السلام عليكم
شلونكم حبايبي انا مدرسه صارلي 3 سنين و نص ابي اقدم استقالتي باذن الله على السنه الجديدة يعني على شهر 9
السؤال شلون اقدم استقالتي بالمدرسه و لا بالوزارة و شلون الاجراءات بالضبط عشان ابي استقيل و عقبها اقدم على الديوان مره ثانيه
و اذا بالمدرسه اقدر اروح الوزارة اقدمها قبل الدوامات يعني ابي اعرف التفصيل الممل بالضبط شنو لازم اسوي خطوة خطوة الله يعافيكم
و جزاكم الله الف خير
والله وانا بعد ابي اعرف الخطوات, بس بغيت اسألج حبيبتي ليش تبين اتسوين هلشي ابشهر 9؟؟؟ يعني ليش مو شهر 6؟؟ انا اللي اعرفه انه الاستقاله اتصير بأي وقت تبين؟؟
لان ما يسوى اقدمها بشهر ٦ عقب ما تحملت طول هالوقت ما بقى شي و تخلص و حسافه اضيع على نفسي معاش العطله فقلت اقدمها بشهر ٩ احسن
اعذريني ع لقافتي
سوالي
ليش بتقدمين استقالج من التربيه ؟
اللي اعرفه ان الكل يبي التربيه واللي يكمل دارسته عشان يكون مدرس وانتي بتستقيلين
وسوري ع اللقافه ����
حبيبتي شوفي انا بعد كنت ابي اعرف لأنه قاعده افكر بلموضوع صارلي فتره, فأنا اليوم سألت وحده اعرفها بلدوام وقالتلي شلون اختها سوته العام اللي طاف, شوفي اذا ابتستقيلين خلال الدوام المدرسي تاخذين نموذج استقاله من السكرتاريه ابمدرستج و تعبئينه و تملين بياناتج و تطلبين من ناظرتج اتوقعه, اما بلنسبه اذا بتقدمينه عقب ماتصك المدرسه يعني شهر 7 او 8 فتوقعينه من الوزاره ويتم الموافقه عليه من الموجهه اللي بلوزاره, وبعدين عقب مايتوقع الطلب اتودينه بنفسج الوزاره احسن علشان اتمشينه بسرعه, وتحفظين رقم طلبج, يعني كل طلب استقاله له رقم فتحفظينه احسن, وتودينه لهم راح ايوقعونه من كذا مكان ويطلبون منج انتي اتوقعينه من كذا مكان بعد, بعدين اتمين اتراجعينهم كل يومين على مدة اسبوع او 10 ايام بلكثير.. جذي فيوافقون و راح يعطونج كتاب اخلاء طرف يوقعونه لج بلروضه, وتردينه الوزاره وتنطرين الرد و عقب فتره ايدقون عليج ويعطونج كتاب اتودينه الماليه عندهم, اهني الماليه راح يخصمون عليج فلوس عن ايام مرضياتج كلللللللها (طول مدة خدمتج) و التأخير و مادري اذا العرضي والاستئذان يحسبونهم بعد والله مادري مو متأكده, بس الشي الوحيد اللي متأكده منه انه في خصم مبلغ كبير للغياب والتأخير وراح يكون مبلغ يعني يمكن شبه عود, بس الحلو عقب ماتخلصين من الماليه وتعطينهم افلوسهم, راح يعطونج كتاب تقدرين فيه تروحين الـتأمينات و تطالبين بفلوسج اللي كانوا يخصمونها من معاشج كل شهر بس بشرط ماتنحسبلج سنوات الخبره اللي اشتغلتيها, اما اذا تبين يحسبونلج السنوات فماتاخذين فلوسج, يعني المعامله اتطول وتاخذ اسبوعين اذا راكضتي عليها يوميآ, اما اذا خليتي المراسل مال مدرستكم يسويها فممكن تاخذلها شهر تقريبآ اذا طولت. بس اللي اعرفه (انا مو مجربه, بس سامعه!) انه اذا قدمتي استقالتج ابشهر 6 يحق لج فلوس العطله الصيفيه كاااامله, لأن تعتبرين كملت السنه الدراسيه كاااامله + انه شهر 7 و 8 معروفين انهم عطله ومافيهم دوام؟ فيحقونلج؟؟ وانا بصراحه سامعه وايد ناس قدموا استقالتهم اب شهر سته و بشهر 7 بعد؟؟ وخذوا الفلوس وحد قالهم شي! الا اذا انتي سامعه شي ثاني انا مادري؟؟ فاذا سامعه قولي؟؟ وموفقه و انشالله كلامي يفيدج
يعطيج الف عافيه sick
حبيبتي شفايف على حسب شخصيتج انا وحده عارفه نفسي مو قادرة اتحمل التدريس عصبيه و لاني متحمله الضغط من كل صوب و ماني حابته من الاساس انا وحده الزم ما علي راحتي ما ابي ارجع البيت افكر بالمدرسه و لا منهج و لا اي شي ثاني يخص الشغل بس البعض يحب التدريس فعلى حسب شخصية الواحد
الله يكون بعونج
امين اجمعين ان شاء الله