تقدير المدرسة في تقريرها ؟؟؟؟

السلام عليكم

شلونكم بنات ومدرساااااات

ها مستعدين للدوامات ؟؟؟؟

يا بنات في شغلة دايما في بالي وافكر فيها واللي هي :

( تقدير المعلمة شنو بتقريرها ؟؟؟؟ )
نشوف التقرير ونشوف البنود ونوقع وآخرتها تقولج الناظرة مو شرط الامتياز بايدي في غيري يقيم معاي!!!!

والصرااااحة أغلب الناظراااات ـ الا من رحم الله ـ ما يقدرِوووون الشغل ويعطون الامتياز الا بطلعة الروح

فالسؤااااال هني :

شلون تعرف تقديرنا بالتقرير ؟؟؟؟

اللي تعرف لها أحد بالمنطقة ممكن لكن اللي ما تعرف اشلون تقدر تعرف

علشان نضع النقاط على الحروف على قولتهم

نصيحة يا بنات لا تثقون بكلام الناظرات

تقولج اعطيج امتياز بس لا تنقلين من المدرسة

وياماااااا مدرسات وثقوا في الناظرات وراااح عمرهم بالثقة كم سنه على

ان امتياااز في الاخير التقدير ( ( جيــــــد ) )

والله يا بنات أعرف وحدة ضاع عليها الاشراف بسبة هالثقة الزايدة في

كلام الناظرة وما تجيك على تقريرها

فنبي نسير حريصاااات وعلى اطلاع على طول بالتقدير بس اشلوووون

اهو أكيد بالمنطقة التعليمية بس موضروري يقولون لج البعض يقولج هذا
سري ؟؟؟؟؟؟؟

اشلون تقرير شغلي وما اشووووفه ؟؟؟؟

ها يابنات نبي نعرف تقاريرناااااا شلووووون ؟؟؟؟؟

وأتمنى ان اذا في بنات معانا يشتغلون بالمنطقة يساااعدونااا أكيد عندهم فكرة ان شاء الله

تبين نصيحتي –
لا تتعبين نفسج بهالشغلة
دايما خلي في بالج ان تقديرج بيجيج من رب العالمين سبحانه
وان امانتج في عملج واخلاصج فيه بينعكس تأثيره الايجابي على نفسج ووبيتج وعيالج

من وين يبتدي تقدير الامتياز و من وين يبتدي الجيد

الامتياز من 90 وطالع والجيد من 70 وطالع

مرحبا حبيبتي raw صاجه الواحد يحتسب النية والاجر عند الله

بس الاحتياط واجب وانا نكون على بينه ونشوف ثمرة جهدنا احسن

مشكورة على مرورج حبيبتي
om alzain مشكورة على المرور

انا اقول ان النيه ولاخلاص فى العمل مطلوب ولكن الانسان الناجح اهو اللى يخطط مستقبله ولا يترك الامور على البركه انا اتوكل على الله صح فى كل شى لكن لازم اسأل واتوقع من حقى كمعلمه السؤال فى المنطقه التعليميه عن تقديرى هذا من ابسط حقوقنا والسالفه يا الماسه مو محتاجه واسطه وشكرا على موضوعج

فعلاااااااا خواتي بخاطري اعرف تقريري الاخير لاني حولت للابتدائي واخااااف بين سنين الخبرررررررررة ما ميش امتياااز

منو عندها الخبر الاكيد لمعرفة لكيفية معرفة تقاريرنااا

يبين التقدير من تعليق الي مكتوب بتقويم الكفاءه ( ص 5 )

تعليق المديره – تعليق الموجهه – تعليق رئيسة القسم

مديرة المدرسة المدرسه بايدها 40 درجه – الموجهه بايديها 40 درجه – رئيسة القسم بايدها 20 درجه

والتقدير النهائي يكون باتفاق بينهم ( لكن في أغلب الاوقات يكون الراي النهائي للمديره )

واذا كانت الدرجه فوق 90 امتياز

واذا اقل من 90 واعلى من 60 جيد

واذا اقل من 59 ضعيف

(( ويعتبر من 75 وتحت متدني الاداء ))

وممكن تتطلعين على تقويم الكفاءه من خلال هذا الرابط

https://q8yat.net/showthread.php?t=83620

ضحاوي
يعطيج
الف
عافيه

يبين التقدير من تعليق الي مكتوب بتقويم الكفاءه ( ص 5 )

تعليق المديره – تعليق الموجهه – تعليق رئيسة القسم
بس يا ضحاوي هذه الصفحة بالذات سرية ما نشوفها يكتبونها بعد توقيعنا على تقريرنا الأول
بس ترى كله بالواسطة اذا لج أحد بالمنطقة يجيج تقريرج وأنت مرتاحه
(الواسطة فوق القانون)

اي والله ياابلات جنكم تدرون عن فضولي.. والله ودي اعرف كم تقديري العام لاني تعبت تعب وودي صراحة اعرف هل قدروا تعبي ولا لا .. وخاصة اني متوقعة هالسنة راح يقل مستواي بسبب الحمل واجازة الوضع ..

شجن ,,,,, في النص الاول من السنه ما في شي سري

الاداره لما تعطي المعلمات تقويم الكفاءه للتوقيع على تعليق الفصل الاول

يكون مكتوب تعليق كل من المديره والموجهه او الموجه ورئيسة القسم

انت توقعين لما تقرأين التعليق الخاص بالنص الفصل الاول من السنه

واذا كان التعليق واضح امتياز نااااااااادر ( ومن الصعب ) ما يتغير اخر السنه

اما الجيد فاذا ما تم مثل ما اهو جيد بالفصل الثاني ممكن يرتفع للامتياز

بغيت أسال شنو الأحسن الدرجة بالأقدمية أو بالإختيار ومتى يحق للمعلم ياخذ الدرجة بالأقدمية الأولى وكم زيادتها عالراتب

ردوا علي بسرعة ضروووووووري الله يعافبكم

ام حمود

الدرجه الاقدميه تاخذينها على العلاوه السادسه

يعني سادس سنه لج تاخذينها

الدرجه بالاختيار ممكن تاخذينها عقب 3 سنوات من التعيين

اذا كان التقدير امتياز والمديره ترسل فيج كتب ترشيح

اذا اخذتي الدرجه بالاقدميه تاخذينها مع علاوه وحده

اما الاختيار تاخذينها مع علاوتين

وما يسير تاخذين مرتين ورى بعض بالاختيار

يعني لو اخذتيها بالاختيار تنطرين الي عقبها بالاقدميه

والزياده من الرابعه الي الثالثه بحدود 38 تقريبا

ان شالله اكون فدتج