|
|
السلام عليكم ورحمة الله
بصراحة حابة إني أكون مجموعة من البنات اللي يكونون قد الثقة ونتعاون مع بعض …
ونشتغل بمشروع يبيله تعب شوي …
يعني ببالي مشروع تنسيق حفلات وأفراح واستقبال ومناسبات العيد ميلاد والتخرج…
يعني نكون إحنا اللي ننسق الورد
وننسق الدي جي أو الموسيقى
وننسق الديكور والأكل والتصميمات
والعروس أو صاحبة الحفل ماعليها غير تطلب واحنا نريحها من اللف والدوران والدوخة …
اللي يحب يسجل بالمجموعة وتكون اللي مهتمة جدية تراسلني ..
وأنا متأكدة رح نصير شي كبير لنه الحفلات والمتاسبات ماشاء الله يومية …
ياريت يا بنات نتعاون والفايدة رح تكون لكل المجموعة
تحياتي لكم
حبيبتي والله كاان ودي اصير معكم بالمجموعه
بس انا سعوديه يعني مو بكويت والا لو انا بدال قعدت البيت والروتين
والله جان تلقيني اول وحده…
والله يوفقج وتكونين المجموعه الي تعجبج
انا معااااج 
بس جم وحده تبين يكون بهالمجموعة؟؟
عاد جيتي بوقتج اذا جاده انا احب هالسوالف وقد الثقه بعد وبصراحه انا اشوف هالشي ماشي هالايام ومطلوب عندناااا
الشغله وايد حلوه
فعلا يبيلها انسانه مبدعه
موفقين ييييييييييييارب
ان شاء الله بس ارجع اشارككم افكاري
ماشاء الله على الردود اللي تفتح النفس وتشجع الواحد …
بالنسبة للبنات اللي راسلوني على الخاص واللي طلبوا مني أراسلهم
أنا رديت عليكم بالخاص …
بالنسبة للموضوع رح نشتغل عليه كلنا ونبي إيد وحدة وأهم شي الجدية والتعاون والثقة بينا عشان نقدر نستمر وننجح أهم شي …
بالبداية رح نتعب .. ونشتغل لغاية ما نقدر نعرف شلون طريقة العمل الصحيحة
كل وحدة فينا أكيد لها موهبة ولها أفكار وشغلات وايد وهذا كله رح يفيدنا
الصبر ضروري وايد يا بنات عشان نوصل …
الشغلة هاذي رح ترزقنا وترزق غيرنا لنه لو احتجنا خدمات أو شغلات مارح نروح شركات لأ رح نشوف شغل بنات المنتدى
يعني الموضوع كبير وحلو …
بالنسبة لراس المال حاليا عشان أكون واضحة بالنسبة لمنسقين العرس ماتحتاج مبلغ كبير ولاشي
ممكن نحتاج مبلغ نبدي فيه نسويلنا قطية بسيطة
بحيث ممكن نستخدمها في الإعلانات اللي هي أهم شي
لاتنسون رح يكون في تقسيم العمل كل وحدة شاطرة بشنو مثلا …
ولاتنسون الهدف من هاذي الوظيفة إنه نريح العروس ولا الأمهات ولا أي أحد عنده مناسبة من اللف والدوران يعني اللف والدوران والشغل علينا …
والشرح رح يكون أكثر بس ضروري نجتمع بنات ونتفق مع بعض ونتقابل …
ونبدي الشغل …
اكرر أهم شي الجدية والإستعداد
واللي مستعدة تقول مستعدة عشان نحدد موعد نتقابل في …
وتحياتي للجميع
والله يوفقنا
انا مزاجي التخطيط والبحث والخيال الواااااااااااااااااااااسع
بس حبيبتي لازم الجدية وكل شي بالورقة والقلم ما ينفع بالنت اوكي ؟؟
ولازم رخصة تجارية .
ولازم موقع عمل .
ولازم بنات على قلب واحد .
(((( سوري انا شوي جدية بهالامور واحب الوضوح من جذيه كثرت الااااازمات ملوتي )))
توكلوا على الله