الموظفات اللي تخصصهم ادارة مواد ؟؟

مرحبا كويتيات كيفكون !!

بنات انا خريجة صيفي انشاء الله تخصصي ادارة مواد ؟؟

منو فيكم نفس تخصصي ايام الدراسه ووين توظفت ؟؟

يقولون امينة مخزن بس انا ماابي هالوظيفه شلون ؟؟
فيه حل ثاني ؟ يعنى شنو الوظايف اللي ممكن اتوظف فيها ؟؟

وجم المعاش مبدئيا ؟؟

اللي عندها خبر لاتبخل على ؟؟

هلا وغلا .. عرووووووووس ..
انا موظفة ادارة مواد !
بس مالج شغل بالمسمى الوظيفي ولا الشهادة ديوان الخدمة قطني بوزارة التجاره مع ان تخصصي حصري للمكتبات يعني التربية !
وانا رفضتها طبعن .. وبعد جم شهر وظفني ابوي بوزارة الشئون ..
والحين معاشي 420 تقريبا ..
اتوقع انتي 400 وشي ..
حبيبيتي ماعليج من تخصصج ولاتعدينه حاجز !!
انا رفيجتي تخصص سكرتارية طبية ومعاي بالشئون تصوري !
كلش المسمى ماله عندهم اي اهمية مالت ع اشكالهم سياسة في الحضيض !
موفقة ياقلبي …
ولاتنسين الأستخارة اولا ثم الإستشاره …
دمتي لي

هلا وغلا واصليه ؟؟

يعني اتطمن اخاف يقطوني بالمخازن ؟

زين شرايج اقدم ع الديوان ولا ادخل فيتامين (و) عندي خوش فيتامين ؟

هلا بك من جديد ..
تاج راسي والله فيتامين واو اهم من الجنسية:/ <<< بايعتها
اجل تطمني بإذن الله واضربي ديوان الخدمه بعرض الطوفة كيفج عاد تبين طوفة صالتكم وإلا غرفتج هذا شي راجعلج ههههههه
سويلج كتاب بالوزارة اللي تبين وماشي حالج ان شاءالله
نصيحة بس لاترمين حالك عند الزفت ديوانهم !!
بالتوفيق

واصليه يعطيج العاااااافيه والف شكر على مرورج مره ثانيه

طمنتيني عسى الله يطمن بالج ؟؟

العفووووووووووووو
حاضرين للطيبيييييييييييييييييييييين ..

واصليه يعطيج العافيه مره ثانيه
بس عندي سوال ؟؟

المعدل مال التخرج له دور بالتوظيف ولا عادي
يعني لازم معدلي مرتفع ولا حي الله معدل لان معدلي 259 واتوقع ناااااااااازل ؟؟

ومشكوره مره ثاااانيه ادري تعبتج معاي بس تحمليني ؟؟

فديتها والله بنت عمي !!

هلا وغلاااااااااا
افا عليج اعتبري الموضوع يخصني يالغالية وهو فعلن يهمني ..
شوفي انا معدلي كان << فهمتيها صح ؟
جيد …
وتوظفت عادي ماله شغل رفيجتي ماشاءالله كانت امتياز !
وتوظفنا انا وهي بنفس السنة ..

زين بنات تقدرون تاخذون كتاب من الوزاره اللي تبون بس مو على مسماكم ؟؟؟ يعني اذا اخصائيه ممكن تطلب تصير سكرتاريه او اداريه بالاوقاف يعني مو تصير اخصائيه ؟ يصير جذي ؟؟

الفرحة السجينة ..
حبيبتي مسماج مايتغير ابد ..
اقولج اشلون ..
انا مسماي ( امينة مخزن ) لكن وظيفتي ( باحثة اجتماعية )
يعني لو بتصيرين سكرتارية_ ادارية_ يصير بدون تغيير لمسماج الوظيفي ….

الواصليه شلون تشتغلين شغل باحثه وشهادتج دبلوم !!! الباحثه بكالريوس لازم …. قووويه صج وزارات الكويت خربوطه مربوطه خخخخ

وين تشتغلين

الفرحة ياقلبي موشرط
في بنات شهايد متوسطة ويشتغلون باحثات
اقووووووووولج كل شي ايزي !!!! اذا اشتهوا !!
وكل شي ديفيكلت اذا مابغواااا !!

حبيباتي وااااو تسويي المستحيل