امانه فيدوني . امانة سر الانشطة . غصب ؟؟؟؟؟؟؟؟؟؟؟؟؟؟؟؟؟؟

سلام عليكم ورحمة الله وبركاته

معلمات انا ما اعرف ولا شي …. سؤالي:

اعرضوا علي امانة سر الانشظة وانا مابي وقلت مابي وقالولي وقعي على الاعتراض وقلت ما اوقع قالوا راجعي نفسج ورديلنا خبر

يعني غصب اوافق؟ واقدر ارفض والا لا؟

عفية لا تبخلون علي حدي متضايقه يعني فوق الكرف هم يبوني اشيل هالانشطة

امانة سر النشاط تقسم الانشطة اول يوم و تجمع الفعاليات من الانشطة وتحطها بملف حق المنطقة وتتابع النشاط بانها تمر على الانشطة تشوف شسيون يشتغلون ولا لا

بس تقريبا

مافي كراف لهالدرجة بالعكس مادام اختاروج معاناته انتي قد المسؤولية ترى ما يسوى الزعل والشكوى _03ba:

موفقة

فطومه

ادري ياقلبي بس انا مابي لاني مضغوووطه هالسنه

وللعلم انا مسكتها السنه اللي طافت وتعبت حيل لان كان فيه معارض وانشطه وهالسنه مافيني شده وبسوي درس نموذجي يعني مالي خلق بس استغربت انهم عصبوا وقالوا وقعي انج معترضه ..!!!!!

يعني ما قدروا تعب السنه اللي طافت

الله يعطيج العافية حبيبي وبميزان اعمالج يارب

حاولي معاهم بالطيب قولي لهم بتفرغ لمادتي العلمية افيد الطالبات

والله يوفقج حبيبتي

هاااي حبيبتي شوفي اذا ماتبين اعترضي او قوليلهم يا اسوي درس او امسك الانشطه مشكله الحريم والله ماينعطون ويه بالمدارس

ماكو شي بالغصب و عادي لا وقعتي الافادة ما تضرج ابداااا لأن مو اختصاااصج الاصلي
بس نصيحة هالمكان حلووووووو يفيدج بعدين

اللي اقصده ان اذا مسكتيه لمدة سنتين ورى بعض ممكن تقدمين على وظيفة موجهه أنشطه

وااااي ونستيني _03ba:

يعني اقدر اصير موجهة انشطه ؟!! بس انا توني ماصارلي خبره بس 3 سنين

اي والله صدقتي …. ماينعطون ويه …

ماكو شي اسمه غصب … شفيهم جذي اسلوبهم ؟؟؟
غريبه

بس من ناحية التعب اهو مو تعب وايد … سهالات ان شاء الله

سجل و متابعه يوم بالاسبوع …

لا تخلين الموضوع يصير عناد و افادات … اما ترفضينه بهدوء و اهم يتقبلون او اخذيه وتوكلي على الله

هل من تفاصيل ؟؟؟؟

انشالله البنات يفيدونج