|
|
مرحبااااااااااااااا ابلات شلونكم
انا توني تعينت مدرسة اجتماعيات والمقابله بعد اسبوعين
شلون صايره؟ وشنو الاسئله؟ ووين ؟
علموووووووني خايفه حدي
يعني انا اسالوني اذا طالب مشاغب بصف وياذيج شتسوين فيه
واذا ولد الناظره عند ترفعين درجاته وتميزينه عن باجي الطلبه
واسالوني شنو الي موجود بالغرفه عندنا وتقدرين تسخدمينه كوسيله للشرح
وكان موجود عندهم بوم ودله وفناييل وصور للكويت قديما
ويسولج اختبار تحريري بعد
الله يوفقج يارب …
انا مقابلتي السنه اللي طافت … واجتماعيات
كان رجال ومره يسالون بس الاكثر شي متوليتج المره … تطالعج بنظرات تخليج تشككين بثقتج بنفسج وباجاباتج بس انتي كوني قووويه
الاسئله في بالنسبه لي انا ادب … امتحان تحريري عليه 10 و 20 مايأثر واااايد .. وان شاءالله سهل بس صج صج اسئله . يعين انا كنت تاريخ جايبين من كل المواد …
اما الشفوي وهي المقابله وهو الاهم … تسالج شنو تعرفين عن الدوله الفلانيه .. شنو اهم حدث صار بالتاريخ .. شنو تعرفين عن التاريخ الفلاني … الزمن الفلاني .. الحادثه الفلانيه …
وان ماعرفتي لاتقولين ماعرف او تسكتين قووولي ان شاءالله بعد مانقبل راح اطلع عليها وازيد معلوماتي عنها ..
وبس عسى ربي يوفقج ويسهل امورج … (( وضبطيلج واسطه … مع انه هم محتاجين لنا المدرسات الا انه ممكن تتفاجأين بشي ثاني … الله يوووفقج وشدي حيلج . ))
والله سجلت عشان ارد عليك
لاني حاسه فيج
سلمج الله ان نقلت للتربيه وتوني جديده
المهم
المقابله
بما ان تخصصي كيمياء
عطوني امتحان فيه اسئلة من المنهج
يعني لو تطلعين على المناهج آمن لج
انا دشيت المقابله اول مره بدون اي تحضير طبعا سقطت 
قالوا لي درسي المناهج وتعالي
ودخلت المقابله لمره ثانيه
عطوني نفس الامتحان الاول
والمقابلة الشخصيه يسالونج عن الماده العلميه يعني انتي بيسألون عن تخصصج
ويسلونج عن التحضير وشلون تسوين امتحان وشنولازم يكون فيه
ومن هالاسئلة
اتمنى اني اكون فدتج
بالتوفيج اختي