حدي متحبطه و ابيكم تقولولي الصج :(

السلام عليكم
بدش بالموضوع
انا تعيين يديد وحامل بالثامن و بدش التاسع
المهم معطيني نصاب حصص 10 لاني حامل و مربيه فصل ومراجعه ولا تقولين يا بختج بس 10 حصص لا طبعا مو يا بختي لان مكدشيني مناوبات و احتياطات بس ما عمري عارضت وكله اقوله انشالله
و عارفين اني متعاونه وكل ما يبون شي سويته علطول بدون نقاش
المهم انا احس اني قاعده أأسس نفسي لان رئيسه قسمي ما تفهم شي ولا تقولون لان مناهج يديده والكل ضايع

رئيسه قسمي ما تفيدني بشي ولما اسألها بشي انا إلي اجاوب عالسؤال وانا إلي احضر واهيه تاخذ الاهداف !!
و كل ما تشوفني تقولي هاج هالاوراق سنه خامسه عندهم امتحان روحي امتحنيهم
و هاج طبعيلي هالاوراق
روحي عند الناظره في اجتماع وكتبي النقاط المهمه
روحي فوق ييبيلي الورق الفلاني
يعني ما تحس اني على وشك ولاده ؟
و هم اقولها انشاللللللله
و تخيلو اسبوع الياي انا بروحي مسويه ورشه حق سنه ثاني لفصل كامل
كل درس مع وسيله مبتكره وكل وسيله احلى من الثانيه وبدون مساعده احد
وهذا غير الوسائل إلي طالبتها من دسمان وقاطه مبلغ خيالي
وبعدين يوم سألت رئيسه قسمي
يا ابله فلانه .. صج ان مو اكيد تعطوني امتياز ؟
لان الصراحه انا وايد انكرفت وانتي من اول ما دخلتي علي مدحتي وما لقيتي ولا خطأ في الدرس وحتى الموجهه ما عندها اي نقد مني
جان تقولي والله اي كولوراديه انتي تستاهلين بس هم مو اكيد المهم شدي حيلج واذا ما خذيتي هالسنه تاخذين السنه إلي وراها !!!!

انا إلي قاهرني لاني انا قلتلها بصراحه اذا على هالكراف و الابداعات والورش إلي اسويهم وما آخذ امتياز ؟؟ شلي حادني عيل خل اسوي مثل بقيه الابلات إلي بقسمنا ما يسوون شي وياخذون امتياز على ابو خبره وبس !!

الحين قولولي
تهقون في امتياز ولا لأ ؟ واذا ما عطوني امتياز شسوي ؟ لان والله ظلم

بتردون ولا أولد عليكم :×

الله ايسهل عليج حبيبتي ……… بس والله ظلم اذا كان كل شغلج تمام ومبدعه في مجالج ليش مافيه امتياز؟؟؟؟؟؟؟؟؟

ماكو شغل اشكرج على ردج
ويسهل عليج

كولورااااااااااااااااااااااااااااااااااااااااااااا ااااااااادريه يابعد قلبي انتي

((((((((((((احبج لله )))))))))ويارب يسهل عليج وتولدين بالسلامه آمين

والله يوفقج بالورشه واذا بغيتي شي افكار لا يردج الا لسانج معنى مااعرفج بس
مادري شلونج جذي احترمج واعزج بدون سبب لله والله

ماااااااااااااااااااعاش منهو يكدر خاطرج

لاتزعلين ولا تتضايقين كلنا بالهوا سوى عندنا وعندج خير

تفس حالتي كل شي بروحي والمشرفه واهيا وقلتها واحد

وهذا انا يديده على المتوسطه ومااعرف شي مومتدربه في الميداني على المتوسطه

ولا عندي اي فكره عن مناهجهم ولا عندي احد يساعدني شنسوي حسبي الله عليهم ليش عندهم سلطه علينا

وبايدهم التقادير والدرجات فما يحللون معاشهم ولا يشتغلون عدل

حبيبتي كولاراديه اصلن مافي قانون يقول ممنوع يعطون اليديده امتياز

على حسب المدرسه والتوجيهه

انا اعرف واااااااااااااايد ابلات خذو امتياز اول سنه

وفي ابلات عطوهم جيدجدا وقالولهم التوجيهه مايعطي امتياز لليدد وتحججو بالوزارة

انتي سألي الموجهه اذا ياتلكم او اتصلي عليها او وصي احد من اهلج يروحلها المنطقه ويسألها

لان الموجهه اهيا اللي عندها الخبر اليقين

وكلمة رئيسة القسم

انا حسيت من كلامها ان بتعطيج امتياز بس ماتبي تقولج ايه علشان لاتبردين

بس هم لاتخلين وسألي الموجهه اهيا اللي عندها الحجي الاكيد

بعد عمريي كويتيه عسل وانا حدي احبج وما انسى مساعدتج و وقفتج معاي بأول ما تعينت
عاد الموجهه الخميس راح تحضرلي
عادي اقولها ولا اندقر منها : ؟ لووووووووووول مو تقصين علي
عاد الموجهه مالتنا حبوبه تينن و آخر مره قالتلي عسى مرتاحه و انتي بأي شهر ومادري شنو
والناظره تعرف عمتي لان عمتي هم ناظره
يعني يظبطوني : ؟

باذن الله امتياز
حبيت انبهج ان شاء الله مو انشاءالله لان حرام

: مشكوره عالملاحظه بس انا ما قريتها بس كتبتها <– ترقع

حبـــــــتج العافيه

لاتقولين هالحجي ماسويت شي وانتي تستاهلين كل خير

شدي حيلج يوم الخميس والله يوفقج

وااااااااااااااايد حلو مادام الموجهه حبوبه ساليها يوم الخميس عن الامتياز

وهم سألي الناظره مادامج تمونين عليها

وبالنسبه لمشرفتج وايد تطرشج وتعبج قوليلها بااااااااااااااااااجر بينج وبينها

انا متعاونه معاج احترمج واي شي تبينه مستعده اسويه من عيوني بس

مثل ماانتي شايفه انا حامل بالشهر ال9 وتعبانه وقوليلها انا يديده ومحتاجتلج تساعديني

وتعلميني علشان اصير خوووووووووش ابله

واذا مافاد معاها روحي للناظره وبينج وبينها قوليلها

جذي: أبي اسألج سؤال

انتي ناظره وماشالله خبره وتعرفين واكيد مر عليج ابلات يديد وماني اليديده الوحيده

الابلات اليديد اللي مثلي واللي ماعندها خبره و ماعندها احد يعلمها شتسوي شلون تتعلم الشغل ؟؟ بــــــــــــــــس

اذا قالتلج ليش وماليش وشصاير قوليلها ماصار شي بس سؤال ولا تييبين سيرة رئيسة القسم لو مهما قالتلج

بعد ماتجاوبج بتنادي رئيسة القسم بتسألها انج ييتيلها وقلتيلها هالسؤال راح تسألها

ورئيسة القسم راح توصلها الرساله انج مقصره معاها بس

واذا مافاد معاها وقامت تكابر وتعاند

اذا يات الموجهه قوليلها ممكن آخذ رقمج اتصلي عليها بدون ماتدري وكلميها

او اذا قدرتي كلميها في المدرسه بينج وبينيها

لا مادري شلون عسوله
استحي اقول للناظره هالحجي
رئيسه قسمي حبوبه بس ما تبي تسوي شي
كلشي تقطه علينا وانتو سوو وانتو فكرو وجهزو الاهداف ملوت اسبوع
وتقولنا انا بسوي كذا وكذا وكذا لكم وبالنهايه احنا إلي نسويه
حتى لما تدش علي تقولي ماشالله عليج ممتازه ووسايلج حلوه ووقفتج حيل حلوه معنج حامل بس نشيطه ماشالله
بس هم تكرفني
مابي اتكلم عنها عشان ما تحط علي
بس في مدرسه قاعده وتحبطني
تقولي لا تشطين عمرج ترى انا ما عطوني امتياز إلا لاني سويت درس على المنطقه و كنت اقط لافتات بالاداره وعطتني 93 ومستحيل تقارنج مع الابلات الخبره
معني ما اشوف فيهم خبره
حتى وسايل ما يعرفون
و فاجين

ان شاءالله تاخذين امتياز بس الظاهر رئيسة القسم ماتبي تقولج عشان ماينزل مستواج ..

ولا تنسين وعلى نياتكم ترزقون ..

موفقه حبيبتي وتقومين بالسلامه وتبشرينا ان شاءالله بالامتياز

ماقريتي ردي عدل

من عذر ما انتبه : سبهوني الله يسبههم :

ان شاء الله تاخذين امتياز .. بس ان ما اخذتي لا تشتغربين لان التعيين اليديد عادة ما يعطونهم امتياز وان كانو متميزات

موفقه يا رب

اشتغلي وانتي ساااااااكته

لاتفكرين بالتقدير ولا تحسسينهم انج مهتمه فييه

حسييبهم انج قاعد تشتغلين لانج تحبين الشغل وتبين تشتغلين

انا اول سنة خذيت امتياز

وكرفت كرف الجهد العام والحمدلله اول تقدير لي امتياز

وناظرتنا ورئيسة قسمي الحمدددددددددددددددددددلله حقانيااااااات