|
|
بما ان توه طلع اسمي بالديوان وقريبا انشالله راح اداوم
ودايما اسمع من الناس ان بالدوام راح اشوف اشكال والوان من البشر
و ان لازم ما احتك وايد مع اللي معاي و تكون علاقتنا محدودة و من هالحجي
وانا الصراحة وايد اجتماعية و غشمرجية و ما اقدر اقعد و ما اسولف احس اني مليقة و دمي ثقيل و معقدة هههههه
يعني ما ادري اشلون قاعدة جني طرمة و كل كلمة بقطها بحسبلها الف حساب قبل والله اموت انبط
المهم و الزبدة
اتمنى تقولولي و تنصحوني شنو اهم شي لازم اخذه بالحسبان
و احط بالي منه عدل مدل و ما ادري شنو بعد انتوا اخبر
و شلون اتعامل مع الناس بمختلف انواعهم
اتمنى الكل يستفيد من الموضوع خاصة اللموضفات اليدد
وشكرا مقدما
لا تصيرين طيبه زياده على اللزوم
خلج شوي غامضه لا تطلعين سوالج من او شي
لا تخالطين احد الا لما تعرفينهم عدل
الشغل الي يعطيج اياه المسؤل بس هو الي تسوينه محد يعطيج شغل غيره
ولا تتكلمين عند اي وحده لابالزين ولا بالشين اغلب البنات ينقلون الكلام
واجد اشياء بس هذول الي اتذكرهم
عاد انا وايد على نياتي و احسب كل اللناس مثلي
و عادي اذا توني متعرفة على وحدة اخرلها كل اللي بقلبي
بس صج استفدت من كلامج وايد و راح اكتب كل النصايح بورقة و الزقها على الباب عشان كل يوم اشوفها بالروحة و الردة لمن اتعلم و يكونون على بالي مو انسى و اصير غشيمة <<< اهئ اهئ اهئ حالتي متأزمة
يلا يا بنات هل من نصائح اخرى
والله يوفقج ان شاءالله
خاصة انا من كثر ما انصدمت بالناس قلت لازم اخذ الحذر لان هذا المكان راح اكون فيه تقريبا طول عمري فما ابي مشاكل انا في غنى عنها
و كلام اختي غلاي غير كلا عدل
يعني اذا صرت وايد طيبة راح اكون مغفلة فلازم اكون واعية
وهم في ناس تستغل طيبتج و تخليج تسوين شغلها و اهي تطلع عذر و انتي تصدقينها
وهم مو حلوة كلمن يعرف اسرارج
و هم الكلام بالزين والشين بين البنات لان صج في ناس تنقل حجي و تزلغ وايرات
و اصير انا المنبوذة حتى لو كان قصدي شريف و انا اتكلم عن وحدة
انا مو ضد كلامها بالعكس كلامها سح مو اي شخص يعرف عني كل شي او اطيح الميانه معاه وشكو اخذ شغل غيري.. واهي مجربه و ادري اكثر مني
بس قصدي اخذ واعطي عشان محد ياخذ عني فكره متكبره او يكرهوني لان علي قولتج هالمكان بظل فيه طول العمر .. مااكره الناس فيني ولا انا اكرهه ..فهمتي قصدي حبوبه @@
وبرد اقول الله يوفقج وان شاءالله ترتاحين بالمكان وطيحين بناس حبوبين ومحترمين
اكيد انا معاج ما توصل لي درجة اكره الناس فيني
بس امسك لساني شوي لاني وايد اعاني من هالشي اللي بقلبي على لساني
اختي غلاي غير كلامها صحيح
عاد انا نفسك كله اسولف واضحك مااعرف اسكت
المشكله هاللسان يبي له ربط ههههههههههههههههههههههههههههه
موفقه ياقلبي
انصج
تبرزين نفسج بالشغل حاولي تبدعين علشان تثبتين وجودج
اذا وصتلكم نشرة لأي دوره اشتركي فيها
لان الدورات تفيدج تتعلمين منها وتفيدح للشغل وعليها شهادات وراح تنحط في ملفج وتفيدج للترقيات
شاركي الموظفات اللي معاج تعاوني معاهم بس بحدود طاقتج
لا تجاملين زميلاتج على حساب نفسج لان كثرت المجالات نفاق
ولا تصيرين جافه معاهم خير الامور الوسط
ركزي على شغلج وخليه اهم شي لانج يديده والعين عليج ويراقبونج
ومن اول يوم وضحي لهم ان في شي اسمه حدود لامورج الشخصيه
لا تسمحين لاي احد يتجاوز حدوده
اول ماتداومين وايد راح يسألونج أسئله جنه تحقيق
الشي اللي ماتبين تجاوبين عليه قوليلهم ماابي اجاوب على هالسؤال
والله يوفقج
واهم شي ..
مسئولج .. لاتطرينه الا بالخير .. حتى لو ضايقج بشغله كلميه اهو ووضحي له ..
صدقيني ,,
لو تنطقين كلمه وحدة من وراه بتوصله وبتوصله مبهّره بعد !!
..
والشي الثاني بالبدايه خلي علاقتج سطحيه بالكل .. لين ماتعرفين شخصية كل وحدة
ساعتها بس
يبين لج الطيبه والرديه .. <<<يبيله عامل وقت
..
مبروك عسوله الوظيفه…الله يوفقج حبيبتي.
البنات تبارك الرحمن قدمو نصايح قيمه!
وأحب أقولج إبتعدي كل البعد عن القيل والقال…ولا تبدين رايج وانتي بالدوام عن أي أحد سواء مسؤول/ه أو زميل/ه
بصراحه أنا بصدد كتابة كتاب لفت نظر في وحده بسبب تخطي حدودها على مسؤليات غيرها والثرثره والحش والكسل وإفشاء طاقه سلبييه على زميلتها 
. سمله علييج من هالامور.
وتذكري إن من جد وجد …بالتوفيج عسوله …سهلات بإذن الله
نصاايحكم
درر
الله يوفقكم
صج اشياء ما كنت حاطتها ببالي و نبهتوني عليها
يلا باجي البنات لا تحرمونا من نصايحكم
بس حبيت اقول الله يوفقج يارب