شنو الي يخلي الوحدة تقدم الاستقالة عن التدرس عقب 3 او 4 سنين؟؟

السلام عليكم

بنات السؤال واضح …… يعني معروف الوحدة اول ماتدش التدريس تنصدم وتطلع منه ….. لكن شنو الي يخلي وحدة قعدت 3 و4 سنين يعني تعودت على هالشي انها تطلع؟؟؟؟؟؟ انا شفت ناس جذي؟؟ وودي اصير منهم خخخ مع ن صارلي سنة

اشوف الي طلعت وهي صار لها جم سنة انها جريئة وانا ماعندي جرئتها …… اخاف الناس تخليني اتحسف

الحين اهم مني انا ومن كلامي ابي جواب على سؤالي؟؟؟
وشاكرة لكم

امممممممممممم

كل وحده و ظروفها ..

ممكن تكون صبرت نفسها جم سنه وماقدرت تتاقلم ..

ممكن ظروف بيتها حكمت ..

ممكن مو محتاجه الراتب وايد و فضلت بيتها ..

انا عن نفسي جم مره اقول مقولتي الشهيره : اني ارى الاستقالة قد نضجت وحان قطافها << هذا اللي استفدته من الحجاج لوول

بس ارد اتعوذ من ابليس و اتامل خير بالسنوات القادمه لاني بصراحه محتاجه الراتب

شنو تخصصج ؟؟ ليش بديتي تطفشين ؟

والله نصيحه لكل مدرسه اللي حاسه عمرها ما تعطي بالتدريس خل تغير وظيفتها ولا تدمر جيل كامل .. على فكرة انا اعتبر اللي تاخذ قرار من هالنوع جريئة وتستاهل صفااقه…. جاك جاك جاك ..

انا ما اقصد الي تستقيل وتقعد بالبيت اقصد الي يبون الوظيفة ومحتاجين راتب لكن التدريس مايبونة

انا ادرس حياتية ووطنية

وانا ما بديت اطفش انا من اول يوم طفشانة خالصة لان ماحب هالشي