وين اتوظف بالديوان!!خريجه التطبيقي الكترونات اتصالات

السلام عليكم ورحمه الله وبركاته

شلونكم كويتياتنا

انا خريجه التطبيقي تخصص الكترونات اتصالات

قدمت عالديوان توني بس مادري شنو احط بالرغبات!!!!!

تكفون احتاج مساعدتكم
ابي اقدم على مكان معاشاتهم قويه و ساعات العمل زينه
واللي تساعدني بدعيلها الله يوفقها دنيا واخره ويرزقها الخير يارب
تكفون احتاج مساعدتكم لان وقت التسجيل يخلص بعد اسبوع تقريبا

وان شاء الله تعينوني و ماتقصرون
يعطيكم العافيه

والله حبوبه اخذيها مني بالنسبه للتخصصج تعتبرين فني اذا ماخاب ظني والفني وين مايروح نفس الراتب لانه علاواته وحده والكادر اللي ياخذه واحد بس دوري مكان راقي بالشغل علشان راحتج لا اكثر ولا اقل اذا انتي مايهمج المكان عيل لاتحاتين

واغلب اللي نفس تخصصج يودونهم وزارة المواصلات علشان جذيه انتي اختاري مكان احسن اقولج ممكن الدفاع تنفعج لانه فيه تخصص اتصلات والكهرباء والماء هم انصحج فيها مكانهم راقي واغلب البنات يقولون راحه طبعا اللي بجنوب السره

ليدي انتي متى تخرجتي كورس اول ولا ثاني
انا تخرجت كورس ثاني تخصص الكترونات يعني شهر 6 اللي طاف وليلحين ماودوا اسمائنا للديوان
وحطي اكثر من رغبة
عندج المالية او الداخلية او المواصلات او الكهربا والماي ترا عادي بأي مكان نقدر نقدم

وزارة الاعلام

وزارة الكهرباء والماء

وزارة الاشغال

وزارة المواصلات

وزارة النفط عندنا ادارة مركز نظم المعلومات + الخدمات الاداريه

موفقه انشالله

حبيبتي انا نفس تخصصج وتخرجت 2024 ومسماي مساعد مهندس وليس فني
ولج كادر الهندسه 75 دينار بالنسبه للوظيفه حلوووه شهادتج بوزاره الكهرباء وديري بالج لايحطونج بوزاره المواصلات البداااله الا اذا كان مكان ثاني مثل الشكاوي ترا حده مكان فاشل
بالنسبه لمسماج الوظيفي مساعد مهندس راح تتعينين علي الدرجه الخامسه وثلاث علاوات وسنتين
وتجيج الرابعه وهاذي قفزه حلوه بالمعاش وبالتوفيق

بالتوفيق اختي ..

كل اللي ردوا علي الله يعطيكم الف عافيه و ياجركم على نياتكم ويحقق اللي ببالكم ان شاء الله
و نونا دزيتلج رساله عالخاص