تعالوووا :(

السلام عليكم ,. شلونكم بنات ..
قبل فترة انا حطيت موضوع انه مقدمة على وظيفة ووقعت العقد بس ما دقوا علي ,’
الحين الحمدلله انا داومت بالشركة ., بس في شغلات مضايقتني حيل ودي افضفضلكم واتمنى توقفون معاي وتنصحوني وتساعدوني

بتكلم من وقعت العقد طبعا انا ما قريت العقد نهائيا كنت ادرس حق الامتحان فدقوا قالوا تعالي وقعي قلت له ممكن اقرآ العقد قالي لا تضيعين وقتج كل اللي مكتوب شرحناه لج بالمقابلة انا سكت ع اساس انه اللي جدامي ناس ثقة ..
المهم الحين اول يوم داومت طبعا ماكو مكتب ماكو كرسي قلت يلا بقعد اتشرط من اولها فقلت يمكن هالوضع طبيعي عطوني اوراااااق ارتبهم المهم رتبتهم وخلصت وكان في وقت فاضي رحت للمسوولة سألتها عن طبيعة شغلي قالتلي انتي هني بشكل ( مؤقت ) وعقدج بس فترة الصيف !!!!!!!!!!! انا بصراحة مسكت نفسي غصب عشان ما ابجي صدمتني شنو مؤقت شنو صيف قالتلي روحي للمديرة اهي تفهمج رحت اهي مو موجودة نطرت ع اساس بترد وماردت ثاني يوم نفس الشي قعدت تحت انطرها قالوا ماخذة طبية ودقت قالت خلوها عندكم بالرسبشن ( مؤقت ) .. بلعت الغصة اللي فيني وقعدت تحت تعلمت الشغل مالهم شلون اذا دش احد بيقدم اختبار او بيقدم السي في او شلون اسوي سكان .. المهم داومت المديرة قالتلي لحظة اكلم مسؤولتج جان تقولي ميخالف فوق في ضغط نقلي شفتج لي الظهر ! قلت لها ظروفي ما تسمح الظهر انا وقعت معاكم ع اساس شفت الصبح فقالت اوكي خلج عندنا فترة .. يوم الاربعا قالتلي روحي مكانج القديم انا استانست انه ع الاقل لي مكان بهالشركة ,, رحت جان تقولي اي انا عندي ثنتين طالعين اجازة فبحطج مكانهم على مايردون زين وانا شنو وضعي ليش كله مؤقت مؤقت مؤقت
قعدت نادوني انه يبون اوراق من التأمينات عطيتهم ولا اللي فوق عطتني نسخة من العقد في بلاوي ماقالولي عنها مابي اقولها .. المهم خل اقولكم عن سالفة المعاش طبعا بالمقابلة ربي يشهد علي قالتلي شوفي بس يكمل عمرج 25 راح يمشيلج دعم عمالة مع راتبنا قلت اوكي الحمدلله نعمة .. الحين طلع لاا لازم اهد دراستي او اكمل 3 سنين عندهم
والله العظيم ماقالولي جذيه انصدمت انا يوم رحت اقدم ما كنت اعرف شي مفروض يشرحولي واحلفلها ماقلتيلي بالمقابلة تقول قلنالج
انا دراستي مابي اهدها بنفس الوقت معاشي المفروض يكون 150 منهم والحين يقصون مادري شنو فالصافي يطلع 133 امي معصبة تقول ماتسوى عليج ليش جذيه تروحين وتردين بس على هالراتب .. معاها حق لانه اتفاقنا معاهم ماكان جذيه .. مابي اهد دراستي لانه وضعي مو مبين شنو معاهم .. شسوي شالحل وماراح اقدر اطلع من عندهم في شروط بالعقد انه ما اقدر ,,
تعبت نفسيا حماسي كللله تبخررررررررررر شسوي ساعدوني

الله يعييينج وتصبري علي مايخلص العقد اذا كان مني لي الصيف

شقردية : لا مو لي الصيف ,, بس المسؤولة تسولف من كيفها عشان انا بارت تايم عبالها بس فترة الصيف

هذا وين اي شركة ؟؟
لان وحده اعرفها نفسج وقعت العقد وناطرتهم يدقون عليها على اساس بارت تايم

سارونة : شركة الملا

الله يعينك..

اختي لازم تقولين لنا شنو بالضبط عقدج لان مافهمت تفاصيله عدل
بس دام موقعه عقد وياهم في حالة اذا طلعلتي قبل مدة معينة (مرات يحددون سنة مرات اكثر )
انج تدفعين مبلغ معين
انتي شنو كاتبيلج بالعقد .؟ ومرات عادي في اماكن اذا بارت تايم مايحددون شرط

وسالفة الدراسة اكيييد اهم حدج لاحقه عى الشغل
وسالفة ان موقعه 150 ويعطونج اقل هم مو مفهومه شكو

وسالفة دعم العمالة اهما شرط دعم العمالة مايعطون حق طلاب هذا من دعم العمالة نفسهم
لازم تتخرجين بعدين يالله يمشيلج
او اذا مو متخرجه الي عمره فوق 25 شي جذي ما عندي فكرة على الشرط عدل بس ها شي مو من الشركة من دعم العمالة

بليييز وضحي الامور اكثر عان نقدر نفيددج
والله يسهل عليج

الله يعين الجميع

حبيبتي مشكورة

اذا مو حابه المكان وتقدرين تدفعين مبلغ الشرط دفعيه وطلعي
واذا ميزانيتج ما تسمح كملي وامرج لله
حاطيلج بالعقد جم المده اذا طلعتي لازم تدفعين ؟
وسالفة ان ياخذون من معاشج التامينات هذا حق التقاعد فمن الحين ينعدلج سنوات خبرة
فعادي لا تحاتين هالشغله

وسالفة دعم العمالة هم لا تحاتينها ..
لان مجرد ما تتخرجين يحقلج دعم العمالة مو شرط تكملييين 25

25 بس حق اذا كنتي للحين طالبه وتشتغلين

حبيبتي نونوشا : بكمل بعد امري لله ..
انا اساسا شهرين واكمل 25 بس ماني هادة دراستي كلها سنتين مسائي وتمر بسرعة ان شاء الله ..
مشكورة حبيبتي

الله يعينج ويسهل أمورج إن شاالله

بس العقد كان المفروض تقرينه دام إنها شركة خاصة

بيتوتية : والله ماعطوني مجال اقراه شسوي بعد ماعليه

كان المفروض تقرين العقد اشلون توقعين على شي انتي ماتدرين شنو!!!!!!!!!!!!!!!
من حقج تقرينه وتفصيصينه وموعذر ماكو وقت ليش اهو على كيفهم !!!!! كان المفروض تقولين من حقي اقره العقد واشلون اوقع بدون مااقره اشلون وثقتي فرضا في اشياء مو زينه

بالنسبه للي ينقصً من راتب هذا حق التامينات حق تقاعدج ودعم العماله دام انتي طالبه مالج دعم عماله الا اذا فوق ال ٢٥ بس سالفه ماتاخذين الا بعد ثلاث سنين ماعندي فكره راجعي اعاده الهيكله الي اعرفه دعم العماله ينزل بعد ثلاث شهور من التعيين

انزين انتي اللحين عندح نسخه من العقد ؟؟ اذا عندج شوفي جم الشرط الجزائي وهم شوفي عقدج سنوي ولا شنو وفي بند الاستقاله شنو مكتوب فيه ؟ عاده الشركات صارت اللحين الي يبي يستقيل ابلغ قبلها بثلاث شهور ومايدفع شي … فضروري شوفي بند الاستقاله وعطيني خبر وهم شوفي شكثر مدة عقدج

اللحين الي صار صار بس هذا درس لح حق المستقبل لاتوقعين على ولا شي بدون ماتقرين سواء عقد ولا معاملات مصرفيه اي شي حتى لو تافهه اقريييييه*

اي والله درس قاسي بعد
مشكورة حبيبتي

واي حبيبتي الله اعينج بس بغيت اسالج الحين اذا قدمت علي شركه خاصه مايعطوني دعم عماله مع راتب شركه لنا توني متخرجه وعمري 23 لني ودي بخاص انزين شركه الملا شلونهااا وايد اسمع عنهاا ومشكوره