Icdl يا Icdl سليــــمه تصكــك يا Icdl <<<خوش عنوان خخخخخخخ

السلام عليكم

شرايكم بعنواني

خخخخخخخخ

انا لايعه جبدي من ال icdl وابي اخذ الشهادة لاني درست المواد من ضمن الدبلوم مال نيوهورايزن بس هالحجي قبل جم شهر والحين دخلنا مواد البزنس
والكل قالولي ان لازم احل نفس ما الكمبيوتر يبي ومااقدر اتراجع عن الاجابة اللي احطه خلاص هذا هو
والامتحان ب 45 للسبع مواد

وانا مابي اسقط واعيده فودي ادش دورة مجكنمه لان بالدورات كل ما يخلصون مادة دايركت يمتحنونها ويكونون معلمينهم على اسئلة الامتحانات

فأبي شوركم
ايهو احسن معهد لهالدورة الغثيثه وابيه مايطول وسعره زين
سمعت عن نطاق التكنولوجيا ويمدحون مدرس كويتي عندهم بس مادري بجم دورتهم وشكثر تطول
وشلون النجاح عندهم؟ انا مابي اقط فلوس واسقط تالي!

يالله ناطرتكم لاتطنشون ضروري بخلص وباخذ الشهادة بليز

انا عندي لج خوش استاذ ايي لج البيت ويعلمج على كل اسئلة الدورة ويعطيج اياهم ويدرسج عدل مدل وياخذ منج 100 دينار

اذا تبين رقمه راسليني على الخاص

والله وايد 100! لان الامتحان بروحه 45 يعني التوتال 145!!
في معاهد تدفعين 80 دورة وامتحانات مع بعض
بس عموما مشكورة حبيبتي على مساعدتج

قوه حبيبتي ..

ليش تبين تاخذين دورة او تبين أحد ايعلمج ؟

شنو الماده إلي فيهم تحسينها تقيله عليج ؟

كلهم ولا جم وحده ؟

هلا حبيبتي
انا ماعندي مادة احسها ثقيله
بس المشكله اني لازم احل مثل ما الكمبيوتر يبي
يعني الخطوات مثل ما يبي الكمبيوتر
انا اعرف اسوي كل شي بس مو كل شي مثل مايبي الكمبيوتر في اختصارات لازم ما استعملها
والمشكله متى مابديت الحل ما اقدر اتراجع عن اي خطوة خلاص وحتى لو سويت الحل بس مو الخطوات مثل مايبونها راح ينحسب خطأ

الله يوفقج روووز
اناا اييست من زمان من هلدوراات

انزين انا بقولج شي قبل لما كنت ماخذه الدورة كان الاستاذ معطينا الامتحان ونتدرب عليه اهوه يكون بالكمبيوتر ..

وبعدين احنا قلنا له اني نبيه ينسخ لنا ب فلاش واحنا اذا ردينا انحطه ( البرنامج ) على جهازنا في البيت ونتعلم طريقة الامتحان والاسئله اتيي مشابهه ..

ما عطوكم ؟؟

قطوة
تسلمين حبيبتي
والله شسوي هالدورة مهمة وكل من يبيها لازم اخذها

فاشن
لا ماعطونا ولا شي بروحي منبطة جبدي لان ماعندهم الامتحان جان فاكينا وخالصين
الحين لازم اخذها بره

ليش تاخذين دورة؟
موادهم سهله وانتي اكيد تعرفين بالبرامج مثل وورد واكسل واكسز والانترنت …….. ؟
انا مسجلة بس الامتحانات ب45د بالجامعه .. تلقين سي دي بمكتبة الجرير سعره دينار ونص داخله امتحانات تدريبية حق الدورة
الله يوفقج

والله زين السي دي بدينار ونص
اروح اشوفه ان شاء الله وان لقيت ان النماذج سهلة بتوكل على الله وامتحن
يزاج الله خير على هالمعلومة

اييي صح كلام انجل في بجرير السي دي ..

ووايد سهل الامتحان وانشاءالله الله يوفقج يارب ..

واذا أي استفسار انا موجوده ..

مشكورة حبيبتي
بس اهم شي يكون السي دي نفس الامتحان ما اتفاجأ ان الطريقة غير!
انتي جربتيه؟

انا حالياً ماخذتها

ونسخ الاستاذ لي الاسئلة اذا تبين راسليني علي الخاص

عشان اقدر ارسلها لج

هلا حبيبتي
اي والله ياليت تدزين لي الاسئله
ويزاج الله خير ماقصرتي

روز الدوره هذي والامتحان حق شنو ؟؟ يعني شنو الفايده من وراه لاي جهه رسميه؟!!!

موفقة ان شاء الله بس وضحيلي شالسالفة

ادري داشه عرض بس ميخالف تحمليني : )