تشتغلين بالخاص ؟ اخذتي دعم العمالة ؟ تعالي ابيج بكلمة راس ,,

حبايبي انا بأول الصيف تعينت بشركة لمدة شهرين ,,, و عقبها صارت مشكلة و استقلت و صارلي قاعدة بالبيت شهرين ,,,و اللي صاار انهم طوول هالشهرين ما سجلوني بالتامينات و لا دعم العمالة

ساعدوني شالحل شالدبرة !! انا المفرووض استحق 700 دينار من دعم العمالة عسااااه 700 الف زقووم ببطن الشركة و الله اني محترة حييل و مو محللتهم على هالفلووووس و هاللوية اللي دوخوني فيها,,, و اللي بتقوول لا تدعين من الحين اعلمكم انا وحدة يتيمة و كنت اخذ معاش ابوي مال التامينات و لما استقلت و لي يومكم هذا وقف عني المعاش و هالعيد ما عيدت مثل الاوادم لانه ما اخذت معاشي من شهرين !! و لا شفت فلس حمر !!,,,, موظفين الشركة لعوزوني بالعشر الاواخر برمضاااان كل يووم رايحتلهم و طاقه درب و افر اييبلهم اوراق من التامينات و من مادري اي اداره ,, يعني حييييل تعبوني و طلعو عيوني و اخرتها جذي !!!