للي عندهم خبرة يصير و لا لا ؟؟؟

السلام عليكم

يعطيكم العافية هذي أول مرة أشارك فيها بهالقسم و أتمنى أنكم تردون عليي

أنا سامعة أن اللي تتخرج من تخصص غير التربية يصير تدرس بالتربية يعني عادي تصير مدرسة مو شرط يكون تخصصها تربية ؟؟؟ صج هالمعلومة و لا لا ؟؟
أنا تخرجت ادارة أعمال و قالولي يصير تدرسين مواد التجارية ؟؟
حبيت أعرف هالمعلومة صحيحة ؟؟ ووين أروح عشان أعرف
ثاني سؤال المدرسة اذا اشتغلت كم راتبها الأساسي و في بدلات أو لا ؟؟ و كم يزيدونها بالسنة ؟؟
و هل المدرسات ينصحوني أدخل هالمجال أو لا ؟؟

و مشكووووووووووووووووورين وايد وايد

ايه يصير مو لازم تربيه احنا شكثر معانا بنات تخصصهم آداب وعطوهم دوره بالتدريس قبل لايدرسون وسوو لهم مقابله
اول مربوط بالضبط مادري جم ؟؟ بس يزيد كل سنه 10 نفس الشهايد الجامعيه ومافي بدلات بس علاوة التدريس

بالنسبه لنصيحتي اسألي عن المادة اللي تبين تدرسينها هل هي صعبه ولا سهله يعني اذا امتحانات وتحضير يومي ووسائل تشتغلين فيها داخل وبرا المدرسه ونصاب الحصص جم بالاسبوع؟؟
واستخيري وشوفي شنو يطلع معاج

يصير عادى
اخوى نفس تخصصج والحين مدرس بثانوية مقرارات
ماده تجاري

جزاكم الله خير و مشكورين و ماقصرتوا

يصير ,,, ويكون مسماج معلم غير تربوي

وما يفرق بالراتب او البدلات او الكادر شي

بس ترقية المستوى الوظيفي تتاخر سنه وحده بس