|
|
قوه بنات شلونكم 
بنات ساعدوني ابي شركة اسجل فيها بس لدعم العمالة المشكلة ما اقدر احصلهم بسهوله
الي تعرف خل تفيدني جزااها الله خير
اللي تساعدنا بس اذا بتسجلين وتاخذين بدل عماله بدون شغل فا اقولج ترا حرام يعتبر مال حرام
وعسى ربي يباركلج
واذا طاحو عليييج يدفعونج غرامات وترديين كل الفلووس الي اندفعوا
دعم العماله الدوله تدفع عشان تشجع الكويتين يشتغلون بالخاص مو عشان ياخذونه واهما قاعدين في بيوتهم !
الكل الثاني ماله داعي !
مشكورين
وهذه مجرد نصيحه
واب واب
اللي تتكلمون عنه اهو التوظيف الوهمي
اول شي مثل ماقالوا البنات حرااام و اعيدهااااااا .. سوري بس لازم اقولها
شلون بنهاية اليوم تنامين و انتي تاكلين و تشربين بفلوس حرام؟؟
ثاني شي الموضوع مو بس جذي
انا بقطاع خاص وعندنا موظفين توظيف وهمي في وايد موظفين انصادوا بالشركات !
اعادة الهيكلة عندها مفتشين .. يعني يطبون عليج فجأة ما لقوج بالدوام ينادونج و يطلبون اثباتات على شغلج
و يسألونج بالمجال اللي حاطينج فيه واثبات الدوام مثل البصمة ماعرفتي حولوج تحقيق و طالبوج بفلوسهم
اذا انتي جامعية دعم العمالة بروحه 410 دك اذا طاحوا عليج وانتي صارلج سنة وخل نقول ثلاث تشهر راح تدفعين لهم 6,150 دك !!
غير البلاك لست!
واذا تستلمين اعانة الجامعة و دعم عمالة شهادتج لما تتخرجين ماتتصدق الا لما تردين فلوسهم
و هالكلام مليووووووووووووون بالامية متأكدة منه و شفته بعيوني بعد
حده ماتسوى عليج لا بالدنيا و لا الاخرة
ليش تقعدين وتاخذين فلوس حرام و طول الفترة ايدج على قلبج ماتدرين صار تفتيش ولا لأ
و تنحطين بلاك لست ؟؟؟
قزريها لين الله يفرجها
يكفي المال الحلال فيه طعم
بعدين فيه ظلم لغيرج
انا وغيري نكرف لي الليل و انتوا بالبيت تستلمون راتب ؟؟؟؟؟! اكيد مايجوز و لو انتي بمكاني جان عصبي
انا نصحت و انتوا كيفكم
عبالج اذا خذيتي فلوس دعم العماله بتستانسين فيهم !!
يمهل و لا يهمل
الياهل نقوله اذا جذبت بتدخل النار
لكن انتو بنقولكم جهنم و بئس المصير
راجعو نفسكم
عبالج اذا خذيتي فلوس دعم العماله بتستانسين فيهم !!
يمهل و لا يهمل
الياهل نقوله اذا جذبت بتدخل النار
لكن انتو بنقولكم جهنم و بئس المصير
راجعو نفسكم
وبعدين صاحب الشركة الي باخذ منه دعم عمالة يدري اني شغاله عنده على ذمته اهو مو انا
والله يخليكم محد يدش ويفتي ويطلع الي ما يقدر يفيد لا يرد