بنات منو ماخذه شهادة icdl?

السلام عليكم

اشلونكم؟ شخباركم؟ عساكم طيبين..

بغيت أسألكم بنات منو ماخذه شهادة ICDL ابي اعرف وين أحسن معهد و يفضل لو بالسالمية

والله ما صارلي شهرين من تخرجت حده ضايق خلقي من قعدة البيت ابي اقزر وقتي بأي شي

اللي خذو الشهادة حسيتو فرقت معاكم لما قدمتوا حق وظايف ولا لا؟

و سلامتكم

والله يالغالية في وظائف يتطلبونها
التربية يبون
والجامعة يبون الا اذا كنتي بكلية علمية دارسه فيها عدل بالكمبيوتر
يعني انا خريجة حقوق ولما قدمت على الجامعة قالو ضروري عندج شهادة اي سي دي ال
حياتي الدورة حدها سهلة لكن اذا انتي ماتعرفين شي بالكمبيوتر لا انصحج فيها
انا اخذتها بمعهد بالفروانية
مع ان في معاهد اقرب منها بالنسبة لي بس كانت اغلى وساعات اقل
وانا مثلج كنت بقزر وقتي
وموفقة حبيبتي

انا ماخذتها والصراحه ماستفدت اي شي منها وانا بعد خريجة دبلوم إدارة مصارف والله الصراحه كاهي شهادتي عندي ماستفدت منها اي شي انا ماخذتها في اكاديمية سيمز بالسالميه

حبوبة شوفي جامعة الكويت الحين مسوين عرض الدورة +الكتب + الاختبارات بـــ 90 دينار بس
وامس كان اول يوم لدورة ومدتها شهر شوفي يمكن تقدرين تسجلين فيها لان الصراحه مركز الخوارزمي بالنسبة لي اضمن والمكان راقي مو بمستوي بعض المعاهد .
وبخصوص انها تفرق بالوظيفة على حسب المكان الي تبين تقدمين عليه

وبالتوفيق

معهد uac بحولي

Peony

التربيه لا يحوووشك انا دارسه بالامريكيه و الاستراليه و درست مواد كمبيوتر و عندي خبرة بالكمبيوتر بس مادري هل يطلبونها او لا مع شهادتي
و مشكورة على الرد

بنت سيمز
والله انا حاسه انه ما منها فايدة بس شسوي ملل و ممكن تقولينلي وين سيمز بالضبط؟ و يعطيج العافيه

MISS DaL3
حلووو بس عادي ياخذون اي احد؟ يعني مو شرط اكون دارسة بجامعة الكويت؟
انا اذكر اختي خذتها عندهم قبل جم سنه
و شكرا على المرور

MiSS B.K
حولي صعبه شوي اذا غصيت بالزحمه شيطلعني لوول مشكوره على الرد

انا خذيتها بالسالميه اب معهد نيو زون حده زيين والله و هاذا رقمهم 25624881

شهادتي من شهر 10 مخلصه ماخذيتها ليلحيين :\\

كنت ابيها حق تقديم الجامعه بس ما قبلوني :@

و كنت بطاليه نفسج فشغلت وقتي والله تونس بس ديربالج تاخذينها بجامعه الكويت حدهاا صعبه اعرف وحده مليون مره تمتحن و لما شفت كتبها اخترعت !! من عذر مسكينه :\

احنا ما عندنا كتب بس جم ورقه يعطونا ندرسهم و ندش الامتحان

و اذا مو ناسيه كانت اب 90 او اقل الدوره مدتها شهر و نص

موفقه

Om Kesha أنا توني مخلصه دورة ICDL من جامعة الكويت بالعكس كانت حلوه و خفيفه و ما فيها شي لووووول الصراحه أنا اول ما عطونا الكتب و شفتهم حدي مصروعا و اخترعت لكن الكتب ترا ما استخدمتهم الا اول كتاب بس لان كان اول امتحان IT نظري فاضطرينا ان نفج الكتاب و ندرس منه و اخر الاسبوع عطانا الاستاذ اسئله multiple choice للمراجعة و طلع ٣/٤ اسئله الامتحان منها !!
و بالنسبه للاجزاء الباجي كلها كانت عملي و من شرح الاستاذ كان يغطي كل المنهج و يقولنا الاسئله الي ممكن تيي بكل جزء و يراجع معنا قبل كل امتحان و يحل معنا امتحان تجريبي يكون نفس طريقه الامتحان الصجي فالصراحه كانت الدوره حلوه و خفيفه و ما واجهنا أنا و زميلاتي الّي وياي اي صعوبات تذكر خلال الدوره و الحمد لله تونا خلصناها

Chevy مدام انج دارسه مواد كمبيوتر فالدوره ما تعلمت منها شي يديد يذكر اغلبها اشياء دارسينها و عارفينها بس الدورة كانت ممتعه و خفيفه و لطيفه -دوره ICDL مالت جامعه الكويت -اذا كانت الغرض منها مجرد قضاء وقت الفراغ بشي مفيد فانا انصح فيها و بشده و اتمنى لج التوفيق.

..

حاليا بالدورة ., وامس كان اول يوم لنا .,ّّ

/
وهذا الكلام كتبته في اكثر من رد, وبيفيدج .,

الدورة القادمة راح تبدي 1 /5 الى 16 /1 يعني لمدة 7 اسابيع.,

أوقاتهم الصباحية 9-11 , 11- 1
أوقاتهم المسائية 5-7 , 7-9

الدوام يكون طول الاسبوع ماعدا الويك آند .,

طبعا انتي لج الحرية تختارين الوقت الي يناسبج .,

المكان الخوارزمي _ في الخالدية كلية الهندسة يم الكفتريا .,
ما يضيع انت دشي الكلية بوابة 3 او 2 وبعدها قولي للسكيوريتي وين الخوارزمي .,

.,

المستندات المطلوبة للتسجيل في الدورة هي
صورة للبطاقة المدنية, صورة شخصية, صورة لجواز السفر

أما رسوم الدورة لطلبة وطالبات الجامعة 80 دك
لغير طلبة وطالبات الجامعة يعني للموظفين 120 دك .,

بالنسبة للموظفين حاليا في عرض صارت 90 دك بدال الــ 120 دك .,

ارقام تلفوناتهم .,
24842075
24985044

يردون عليج بسرعة .,

ملاحظة مو بس الخوارزمي يقيم دورة الــ icdl
عندج في جمعية المعلمين بعد , واماكن أخرى.,

انا تخصصي حاسب بس متخرجه من 2024 الدوره هذي تجدد معلوماتي ولا تعتبر مبادئ

/

توتاتوتا

هي مبادئ لكن البعض مضطر يآخذها عشان الشهادة .,!!

اكاديمية سيمز بالسالميه وهذا رقم تلفونهم 25656911

شارع ابوذر الغفاري قطعه12

up

بنات ابي بس حق البنات مو مختلطه

انا للحين ناوية اخذ عالشهادة و ما خذيتها لوول
دقيت على معهدين سيمز و نيو زون
سيمز يقولون موقفين اللحين و يبدون شهر 1 و نيوزون ردت علي الموظفة نفسها بخشمها و تكلمني جني غبيه يغيت اسده بويها !
في احد عنده معاهد ثانيه و يااااااا لييت لو بالسالمية اقرب لي