|
|
يحكى ان
الملكة فكتوريا احبت الكروشيه والكروشيه الايرلندي الذي اصبح بسبب حبها له من اهم مقتنيات الاغنياء في انجلترا كما يقال انها حاكت الاوشحة التي قلدتها لعدد من الذين خدموا في جنوب افريقيا تقديرا لجهودهم واعانها الكروشيه كثيرا في اجتيار وتخطي حزنها الشديد على وفاة البرت
الملكة وخيوطها عام 1889
مثلنا يعني …
شكرا ع الموضوع
ودي اتعلم الكروشيه ..
اي والله حتى انا ودي اتعلمها
.
يا ملكة الكروشيه
صج عطيتها اسم على مسمى
ماشاء الله عليج
مس تسلمين يا ملكة
و اهي هواية العجايز أكثر لأنهم اكثر فئه قاعده و بصعوبه تتحرك …
يعني عندها سلة الخيوط و قاعده تحيك و تحتها قطوه …
مره تلقينها بقصر و مره تلقينها بكوخ ..
و لو تلاحظون بالكرتون و بالافلام و المسلسلات الاجنبيه القديمه و حتى السوريه .. العجوز تحيك بالكروشيه … او مره حامل و مى بقى على ولادة البيبي شي تلقينها تحيك دلاغات او كبوس او بلوزه …
بس جعلها حكرا على الملكات …. معلومه ناقصه !
يعني صعبه او نادر ما نلقى بنت شابه او مراهقه و ماسكه كروشيه !!!
عدل ؟
بس بالكويت هبو فيها هبه من 10 سنوات … ولا ما نعرف بالكويت غير السدو اللي كنا نسويه احنا البدو و للأسف لأنه صعب حيل و يحتاج مجهود صار نادر ما يسوونه الحريم الكبار ( لاحظو الحريم الكبار اهم اللي يشتغلون بهالهوايات)
لكن هواية الملكات …. أرجع أقول إنها هوايه لعامة الشعب مو بس للملكات .
و تقبلو مشاركتي يا ملكات الكروشيه
دلوعة وهاجرية احرجتوني والله –كل وحدة تنتج بايدها ملكة
مرصعة
*الملكات كان نادر يشتغلون كروشيه كان التطريز شغل النبيلات والارستقراطيات
* التطريز – الخرز- الدانيل ..الخ كان يعلمونه للبنات في اوربا من صغرهم ويجهزون نفسهم منه للعرس مثل السجاد في ايران وافغانستان واللي تكوم مبدعة وعندها واسطة ممكن تكون من العاملات في القصر علشان يسوون ملابس الملوك والطبقات الراقية
*الكروشية كان شغل الطبقة المتوسطة ودخل اوربا متأخر نسبيا
* الكروشية كان هواية الكويتيات والكويتيين بعد بس كان معظم شلهم بالقحافي
*الافلام مو دايما معلوماتها صحيحة بدليل ان الوحدة تدوخ يحط الطبيب السماعة على صدرها ويقول لهم مبروك المدام حامل
مع ان الاكبر في السن افضى من الشلبات يعني الوحدة اللي تبي تركض ورا عيالها اكيد راح يكون انتاجها قليل او معدوم انا شخصيا اشتغلت لنفسي وانا مراهقة وقاعدة اشتغل لاحفادي الحين لكن ما ااشتغلت شي لعيالي وهم صغار لان كان صعب القى وقت بين اليهال والدوام
* السدو من الاشياء الجميلة وكان الكل من البدويات يشتغلون فيها قبل مو هواية كثر ماهي طريقة معيشة ، الحين الناس شايفة انها تحتاج وقت ومجهود ومساحة لكن في ناس لازالت تتعلمه واللي يحزن ان اكثر اللي يتعلمونه اجنبيات ولا بيت السدو ما قصروا عندهم دورات باسعار معقولة جدا (الله يعطيها العافية ام تركي)
* اخيرا انا لما قلت انها هواية الملكات مو علشان احصرها في الملكات لكن علشان كل وحدة تشتغل كروشيه تعتز بنفسها وما يحبطها كلام اللي يقولون بخيلة ماتبي تشتري او محتاجة قاعدة تبيع
شاكرةلج مشاركتج
|
المشاركة الأصلية كتبت بواسطة princesse X
 شكرا على المرور
دلوعة وهاجرية احرجتوني والله –كل وحدة تنتج بايدها ملكة مرصعة |
حبيبتي ….
أول شي …
أحب اقول كلمه ….
أشكرج …. على ذوقج .. و اسلوبج الراقي بالتعامل مع المشاركات ….
لأن أحيانا بعض العضوات يعتبرون اختلاف الراي قلة ادب و حسد و عناد عالفاضي….
و اهو مشاركه …. مدام خاليه من التجريح و الكلمات السوقيه …. من حقي كعضوه أقول رايي ..
لكن مثل اسلوبج بالرد …. يخلي المنتدى راقي بمواضيعه …
زاهي بالوانه …. ما تحسين فيها كئابه المواضيع….
أحييج على هالهوايه .. و بالعكس من قالج انها هواية البخيلات و لا للتجاره .. إهي حس فني أولاو أخيرا …
اشكرج على معلوماتج الرائعه ….
