المجلس الوطني للثقافة والفنون والآداب

قوه بنااات

بنات ابي منكم مسااعده .. توه قبلووني بالمجلس الوطني للثقافة والفنون والآداب وانا ماابي هالمكان وعندي كتاب احتياج لوزاره ثاانيه اقدر اغير والا لا ؟؟ واذا اقدر شلووووون ابيكم تفيدووني عفيه

انا محتآآآآآآآآره

اهلينْ حبيبتي

مادري والله بس انا اللي اعرفه ان هالمكان يتعلق بشغلات فنيه يعني مسارح وشغلات جذي فما ادري عن نفسي ما يصلحلي هالمكان
بس انتي سالي وشوفي يمكن حلو هالمكان انا ما اعرف وله جان ساعدتج

الله يوفقج حبيبتي

اي انا ادري ان المكان يتعلق بالشغلات الفنيه وانا مو حاابته ومايصلحلي كلش

وبخاطري انقل بمكان ثااني وعندي كتاب احتياج بس ماادري شلون الطريقه

مشكووره حبيبتي ع الرد ماقصرتي

أنووني شوفي المكان زيين آنا سامعه جذي بس المعاشات عااديه..

وترى على الكتاب انتي وين عندج حق اي وزاره ..؟؟

آنا اعرف (شوفي روحي ديوان الخدمه وودي معاج الكتاب الأحتياج وقوليله مآنا طالع قبولي وماأبي المكان اللي مرشحيني له "المجلس الوطني" وعندي كتاب احتياج من الوزارة اللي ابيها وبس اهما راح يرفضونج من المجلس ويقبلونج بالمكان الثاني )
والله يوفقج ويسهّلج الأجراءات ويسخّرلج الوزاره واللي فيها..
ومبرووووووك القبول مره ثانية..

يا حيااتي مشكوره على الرد فديتج والله عطيتيني امل

وان شاءالله بسوي اللي قلتيلي عليه وان شاءالله مايعلقووني

واشكرج مره ثاانيه واقولج الله يعطيج العافيه

ولو حبيبتي ما سيوت غلا الواجب..
بس حبيت اسألج أنوووني أنتي شنو تخصصج؟؟ ومن ويين متخرجه؟؟

تدرين عقب ماكتبتلج الرد طلع قابيليني بالمجلس الوطني نفسج بس مادري ويين بيحطوني أي إداره ولا أدري أي شي عنه بس يقولون أنه نفس باقي الوزاراة وفيه بونص بس مادري جم وعلى الكوادر مادري ماقالولي بس ماراح أرفض أول بنطر وبعديين بروح أشوف وين يحطوني شنو وظيفتي يعني أشوف اللي علي وبعديين أقرر أكمل ولا اروح البلديه الصراحه محتاااااره عندي كتاب من البلدية أنهم موافقيين علي للوظيفه والحيين طلعلي المجلس وعندي مكان ثالث ناطره يردون علي يعني الله يستر عسى ما اطول..
أنتي وين عندج كتاب حق أي وزاره؟؟
وبعديين قبل لا تسوين اي شي ليش ماتروحيين تجيكيين على المجلس وتسألين وتستفسريين وبعديين تقررين قبل لا تتخذين اي شي تندميين عليه بعديين والله يكتبلج اللي فيه الخير ويوفقج يا رب..

صج قابلينج معااااااي ؟؟ حساااافه انا رفضت المجلس وعطيتهم كتاب الاحتياج لوزارة الشؤون الاجتماعيه والعمل

لأن زوجي كلش مو عاجبه المجلس عشان جذي استعجلت ماودي اتأخر زياده ( الله يستر )

وتوهم قبل شووي دزولي مسج تم إلغاء ترشيحي

انتي لا تستعجلين مثلي رووحي شوفي المكان وان شاءالله يعجبج يااارب ويوفقج وترتاحين بالمكان

نسيت اجاوبج على سؤالج

انا دبلوم سكرتاريه واعمال مكتبيه ..

وانتي ؟؟؟

هلا والله آنووني آنا لن تخصصي بالمكان المنااااااااااااااااسب بس هم محتاره آنا تخصص دبلوم سياحة ومناسبات حق معارض مؤتمرات حفلات ندواات جذي .. هو حلووووووو ىنا مقتنعه فيه وااايد لن احب الحوووسه في الشغل ما احب مكان وااحد..
بس مثل ماقتلج محتااره.. (ليش ريلج ماعجباه المكان ؟؟ شنو سامع شي عنه؟؟ ولا من ناحيت شنو مو عاجبه؟؟ يا رييت تعلميني قبل لا أخطي على خطوه وأتحسف عليها..

وماعليه ميخالف ماتدريين يمكن خيره الشؤون احسن لج آنا لأن الأماكن اللي تصلحلي كله يبيلها واااسطااات سنعه (( دسممّّه )) مو أي مكان يوظفوني على تخصصي..
وماعليه الله يوفقج ويسخرلّج الوزارة اللي تبينها ويا رب ترتاحيين لها وتكون خيره لج المكان

زوجي ماحب المكان لأن بالديره بعيد شووي وعشان اختلاط يبي مكان كله حريم

والحمدلله اقبلووني الشؤون الاجتماعيه والعمل وباجر براجعهم

وانتي الله يكتبلج اللي فيه الخير ويوفقج يارب بس استفسري اكثر وخل يكون عندج معلومات كافيه عن المكان

حبيبتي مووووفقه ان شاءالله

يسلمووووو عاد تصدقيين خالي مسويلي كتاب أحتياج بالشؤون بس ليلحيين ماعطاني خبر إذا تم الموافقه عليه ولا لأ.. بس آنا مو حابه الشؤوون لن ماتناسب تخصصي يعني ويين بيحطوني (تخصص سياحه ومناسبات) الله كرييم بشوف شنو يقولولي المجلس الوطني والله يكون بعونا والله يوفقج ويسخّرلج الوزاره.. وبالتوفيييييييييييييق.

تسلمين حبي

الله يووفقنااا يااارب ويسهل امووورنا ويرزقنا بالاماكن الزينه