثل كل سنه لان طبيعتها هاديه ويبخسونها بالشفوي مع اني دااااااااااااااااايما انبها واذكرها بالمشاركه بس هي هاديه شسوي لها ؟؟!!!
وطلع كلامي صح وقالت بنتج ما تشارك قلت بنتي ترفع ايدها قالت اي مرات بس مرات تسكت وما تشارك مثل زميلاتها قلت شسوي في بنتي طبيعتها هاديه حتى بالبيت بس بالتحريري اتبرد قلبج واقسم بالله مرات اختبارات اكون مشغوله اقولها انتي درسي وعلى شرح الابله واتجيب درجه كامله اسم الله عليها

اما ابلتها العربي قالت بنتج صج هاديه بس اتبرد قلبي بالتحريري فعطيتها الشفوي كامله حرام اعاقبها على طبيعتها وهدوءها

يعني هم الابلات يتفاوتون ومو كلهم سوا بعضهم عندهم بعد نظر واتعرف طبيعة البنت واتقارن التحريري بالشفوي طبعا اذا كانت الطالبة مؤدبه وخلوقه بس الهدوء عيبهااعطيها الدرجة كامله وجنه العيد

بنتي انقهرت يوم درت انها بالرياضيات جيد جدا وصج احبطت احباط مو طبيعي ؟؟!!!!!

تقبلوا مروري

صح كلامكم مرو علي وايد ناس جذي للاسف

صاااااجة ..

انا ادرس حاسوب وشوفي عاد الناس اللي ايوني ..
ولية امر واقفة ساعة مناجرتني بنتها بأولى وشرحتلها بالضبط بنتها بشنو ضعيفة .. اتقولي انزين زيديها !!
شنو قاعدين بسوق الحراي ؟؟ اللي يرفع السعر ؟
عاد انا والله اعطي فرصتين وثلاث وارع واظل اعدل بالدرجة لي اخر شي واذا شفت مستوى البنت تحسن اعيد تقييمها ع المهارات السابقة واللي ما تخلص اقولها تعالي بالفرصة او اي وقت درسي الدرس واذا ما فهمتي تعالي سأليني تالي طبقيه مرة ثانية وان طبقته تاخذ بعد فل مارك ..

بس الطلبة قدرات في طالبة تخلص ماشالله تبارك الرحمن وودي احطلها شي فوق الفل مارك مادري شحط لها صج تبرد القلب ..
وفي بنات لا والله اساعدها واسهل لها مرة ومرتين وثلاث يالله تحل ..
وفي بنات على كثر ما اشرح ما تحل شسويلها ..
مو لازم انتا يا ولي الامر تعرف بنتك بشنو تحتاج مساعدة علشان اتابعها وتتحسن درجتها ؟
والا الدرجة مهمة بغض النظر عن مستوى الطالب المهم امتياز ..

والأدهى والامر ..
لما الاخصائية الاجتماعية التربوية اتييني وتقولي عفية بيني وبينج حطي حق فلانة درجة كاااملة (تتشرط ماتبي بس امتياز) لأن حرام شاطرة بكل المواد (بالله مو شاطرة عندي شسوي فوق راسها ريشة احطلها فل مارك والبنات اللي احسن منها اخلي درجاتهم مثل ما اهيه ؟؟!!) قلت لها يعني شرايج احط حق الصف كلهم درجة كاملة ؟ قالت لا بس اهيه لأنها الاولى على صفها .. (والسبب الفعلي ان امها بمجلس الامهات او امها رفيجة الاخصائية مادري بالضبط)

بناااااااااات

انا مدرسة رسم

وعندي اولى ابتدائي اول مرة ادرسهم

العام اول سنة لي ماخذيت خذيت ثانية واسم الله عليهم ثلاث ارباعهم فنانين ويبردون القلب

هالسنه عطوني اولى

رسم مافيه

يرسم شخابيط بشخابيط مع اني اسوي معاهم خطوه خطوه ؟؟

وشياااااطين وحركييييييين حييييييييل الله يخليهم لاهلهم

فماعرفت شلون اعطيهم درجات

قلت اذا عطيتهم عالرسم مستحيل ياخذون امتياز

فحطيت لهم درجات على اساس

اذا اغراضهم كامله ولامرة ناسينها وهدوئهم وادبهم

المهم

صراحه حرام يعني احط لهم 100 وبيني وبينكم خفت الناظرة تحاسبني شهالفنانينن اللي ماخذين درجه كامله

فحطيت لهم بين ال90 وال95

اليوم اولياء الامور كلهم الحمدلله استانسوا علي ووحده تقولي يعني انتوا ترسمون بالحصه اولدي مايعرف يرسم

قلت لها تبين اشيل الامتياز يعني وياخذ جيد اضحكت قالت لاااا تكفيين

تخيلوا كلهم دعولي وقالولي كلام حلووو

الا وحدددددددده الله يسامحهااا

شوووي وتقوم تكفخني .. بس ماخليتها رديت عليهااا

تدرون شنو تقووووووووولي

تقولي يعني حرام صبي اغراضه كامله ويحضر وقاعد بماده وحصه مافيها اثاره وعاديه مالها معنى

وماياخذ درجه كامله @@

وانتوا تظلمونهم جذي

وموعاجبهااا ….. سكتهااا وربي

قلت لها والله العظيم اني ماظلمت احد

ولا واحد من اولى قيمته على رسمه ..

وماحطيت الدرجه الا وانا بالحصه ناديت واحد واحد على شان ماظلمه واعرف ششكله وحطيت درجته ماحطيتله من مزاجي وكيفي

واحنا ندرسهم بالرسم نشرح لهم ووسائل ودوخة رااااااس

اسكتت ورااااااااحت

حدهااااااا حرتني

وازيدكم من الشعر بيت

ناظرتنا قالت لمدرسات الرسم والالعاب والموسيقى يغيرون درجات رابعه وخامسه

على شان في صبيان علامات زينه وبهالمواد مو زينه

اقول لرئيسة قسمي عندها خامس والله اذا انتي معطيتهم حقهم لاتغيرين حرااااام يستاوي الممتاز مع الجيد مع الضعيف

جان تقول شسوي هذا حقهم بس الناظرة تقول غيروا

انا الي يضايقني انه انا يهمني الطالي يفهم وبعدها احطله اميه امتياز موواحد يتني ولية مر قتلها ولدج مايحل ورقة العمل من بداية السنه يترك شاشه الكمبيوتر بيضه وانا حاطتله جيد جدا قامت عصبت واشتكت ويه زوجها ابو الولد يقول للوكيله ياويل الابله ان حطتله جيد جدا ؟؟؟ الحين بدال لا نقعد كلنا مع الولد نشوف نقاط الضعف الي فيه تحاتي الدرجه؟ انا خليت الاهب يولون وبصراحة يهمني الولد ناديته بالفرصه وقمت اسولف معاه وفهمته قتله ورقه العمل هذي تقييمك مايصير تطلع من غير ماتحل وانا موجوده لاي شي تبيه كسرت الحاجز بيني وبينه ومن يومها ما يطلع الا يحل اهو كان عنده مشكله انه يلبس سماعات باذنه وانا الاداره الحلوين مومبلغيني عشان اخلي بالي عليه وهم اهه بعد عله بدال لايتخانقون المفروض يقعدون معاي يفهموني سالفه الولد بس الله يهديهم البعض بس يبون يتخانقون. وانا معاكم اميه بالاميه انه في بعض المعلمات عله بعد الله يهدي الجميع