|
|
مساء الخيرات كويتيات
شلونكم ؟ أتمنى تكونون بأتم الصحة والعافية والجمال يارب
أنا حاليا موظفة في شركة استثمار كبيرة
قدمت على بنك الكويت الدولي ونادوني عشان اسوي مقابلة والعديد من الاختبارات
والحمدلله اقبلوني
بس محتارة أروح وإلا لأ
أول شي الراتب الفرق بينه وبين راتبي الحالي بس 20 دينار يعني أكثر من معاشي الحالي بـ 20 دينار
بس محتارة وأبيكم تساعدوني
هل في مميزات كثيرة وحلوه وممكن تفيدني في العمل في البنوك ؟
وشنو هالمميزات ؟
وشنو إلي اقدر استفيد منه بعملي في البنك؟
ناطرة مساعدتكم بليز
شنو المميزات الي تاخذينها ؟
الشركات عاده مميزاتها وبونصها احسن من البنوك هذا الكلام قبل الازمه الماليه اما اللحين اعتقد صاروا الكل نفس الشي بس البنوك حاليا اكثر استقرار وظيفي اذا انتي مرتاحه بمكانج نصيحه خليج فيه فرق الزياده ماتسوه الواحد اغامر عليها
الشركه اللي انتي فيها عالاقل عارفينج فاتوقع فرصتج بالترقيه احسن
البنك يمكن يبيلج وقت يالله تاخذين منصب
20 دينار كلش ماتسوى
وبعدين الشركة إلي أنا فيها صارلي 3 سنين ما سوا ولا شي لا ترقية ولازيادة ولاشي
انا نفسج موظفه بشركه وقدمت الحين على البنوك كلهم بس للحين محد دق
بس لو اي بنك يدق علي برووح بدون تفكير حتى لو معاش اقل
لسبب واحد لانه الشركات صارت غير امنه و احنا مقبلين على ازمه ماليه
فالبنوووك اظمن
السالفة أن البنوك مميزات وايد حلوه
لج تمين صحي ولجم بونص سنوي حسب تقرير مديرج فيج ولج تذاكر سفر سنوية وأذا ماتبين تسافرين ينزل قيمة التذاكر على معاشج بدل تذاكر سفر
وهذا غير النشاطات والخصومات والتذاكر الأماكن الترفيهية إلي يعطونها موظفين البنوك
غير جذي اذا بتاخذين قرض من البنك ما ياخذون منج فوائد
واذا بطلعين سيارة على البنك هم بعد ماكو فوايد
وأصلا يصير اسمج موظفة في بنك يعني له هيبته وسمعته
مو شركة خاصة
وغير جذي رح يفيدج في سيرتج الذاتية وخبراتج يعني تكسبين خبرات وايد
شنو مميزاته