سؤال عن شهاده icdl ؟ للي ماخذتها

السلام عليكم ورحمه الله وبركاته

بنات انا وحده بطاليه .. لا وظيفه ولا معاش

وسمعت عن هاذي الشهاده وانه في جم مكان طالبينها بالوظايف .. وممكن انها تسرع من انه يقبلونج
بالتوظيف …

ابي اعرف اذا ابي مكان معتمد اقدر اخذ هاذي الشهاده منه
والدوره جم مدتها ؟ وشنو يدرسون فيها وشلون طريقه الامتحان ؟
وجم سعرها بالضبط ؟ …

وأكون شاكره لكم … والي ماتعرف ياليت تعرف الموضوع

هلا
انا خذيت الشهاده من جم شهر بالكويت انا امتحنت بس ما خذيت الدوره لان بسيطه وايد وايد وايد وايد وايد

وبخصوص انها تفيد بالاشغال وايد !! الصراحه مافادتني بشي ، هي مرغوبه بالقطاع الحكومي فقط وفي مجال التدريس اما الخاص الصراحه مافادتني بشي .. عن تجربه يعني لان كل شركه يسوون لي مقابله اقولهم عندي هالشهاده يقولون مو مطلوبه ..

بس من خلال البحث بالوظايف اشوف انها مرغوبه بالقطاع الحكومي واذا تبين تشتغلين بمدارس او جامعات …

انا خذيتها من معهد النهضه الحديث بالفروانيه معتمد سعر الامتحانات فقط 60 دينار اهم 7 امتحانات .
وسعر الدوره مع الامتحانات 150 دينار .

بخصوص الاساله شلون اذا فكرتي تاخذينها راسليني وبعطيج البرنامج الخاص بالدوره لان المعاهد مايعطونج اياه . وتدربي عليه ودشي الامتحانات واظمن لج مليون بالميه ناجحه .

واي استفسار انا حاضر

يعطيكم العافيه على الرد ….

ماقصرتوو

وانا سالت فيها لانه الي عرفته انه الي بتقدم على جامعه الكويت لازم تاخذها

فا ودي تكون عندي قبل لا اقدم على الجامعه .

أنا خذيتها بمعهد شال بحولي سعرها 85 أو 57 ناسيه

طبعا السعر يشمل الدوره والامتحانات

الدورة مدتها شهر ونص تقريباً

وعدد المواد 7 .. كل ماده تاخذ أسبوع وبعده يكون الأمتحان بالماده

وتقدرين تأجلين الأمتحان اذا حسيتي نفسج مو واثقه من الماده عشان تراجعينها

واذا لا قدر الله رسبتي ماده .. تدفعين 10 مادري 15 .. عشان تعيدين الأمتحان

صح كلامج انا لما قدمة عالجامعه قالوا لازم هالشهاده

صح خوذيها وراح تفيدج والله يوفقج

ممكن تفيدينا اخت السحابية اكثر عن الامتحانات…

بعد بنات فيدونا اكثر بالمعاهد

اب

حتى انا واختي اخذناها من قبل 3 سنين بيوتيرن الرقعي
بس ب 85 دينار

واقولج الكتب لا تشترينها ما منها فايده

اللي يدرسج اياه المدرس بالمراجعه كاااااااااااااااااااافي وبس

اختبار حده سخيف بس الشهاده بس يسمعونها بالوزارات عندنا يتكهربون لوووووول حسبالهم شي هي جدا بسيطه

انا خلصتها شهر 12

و خذيتها من مركز الخوارزمي بعماده جامعه الكويت بشويخ ( معتمده طبعا )

و مده الدوره 7 اسابيع كل موضوع تاخذونه باسبوع و تمتحنون فيه اخر الاسبوع

اهيا سهالات حق اللى يعرف حق الكمبيوتر بس اللى مو ذاك الزود راح يغرز شوي p;

و الدوره ان ما خاب ظني ب120 دينار بس اذا سقطتي بامتحان و تبين تعيدينه تدفعين 5 دنانير

و هذا كل شي ^_^

الدوره 7 امتحانات وما تحتاج كتب ولا شي مجرد احد يقعد يدربكم على البرنامج الموجود وتدشون الامتحان ونفس الاساله اتيي بالامتحان .

البرنامج إللي عندي تقريبا 80% من اساله الامتحان إللي بالمعهد نمتحنه . يعني النجاح مضمون 10000%

توني مدرسه زوجي من اسبوعين على البرنامج وقبل الامتحان ادرسه ويدش الامتحان ونجح واخذ الشهاده .

والمدرسين بمعد النهضه يساعدون وايد للي تحس انها ما بتنجح بالامتحان او ترتبك بالامتحانات فهم يساعدون وايد وايد ..

وإللي تبي البرنامج تخبرني انا ادزه لها .

واي سؤال انا حاضر

والله يوفقكم جميعا

وحبيت اخبركم مو لازم الدوره ناخذها عادي بس نروح نمتحن وانا وزوجي سوينا جذي تدربنا على البرنامج ورحنا امتحنا بس والامتحانات بس 60 دينار ..

وإللي بتدرب على البرنامج وبتروح تمتحن اضمن لها النجاح