تجمع خاص لموظفات منطقة مبارك الكبير التعليمية ليش لأ

ترانى غيرت يا بنات ليش ما نسوى تجمع خاص فينا جديد نسولف نتشارك فية همومنا ومشاكلنا نفضفض على قولت اخوانا اللبنايين فش خلئك و نوسع صدورنا نبى يا بنات نساعد بعض ونساعد اللى محتاج منا استفسار وتجاوب كل وحده تبع تخصصها وتذكر معاشها ومسماها الوظيفى وتابعة حق اى ادارة لانى ملاحظة وااااايد استفسارات من البنات منها الاجازات والراتب والدوام والشهادات وتعليم الكبار وغيرها بالنسبة لى راح ابدأ انا فى ادارة الانشطة المدرسيةتابعة للتوجية الفنى للمرشدات والزهرات تونى مبلشة دوام من يوم الاثنين والبنات اللى معاى عسل وحبوبات ونفسهم حلوه والله يوفقهم والمكان مريح طبعا ما فى شغل الحين لاكن بداية العام الدراسى و راح اقولكم كم راتبى لما اتأكد منة يقولون خمسمية وشئ ومسماى منفذة معاملات على الدرجة السابعة وقالتلى موظفة انه صارفين لهاالكادر من شهر 5 مشكلتى اللى اواجها الحين البصمة ما تضبط معاى يقولون راح يغيرون الاجهزة تقبلوا مشاركتى وابى منكم المشاركة لان يا بنات فيها اجر ونكسب دعوه حلوه

ليش بنات ما فى مشاركة عفية اجبروا بخاطرى وردو

مشكوره على التجمع مو جنه انتي اللي معانا بتجمع بنات ىلمساىي ياهلا فيج والله
انا ودي اعرف بضبط انتي شنو اتسوين شغلج خفيف ولا شنو
و توظفتي على شهادة المتوسط صح ?

مشكورة يا حياتى على ردج نعم انا معاكم بالمسائى بس انا شهادتى ثانويه عامة وموظفه بالمنطقة التعليمية

اشكثر نطرتي الوظيفه و ماقلتيلي وظيفتج شنو بالضبط شنو اتسوين

يعوي منفذة معاملات الدوام صعب ولا سهل

انا وظيفتى منفذة معاملات وبإداره الانشطه المدرسية تبع التوجيه الفنى للمرشدات والزهرات نطرت سنة وشهر وترشحت ورغبتى كانت التربية وحطونى باداره التعليم الخاص بالسالميه اول ورفضت وجبت واسطه علشان اتوظف بالمنطقه وما نطرت واجد ستة ايام واعادوا توزيعى بغيت مدرسه بس يقولون لازم اخدم ثلاث سنين بالوظيفة او واسطة قويه وزوجى يحاول يدورلى واسطه والمكان حلو ومريح ما فى شغل الحين يقولون بدايه العام الدراسى والبنات حبوبات حيل وخلوقات ومرتاحة لان المكان مافى اختلاط هذا طلب زوجى يعرف مدير هناك وحطنى بهذا المكان