|
|
السلام عليكم خواتي : انا اشتغل بالصحه وحابه استقيل واشتغل بقطاع خاص وبغيت اعرف اشلون الدوام بالخاص واشلون رواتبهم واذا بستقيل لازم اول شي اشوف لي مكان اشتغل فيه ؟
عسى الله يسهل امورج
الدوااام طوييل وتعب وشغل مو مثل الحكومه ماكو تسيب وماكو غياب واستئذانات واجازات على كيفج انتي محاسبه على كل دقيقه تاخير ماكو غشمره بس على كثر ماتتشغلين بتلاقين تقدير … بالنسبه للراتب يعتمد جامعي ولا دبلووم وجم سنه خبره عندج اذا عندج خبره فالراتب مو ثابت بعتمد على مؤهلاتج وقدراتج وخبرتج يعني بالقطاع الخاص ماكو سلم وراتب معينه بس عمومااا حديثي التخرج
الجامعي بكون الراتب الاساسي بين ال 500 وال 600 مو اكثر + دعم العماله 410 واذا مجموع راتبج فوق ال 1000 اشيلون منج زياده ال 50 الاخيره يعني دعم العماله بكون 360
الدبلوم بكون الراتب الاساسي بين ال 370 وال 450 + دعم العماله 389 ونفس الشي اذا راتبج فوق ال 1000 اشيلون هم 50 من دعم العماله
هذا غير البونص والتامين والمميزات الثانيه الي تختلف من مكان لي ثاني … اذا عندج خبره يعني سنه او سنتين ضيفي عليهم زياده من 50 لي 100 على حسب ..
بس شوفي الوضع حاليا بالقطاع الخاص غير مستقر فاذا تبين خاص خلييج في قطاع البنوك اهو أمن وافضل قطاااع ومافي خوف وفي استقرار وظيفي احسن من الشركات …
او خيار ثاني اذا انتي ماتبين وزارات قدمي على الهيئات الحكوميه مثل النفط والتامينات والجامعه والهيئه العامه للصناعه او التطبيقي او البنك المركزي وووايد اماكن ومووسسات فيه يبيلج اتج اتابعين الاعلانات اول باول لي شفتي شي حق ذوي الخبره قدمي ومتى مانقبلتي تستقيلين
وموفقه
|
المشاركة الأصلية كتبت بواسطة جروح ودموع
 اختي فراوله ربي يرزقج من اوسع ابوابه ويسر امورج ويحقق كل امنياتج امين يا بعد عمري ما قصرتي وهم بغيت اعرف ان صار لي 15 سنه بالصحه وانا شهادتي دبلوم توقعين يقبلوني المستشفيات الخاصه ؟
|
ماشاءالله من زمان تشتغلين !!
الحين لما مابقى شي على التقاعد بتستقيلين !!
حرام صبري مابقى شي وتقاعدين
انتي توكلي على الله والله اسهل الامور واذا لج نصيب بتاخذينه ان شاء الله اخذي اجازة دراسية
كملي بكاللريوس وايد احسنلج