بكالوريوس نظم معلومات it ومحتارة أبي رايكم بنوتات

السلام عليكم ورحمة الله وبركاته

بنوتات آنا حدي محتارة وضايعة .. آنا خريجة نظم معلومات .. جامعة الكويت

ومقدمة على كذا مكان على الله .. والمشكلة ما أعرف شي عن هالأماكن غير أشياء بسيطة .. وإن أغلبهم يبي لهم واسطات

وإللي أهم :

– التأمينات
– جامعة الكويت
– مؤسسة البترول الكويتية
– وزارة النفط
– صندوق الكويت للتنمية

: وفي ناس اقترحو علي :

– ديوان المحاسبة
– الخارجية
– ديوان الخدمة المدنية
– المالية

يعني صراحة ماني عارفة جم معاشي بيكون بهالأماكن .. وشنو الإجازات بهالأماكن .. وشلون البدلات والكوادر .. والراحة وأوقات الدوام .. خليجية

بشنو تنصحوني ؟؟ وجاوبوني على هالأسئلة كثر ماتقدرون .. لأني صج موعارفة شي .. خليجية

– مكان العمل
– المعاش
– أوقات الدوام
– البدلات
– الكوادر
– الراحة

وإذا في نصايح أو إقتراحات لأماكن ثانية نصحوني ..

وآنا راح أقدم عالتأمينات يوم الأحد .. ومؤسسة البترول بعد ان شاء الله ..

ناطرة ردودكم .. خليجية

صباح الخير

الله يوفقج بالمكان المناسب وحاولي تدشين على مواضيع مرتبطه بأماكن العمل اللي ذكرتيها وبتحصلين وايد معلومات البنات كاتبينها من خلال تجاربهم.

صباح الورد حبيبتي أجياد خليجية

الله يوفق الجميع ان شاء الله .. إي آنا فعلا سويت جذي .. جيكت عالمواضيع واستفدت وايد من حجي البنات بخصوص التأمينات و بخصوص جامعة الكويت ..

وآنا بكتب جم معلومة لقطتها عن التأمينات .. للإستفادة ..

– مكان توظيفه مستقل عن الديوان
– يطولون على ما يقابلون الأوادم ويقبلونهم .. ( يعني تطلع بصماخي نخله خليجية ، وتطلع روحي على ما أتعين إهناك ) ..
– أغلب بنات الدبلوم قاعدين يعينونهم بالكاونترات .. اللي وظيفتهم مراجعة أوراق العملاء ، وصعبه سالفة البريك لهم ..
– حتى بنات البكالوريوس في منهم يشتغلون بالكاونترات ..
– وفي بنات شهايدهم دبلوم وشغلوهم موظفات استقبال .. يعني مثل سالفة الأرقام وتوجيه المراجع ..
– دوامهم من 7 ونص لحد 12 ونص .. حق الكاونترات .. وحق الإداريات من 7 ونص لحد 1 ونص أو 2 ..
– معاشات البكالوريوس 850 على مااعتقد خليجية .. والدبلوم 750 على ما أعتقد ..
– طبعا في فترة تدريب قبل التعيين .. تتراوح مابين 3 أشهر إلى 6 أشهر .. يعني نجاح وسقوط بعد كل هذا .. بس الحلو إنج تاخذين معاش نهاية كل شهر أقل من معاشج الأساسي بـ 100 دينار إذا ماني غلطانة ,, خليجية