|
|
عندي مشكله محتاجتكم فيها
واهيا الامتحان ولدي دايما يجيب علامات متدنية واليوم رحت للاستاذ وسألت ولا اشوف الكشف عنده امبيه نص الصف ساقط
والامتحان مو نفس اوراق العمل الي قاعد ناخذها وهم الاملاء
يقولي التدريس لازم يكون من الكتاب مو من اوراق العمل
ويحفظ كل الكلمات الجديده بكل يونت يعني باليونت شوفي جم كلمه شطولها
ومو بس الكتاب الملون لا كل الكتب
وان اوراق العمل ممنوعه !!!!
تخيلو اغلب الطلبه عنده درجاتهم 4 او 5 من عشرين يعني ساقطين
ويقولي ولدج فاشل وكنت بحط الحره فيه بس لما شفت ان نص الصف ساقط بطلت حلجي من الصدمه
معقوله سادسه متوسط يسقط فيها نصف الصف ؟؟؟؟؟ وباقي الطلبه علاماتهم متدنيه يعني 10 و11
وثنين بس علامة واحد 15 والثاني 19 ؟؟؟؟؟؟؟؟؟
قلتله قال كل الطلبه الي عندي فاشلين انا شنو ذنبي 
هل الخلل مني ولا من الاستاذ ولا من ولدي
طريقة تدريسي
حفظ الاسئله الخاصه باوراق العمل
حفظ الكلمات
والقواعد ايب مدرس حكها خاص
هل فعلا اوراق العمل والمذكرات ممنوعه ؟؟؟؟ يعني معقوله الطالب يدري كل اسألة الكتاب وكل الكلمات ؟؟؟؟ يعني كل يونت كل الكلمات الجديده
واسألة الكتاب كلها؟؟!!!!
مو المفروض مذكره او ورقة عمل فيها 10 اسأله يحفظهم الطالب ويجي اثنين منها او اربعه وهكذا ؟؟؟
والكلمات تقريبا 20 كلمه ويحفظها ويضمن العلامه ؟؟
بنات تكفون مالي غيركم علموني ترى ولدي بيعيد هالسنه بسبب هالمدرس الظالم
وانتو شلون طريقتكم بالامتحان
المدرسات الي يجون يدرسون ولدي يقولون اسألة اوراق العمل تضمن اغلب علامات الامتحان وعلى اساسها ندرس
ناطرتكم تراني جدا مكتئبه وباجر بروح للناظر بشوف سالفة اوراق العمل والمذكره الممنوعه
والمدرس هذا ظالم والدليل الصف اللي كله ساقط
يعني شنو مستوي الصف نازل وانت يالمدرس شنو تدرسهم علشان يسقطون
حبيبتي المذكرات ممنوعه بس احنا نعطيهم اوراق عمل للمساعده والمراجعه اكثر فيه مدارس والاغلبيه تعطي نفس امثله اوراق العمل والبعض يعطيها مثلنا علشان نعلمهم على طريقه السؤال وما يتفاجؤؤن يوم الامتحان
والتدريس يكون الكلمات لكل يونت اللي المدرس يكون كاتبها بدفتر الصف ومترجمها واسئله الواجب والقواعد تكون بالكتابين مع اوراق العمل
هددي المدرس والناظر بأنج راح تروحين للمنطقه التعليميه وتشتكين عليهم عند التوجيه
شلون يرضي الناظر ان الصف كله ساقط
هذي اي مدرسه؟
احتريت حيل خصوصا ان سادس صغار ويبيلهم مراعاه وحرام نسقط الجميع يصيبهم احباط
اي استفسار انا حاضره
حبيبتي أنا ودي أساعدج بس ما عندي فكرة عن مناهج الانجليزي بس أنا خريجة لغة انجليزية وعندي نصيحة لج بشكل عام انج تحرصين علي الطفل من خلال القراءة تري القراءة وايد مهمة فالمطلوب انج تشترين له قصص بسيطة مع صور ملونة وخلية يقراها كل يوم أحسن من التلفزيون.
الحين هو صغير وعلمية علي القراااااااااااااااااااااااااااااااااااااااااءه وايد تقوية علشان يتعود وعقب بروحة راح يطلب منج كتب متنوعة يقراها ومنها قصص اسلامية وتاريخية
وان شالله فدتج واللة يوفق كل الطلبة والطالبات والجميع وطمنيني علي وليدج
|
المشاركة الأصلية كتبت بواسطة motamashkesa
 انا مدرسه انجليزي وادرس سادس
والمدرس هذا ظالم والدليل الصف اللي كله ساقط يعني شنو مستوي الصف نازل وانت يالمدرس شنو تدرسهم علشان يسقطون حبيبتي المذكرات ممنوعه بس احنا نعطيهم اوراق عمل للمساعده والمراجعه اكثر فيه مدارس والاغلبيه تعطي نفس امثله اوراق العمل والبعض يعطيها مثلنا علشان نعلمهم على طريقه السؤال وما يتفاجؤؤن يوم الامتحان والتدريس يكون الكلمات لكل يونت اللي المدرس يكون كاتبها بدفتر الصف ومترجمها واسئله الواجب والقواعد تكون بالكتابين مع اوراق العمل هددي المدرس والناظر بأنج راح تروحين للمنطقه التعليميه وتشتكين عليهم عند التوجيه شلون يرضي الناظر ان الصف كله ساقط هذي اي مدرسه؟ احتريت حيل خصوصا ان سادس صغار ويبيلهم مراعاه وحرام نسقط الجميع يصيبهم احباط اي استفسار انا حاضره |
motamashkesa
مشكوره ياقلبي
ماتدرين شلون رايحه وقلبي يعورني ان ولدي جدا مستواه هابط
مقهوررررررررررره مع اني مدرسته ساعتين وجايبتله مدرسه خصوصي ساعتين وتدريس متواصل وجهد وتعب
والاخ يقولي كل كلمات الكتاب وكل الكتاب
قلتله مدام جذي شحكى تعطينا الاوراق ؟؟؟؟؟
وبعدين واهو قاعد يوريني الدرجات لقيت ولدي مسكين اهو المظلوم واهو الظالم ولما قلتله الصف نصه ساقط والباقي علامتهم ع الحفه ليش يعني الغلط منك يااستاذ
يرد علي ببرود
احنا مالنا شغل اذا انتو ماعرفتو تدرسون عيالكم واذا عيالكم يجون من الابتدائي مو فاهمين شي قمة الوقاحه
قلتله الي قدامك ماخذه 4 نقاط بالثانويه واعرف ادرس ولدي لاني كنت متميزه مو انت الي تعلمنا شلون ندرس !!
وبعدين الدليل على كلامي شوف صفك كله ساقط ومنحطه درجاته الا ثنين واحد 19 وواحد 15 والباقي 11 و10 وسقوووط نص الصف امبيه عمرها ماصارت والود ودي احط موضوع بالجريده بس ابونا يقول بلاش فضايح
اهو خلا فيها فضايح اه يالقهر بس اه
|
المشاركة الأصلية كتبت بواسطة أوبرا الكويتية
السلام عليكم
حبيبتي أنا ودي أساعدج بس ما عندي فكرة عن مناهج الانجليزي بس أنا خريجة لغة انجليزية وعندي نصيحة لج بشكل عام انج تحرصين علي الطفل من خلال القراءة تري القراءة وايد مهمة فالمطلوب انج تشترين له قصص بسيطة مع صور ملونة وخلية يقراها كل يوم أحسن من التلفزيون. الحين هو صغير وعلمية علي القراااااااااااااااااااااااااااااااااااااااااءه وايد تقوية علشان يتعود وعقب بروحة راح يطلب منج كتب متنوعة يقراها ومنها قصص اسلامية وتاريخية وان شالله فدتج واللة يوفق كل الطلبة والطالبات والجميع وطمنيني علي وليدج |
مشكوره ياقلبي وانا حريصه على هالشي
بس المشكله بالاستاذ انا اعطي قسم كبير من وقتي للتدريس لاني باختصار ربة منزل ومتفرغه
ورغم هذا مو قادره الحق
يمكن هو يقيس الطالب على مشاركته في الصف واستجابته
وانا الصراحة امعلمة اعيالي قبل النوم لاااااااااازم قصة وشجعي ولدج اذا خلصت من هذه القصة اوديك المكتبة علشان ايبلك قصة ثانية احنا مشكلتنا بس نبي انحفظ وبس ومالنه شغل بالمحادثة وخليه ايجوف ببايات بالانجليزي والله انا اعيالي من صغرهم كنت حاطتلهم قناة ديزني وايد استفادو وانشالله قدرت افيدج
بس على فكرة هذا المدرس فاااااااشل بكل معنى الكلمة اذا الصف فاشل هذا دليل ان المعلم هو الفاشاااال
فلازم اتروحين عند الناظر وتكلمينة