الحياة العمليه

بنات تكفون ساعدونى
بنات انا تخصصى خدمه اجتماعيه واشتغل بالتربيه اخصائيه اجتماعيه وخلاص لاعت جبدى …………….. من تخصصها نفسى ووظيفتها عاجبتها ومرتاحه فيها ومعاشها زين وفيها عطله نفس التربيه بليز ردو

شدعوه بنات الموضوع صار له أسبوعين وما فيه أى رد مافيه اى وحده تخصصها خدمه والله حبطتونى وضيقتو خلقى حرام عاليكم

مااعرف احد بس حبيت ارفع موضوعج

مشكوره حبيبتى dlo3a81

هلا حبيبتي انا بنت عمي كانت نفسج وحولت مدرسة تعليم خاص عطوها دورة قبل شهرين والحين بتحول مدرسة حكومة كل شي بالواسطه يصير

حبيبتى انا اخصائيه اجتماعيه بوزارة التربيه
والله اتفشل لما اقول اخصائيه
حسسونى جنى خدامه
وصارلى بهالمهنه النحس 11 سنه
والحين والحمدلله طلبت نقل خدمات لوزارة ثانيه

وناطره النحشه
فى التربيه محد يشتغل ويستاهل الا المعلمات واحنا عيال العبده مالنا شىء
وعن سؤالج الوزاره اللى نفس اجازات التربيه اهيا الاوقاف
بس ترااا نفس التربيه نفس المسؤليين نفس المزاجات المصديه نفس القوانيين
عصابات نسائيه مالها والى

نصيحة انحاااشى من التربيه انا رفيجتى انحاشت الشؤؤون وتمدحهم

مشكوره حبيبتى مزاجيه على الرد
حبيبتى عروبه مكشوره على الرد والله انج صاجه انا لو اتكلم عن الاخصائيه فى التربيه ما راح اسكت تعب ومغثه وملطشه للى يسوى واللى ما يسوى وياليت المعاش يستاهل كل هالتعب بس يالله نخليها على الله انا نفسج 12 سنه وخلاص ابى انحااااااااااااااااااااااااااااااااااااااااااااااا اااااااااااااااااااااااااااااااااااااااااااااااااش بس حبيبتى قولى لى انت اى وزاره رايحه

السلام عليكم

حبيبتي الأوقاف دوامهم حلوووو وخفيف… فيه دور القرآن والاترجه والسراج المنير

شكثر مدرسات بالتربيه انحاشوا وصاروا اداريات بالاوقاف

الله يكتب لك اللي فيه الخير

حبيبتى قدمت اوراقى لوزارة الداخليه
ولى الحين ما تثبت رسمى
بس يالا اى تعب ولا تعب التربيه

حبيبتي طبيعية

انا مو نفس تخصصج ..بس حبيت افيدج عن مكان اعتقد انه ملائم لتخصصج .. الخدمة الاجتماعية ببيت الزكاة .. لهم امتيازات مادية حلوة ودوامهم للساعة الواحدة ..

بس ما في عطلة الصيف للاسف

مشكورين حبيباتى اللى جاوبو والله يعطيكم العافيه على اقتراحاتكم ومشاركتم لى
حبيبتى النجوم الثلاث وين بالضبط ببيت الزكاة وشنو امتيازاتهم الماديه وشنو طبيعة شغلهم وشلون التقديم لهم واسفه على كثر اسالتى

طبيعيه انا نفس شهادتج وتوني متخرجه و الله لو يقولولي ماكو وظيفه الا التربيه ماااااارااااااااااااااح اتوظف

أقعد بطاليه احسن لي واااااااي معانااااااااة التربيه صج بدوون مبااالغه والله يعييييينج يااااارب

استغفرالله عقب الدراسه والجامعه ننصدم ماكو مكان فيه مميزات لنا !!!!

الله يستر انزين شنو سمعتي عن الشؤؤن اشرايج فيهم واشلون معاشاتهم ؟؟؟؟

حبيبتي ..

العمل ببيت الزكاة في ادارة الخدمة الاجتماعية .. طبيعة العمل تعتمد اساسا على استقبال المراجعات وطالبات للاعانة المالية وعمل بحث للحالة ..

يمكنك التقديم للادارة الرئيسية بجنوب السرة ..

بس بيت الزكاة يبيلهم وااااااااااااااااااااااااسطه والله صكروها بوجيهنا كل شي بالديره واسطه وين نروح يعني