|
|
تقبل الله طاعتكم وعيدكم مبارك جميعا
الموضوع باين من عنوانه
أنا كويتية درست بمعهدخاص 9شهورإدارة أعمال وكنت أول وحدة بالمعهد أسجل فيها من فتحوا هالدورة بس انا اللي سجلت فيها و9شهوربالصف بروحي درست وخلصت والحمدلله ماواجهت اي صعوبه لكن الحين استلمت شهادتي وبقدمها عالديوان من يفتح وطبعا الديوان بيضبطلي موعد امتحان مع التطبيقي علشان يعترفون بشهادة المعهدالخاص اللي درست فيه9شهور اذا نجحت الحمدلله واذا سقطت كأنك يابوبديرماغزيت ولاكأني تعبت ولاكأني دخلت هالدورة وكلفتني 550دينار
تعبت والله لكن الحمدلله تخرجت من المعهد واستلمت شهادتي
ولما استفسرت من مدرسين المعهد شلون راح يكون امتحان التطبيقي قالوا ماندري لان تونا فتحنا هالمجال هالسنه وانتي اول وحده دخلتيها وبس مدرسة وحدة اتدرس هالمادة اللي هي درستج قلت لهم شلون طريقة امتحانهم ادخل ماعرف كوعي من بوعي يعني ماتدربوني ولاشي قالوا ماعندنا خلفية عن امتحان التطبيقي لادارة الاعمال شلون صايرالوضع جديدعلينا بس انتي شدي حيلج والله يوفقج
ظاااااااااااااايقه فيني الدنيا هو المعهد معروف ودراسته زينه الحمدلله بس انا وضعي يخوف غامرت بروحي من اول مافتحوا هالمجال دخلتها بروحي وخلصت بروحي ولا ادري عن امتحان التطبيقي شلون صاير مقابلة والا نظري والا عملي عن شنو بالضبط راح يمتحنوني الله اعلم
الله يدخلها الجنه من غير حساااااااب اللي اتعرفلها احد بالتطبيقي من اهلها او جماعتها او اي وحدة امتحنت ونجحت ادارة اعمال تسئلها شلون كان الامتحان ابي تفاصيل عنه بالتفصيل الممل الله يخليكم ولايحرمكم من عين ترجيكم مابي بعد هالتعب اللي تعبته اتفاجئ بشي ماكنت متوقعته
طلبتكم
تردون علي اللي اختبروا ادارة اعمال 9شهور دورات خاصه امتحان التطبيقي ابي طريقة امتحانكم شلونه بالتفصيل الممل من الالف الى الياء
واللي لها احد بالتطبيقي تسئله
ياهل الخير تكفووووووووووووووون فيدوني
انا نفسج بس دراستي كانت علوم كمبيوتر شامله
وباجر امتحاني وماني عارفه شسوي وتو رفيجتي قالتلي ليش ما اخذتي من المعهد نسخه من الاسئله
لو كنت ادري جان رايحتلهم واليوم جمعه مسكرين مادري شسووي
وسالت البنات اهني محد جاوبني
ياااليت اللي تعرف تفيدنااااااا
بليز بنات الله يوقف كل وحده ترد علينا تساعدنااا
لان فيه نظري وفيه عملي الامتحان وحححححدي خااااايفه
الله يسهل علينا
الامتحااان حدده سهل بس بالنسبه لاداره الاعمال مالي خبره فيها والله
|
المشاركة الأصلية كتبت بواسطة أميـ الورد ـرة
 انا نفسج بس دراستي كانت علوم كمبيوتر شامله
وباجر امتحاني وماني عارفه شسوي وتو رفيجتي قالتلي ليش ما اخذتي من المعهد نسخه من الاسئله لو كنت ادري جان رايحتلهم واليوم جمعه مسكرين مادري شسووي وسالت البنات اهني محد جاوبني ياااليت اللي تعرف تفيدنااااااا بليز بنات الله يوقف كل وحده ترد علينا تساعدنااا
|
النظر مااذكر بالضبط بس ياني عن الكيلو بايت وياني عن الرسام بس سهل وكله خيارات
وبالعملي الورد والوندوز والاكسل للورد تسوين قطعه وتحطين رمز وعنوان وتغيرين الخط وتحطينها في حدود اهم يحطون لج الي يبونه بس تافهه
والاكسل يبونج تسوين مخطط
والوندوز يبون حجم السي وحجم ملف تسوينه والرامات جم ويبونج تسوين ملفات داخل ملفات
والله توني قطيت الاوراق ماخذتهم من المعهد نسخه من الامتحان العملي وبالتطبيقي اسهل بعد
والنظري قالو لي ماكو صج انصدمت بس الحمدالله عديت ونجحت بالامتحان وقدمت بالديوان
المشكله ان المراااقبين خايسييين نفس ويالله ويخلونج ترتبكين لج وقت معين للنظري واذا خلصتي روحي للعملي احسن لج يصير لج وقت للعملي
ونصييييييييييييييحه البطاااقه المدنيييييه لاااااااااااازم تاخذييينها ويا شهادتج ولا ترا ماتمتحنين يرجعووونج
وصح كلامج جذي الامتحان كان وحده سهل
بس انا مو دارسه وناسيه كل شي ومادري اجوبتي صح او لا
بس متأكده من شغله وحده اللي اهيه ٢٠ درجه طاروا مني هههههه واذا اكو زياده الله اعلم
لان بالعملي ماحليت الاكسل ولا شي فيه خلص الوقت واخذوا الاوراق
انقهرت حدي بس المراقببن كانوا اوك حبوبين الحمدلله لا حسينا بارتباك ولا شي
وحده وناسه كان ماودي اطلع ههههه
والنتيجه بعد اسبوع قالولي يعني الاحد بروح اجيك وعسى ان شاءالله اكون ناجحه يااااااا رب