وزارة التعليم العالي

السلام عليكم خواتي لو تكرمتو إلي اتعرف شي عن وزارة التعليم العالي اي شي ممكن اتقولي اذا زينه والا لا لاني تم ترشيحي له وماني عارفه عنها اي شي حتي مكانها ماني دالته وباجر لازم اراجعهم فممكن اتساعدوني

والله مادري عنهم بالنسبه لدوام زين وله لا

لكن ماكانهم بالمنطقه الحره

تعرفين وين

فندق الموفنبيك و فيلا مودا

هناك حوالينهم

اذا مادليتي اقولج طريج ثاني

تعرفين جامعه الشويخ؟؟

خليها على يسارج و كملي سيده

في اشاره .. اخذيها يسار وكملي سيده

ليما تلاقين على يسارج

4 مباني لونهم رمادي
مكتوب عليهم التعليم العالي

بالتوفيق

انا توني اداوم صارلي شهر…..المكان وااايد زين

بس على حسب الادارة

انا شؤون اداريه

اختاري مكتب الوكيله او الماليه

واذا انتي فني وشاغوله نظم معلومات مبرمجه او صياانه

الله يوفقج

والله المكان وايد راقي
بس عيبه بعيد شوي
بس محد يذم هالوزاره وتوه رفيجتي مشتغله هناك تقول شغل خفيف والطلعه ساعه1 ووايد مستانسه هناك
الله يوفقج انشالله

ماتدرون جم معاشاتهم بالنسبه للبكالريوس مع الزيادات او بدونهم..

بغيت لدليج بس ما قصرت الاخت وصفت لج الطريج
مبروك الوظيفة حبوبة

انا اقول روحي المكان انتي بنفسج وشوفيه ، وافتري على الاقسام على اساس انج مراجعه ، وشوفي وحكمي نفسج + الطريج ، لانه سمعت الصبح الشارع كله يوقف ، لانه اهو عبارة عن مرور شاحنات ..

مبرووك الوظيفه عسى الله يوفقج