|
|
مرحبا يابنات الفريج واشلونكم وشخباركم …
يااااااااااااااااااامحفوظات السلامه وانا ادوج بصفحات الجرايد شفت اعلان لدورة الICDL
المشهوره واللي كلنا نعرف سعرها ..الغالي المهم لفت انتباهي الاعلان جان اطيير اتصل
وسألت عن الدوره قالوا لي ان مدتها 3اسابيع وسعرها ب39دينار بالاضافه كل اختبار 5دنانير طبعا اعجبتني وااااااااااااااااااااايد بس في مشكله!!
هل المعهد اللي عارض هالدوره معترف فيه ولا لا ومعروف ولا لا… اسم المعهد APTECH ومكانه مقابل بوابة حديقة الشعب بالضبط بنفس العماره اللي فيها مصور فوتوكينا!! اشرااايكم بالمعهد هذا ؟؟؟ ارجوووووووووووووكم لا اتقصرون بالرد يعل عيني ماتبجيكم ..
بس والله خوش سعر هذا 
يمكن صارت رخيصه عشان الوزاره نزلت دورات محمو الاميه وببلاش 
احنا ترا بعد نعيد وانعاون !! ترا صج ماعندي خلفيه بهالامور ابد وضحي؟؟
ماعندي فكره ابد
واي احد ياخذها يودي الشهاده وترجع بحسابه 120 دينار اذا اجتازها
وحددو موعد لاجتيازها وهو سنة 2024
واي احد ياخذها بعد 2024 ما راح ينزل له
وبعد 2024 ما يسير احد يترقى الا اذا كان مجتازها
هذا الي سمعته لي الحين
وبالنسبه للمعد ما سمعت عنه بصراحه
بس تقدرين تروحين تسألين الي تشوفينهم طالعين او داخلين المعهد
و السعر ما يتطوف
غاليه شكرا لج … وزين التربيه يطلع منها شي
عاد عطوج افلوسج
باقي المعاهد الدورة مع الاختبارات ب 80 يعني فرق 6 دنانير لايقصون عليج
احسن شي انتي سأليهم انتي وين راح اتقدمين الامتحان عندهم ولا مكان ثاني لانه مو كل مكان تدرسين عنده الدورة اتقدمين الامتحان ..
وتأكدي يعطونج شهادة الدولية لقيادة الحاسوب .. هذي اسم الشهادة .. وحياج الله ..
انا قبل كم شهر كنت مسجله بالمعهد الاثري علشان هالدوره الاي سي دي ال بس ماكملت وقفت قيدي مله ملاقه لا عت جبدي منهم بطيئين بطلعت الروح ياله نمتحن والمشكله يقولون ان هالدوره مدتها شهر ونص او اقل جذابين
ويقولون بعد كل نهاية اسبوع نعطيكم امتحان جاذابين واللة قعدنا ثلاثة اسابيع وامتحنا الامتحان الاول وبعدها انا مليت وطلعت
مسكينه رفيجت اختي اقعدت ثلاثة اشهر والله على ماخلصت الدوره هذي
فقيلت لنفسي احسن اخلص رابعه ثانوي السنه هذي و بالصيف اخذها بس ابي احد معاي
دمتم ســـــــــــــــــــــــــــالمين
تاجر الزين اسمي انا