الاخصائيه النفسية

هاي بنات شلونكم انا قربت اتخرج محتاره وين اشتغل تخصصي علم نفس

المهم بالنسبه للاخصائيه النفسيه صج بيزدونها 150 ولاحجي

وجم معاشها الاساسي اساسا

وشنو تسوي بالضبط

واذا حملت مثلا في شي يسمونه اجازه امومه شنو هالاجازه وشلون طريقتها؟

بنات والي يعافيكم ساعدوني باتلفصيل ابي وياريت الي ترد علي يفضل تكون اخصائيه نفسيه
او عالاقل اختها او احد قريب
ابي كلام مضمون

والمعاش جم؟

ومشكورين

والله ما ادري بالنسبه حق الزيااده

بس احنا دوامنا اجازة الامومة تكوون 4 شهوور وبنص راتب

تبدي بعد الولاده يعني؟ مايصير وانتي حامل
والامومه بس للتربيه يعني وزاره ثانيه لا

وشنو دورج شتسوين يعني شغل وايد ولاشوي وتقعدين بروحج ولامعاج غيرج

مشكووورة

انا ما عندي فكره والله عن الاخصائيه النفسيه

بس اتكلم عن دواامنا

توه وحده عندنا والده

يعطونها اجازة وضع من اول يوم ولاده لمده شهرين براتب كامل

بعدها تاخذين امومه اذا تبين مدتها 4 شهور بنص راتب

يعني المجموع كله 6 شهور

انا اقولج بما اني خبرة 3 مدارس بس انا اخصائيه اجتماعيه بس بقولج عن النفسيه لانها معاي بالمدرسه

اهي شغلها حلووو وخفيف عكس الاجتماعيه اللي كل شي عليها

النفسيه مو ملزومه بالطابور و اولياء الامور بس شغلج بيكون الحالات النفسيه المحوووله من الاجتماعيه واللي تكون على عدد الاصابع

انا الحين طلعت من المدارس فما ادري اذا حاشتهم زياده ولا لا لان شكلي كنت مقبسه عليهم من يوم طلعت والزيادات والكوادر هاله عالمدارس

من حقج تاخذين اجازه الوضع بالمدرسه بس الامومه حسب الناظره اذا تعطيج ولا لا ممكن الناظره ترفض وهذا بيكون رأي المسئول المباشر والمنطقه بيوقفون اجازتج لان الناظره قالت لاااا

انتي مري على اي مدرسه وشوفي الاخصائيه النفسيه وسأليها عن كل شي ودشي مدارس عشان تعرفين الجو شلون صاير هناك

الراتب نفس راتب الاخصائيه الاجتماعيه بدون زياده او كادر 470 بس مادري اذا حاشهم كادر مثل ما تقولين بس انا ما حاشني لا زياده ولاشي

موفقه

حده شويه 470 واي دارسه وتعبانه اخر شي افرق عن الدبلوم بشوي

توقعت 500 وفوق

تحبطت صج

اي صج احباااط انا كرهت وظيفتي والسبه ان معاشي كجامعيه ما يفرق عن الدبلوم الا شوي ومافي لا كادر ولا بدل

يا ليتني كنت ادري وما ضيعت اربع سنين دراسه

يالله دام لقيتي وظيفه ثانيه واذا زادو الكادر
افكر فيها اما الحين لغيتها

شوفي حبيبتي الاخصائية النفسية قام يسمونها الحين باحث نفسي والباحث النفسي له كادر بس بوزارة التربية 80 دينار آنا رفيجاتي 2 باحثات نفسيات بالتربية لهم كادر . آنا باحث اجتماعي يعني اخصائية اجتماعية بوزارة التعليم العالي وماحاشني الكادر مع ان التربية والتعليم العالي نفس الوزير ونفس القرارات بس قراده وعند بعد وارة الأشغال الباحث القانوني والنفسي والاجتماعي نزلوله كادر 120

كشموشه انا مسماي باحث اجتماعي واشتغل بوزارة التربيه بس ما حاشني الكادر !! في علاوه تشجيعيه 50 دينار واهي محسوبه مع ال470 وكذا مره اطلع شهادة راتب مافي كادر للباحث الاجتماعي

اهم قالوا بينزلون لنا كادر بس طلع خرطي

ناطرين ينزل الكادر ولالا

والله ياقلبي باجر اسئلج رفيجتي اهي ينزلها كادر من التربية ويايه انتداب التعليم العالي وهذا شي انا متاكده منه لاني قدمت شكوى بمركز خدمة الموظفين

طبعا قدمت شكوى لان الكادر مايشمل الباحث الاجتماعي بالتعليم العالي وبنات انتو لا تسكتون هذا حقكم

قوليلنا شيصير عليج

حبيبتي الاسطورية لمن قدمت شكوى بالانترنت دقو علي بعد اسبوع وزارتي وقالو ان الديوان راح يصدر قرار شهر 6 عشان كادر الباحثين بالتعليم العالي لأن إحنه مو وايد ننعد بالأصابع وناطره الله كريم