شلون بتقدمون العيدية لليهال

يالله بنات كل وحده تدخل واتقولنه اشلون بتقدم العيدية انشالله

وكل عام وانتو بخير يارب

يالله وينكم لا طلون وتنحاشون…؟

كالعاده ليش عندك فكرة جديدة

اي والله انا مرت اخوي السنة اللي طافت حطت العيادي بجنط صغنونين اللي يبيعونهم بو مية فلس

مع احترامي حق كل اللي ييبي يتفنتق بالعيدية

انا مع الستايل القديم اللي توارثناه

طلعي ربطة الأنواط وسحبي السحبة اللي يحبها قلبج

وبخي عيالج وعيال اخوانج وخواتج واللي يعز عليج

هذي الحركة تونس ننطرها يوم كنا صغار

والحين قمنا نسويها لليهال

صحيح انا مع الستايل القديم شحلاته وهو الي يحسون اليهال بالعيديه وله طعم خاص

وانا بعد أشجع الستايل القديم

بس في ناس تحب تتفنتق بكل شي

وراح أحط لج صور وأفكار تفيدج دام طلبتي المساعدة منااا

هذي طريقة بسيطة تقدرين تلفين الفلوس بهالشكل وتلزقينها فوق الكاكاوة

وهذي حركة حلوة للبنات

تقدرين توزعين حصالات عليهم عشان ايمعون الفلوس فيهااا
تلقينهم عند بو 100 فلس

أو الشبااب بواكه تونس

والبنات جناط حلوة
وداخلهم العيدية

راح يفرحون فيييها

اي والله صح كلامج يوم كنا يهال ننطر بالدور يطلعوننهم لوووول

في الحين يسوون اشياء يديده مثر كل عايله لها ظرفها وفيهم العبادي اذا لقيت شي يديد بقولج بدورلج

في اظرف حلوه بمكتبه العجيري عليهم صوره الفلوووس
يعني ظرف عليه نوط بو عشرين
وظرف بو 5 وبو20
وفي ربع بعد هههههههههههههه

ومكتوب عليه جمله بس نسيت شو اهيه

عجييبين

بس بصرااحه انا احب العيديه بنفس طريقه قبل اللي يسحبوون ويعطووون من الربطه خوووش شي

انا مع البنات الي قالو مع الستايل القديم

اصلا ماراح يمديهم يستانسون عل التغليف وله الجنطه اهم شي عندهم البييييييييييييزات هههه

أبوي الله يخليه يعطينا كلنا مثل بعض الصغير و الكبير و أعيال أختي و بنات و اعيال عمامي ..قولي شسوي ؟؟

الله يسلمج هالحركه بدى يسويها بالسنوات الخمس الأخيره يعطي كل وحده ظرف فيه كل فئه من الفلوس يعني 20 و 10 و 5 و 1 و نص و ربع .. بس أنا ما أرضى جذيه لازم يعطيني أكثر فآخذ ظرفين بس محد يدي إلا أهوه ولا جان الكل قال يبي ..

طبعاً يسوي هالحركه بحكم أنه يشتغل ببنك .. والله كلمن يساتنس عليها ..

عسى ربي يطول بعمره ويخليه فوق روسكم ويكثر خيره قولي آمين

آمين .. ما تتخيلين شكثر استانست لما شفت هالدعوه الحلوه ..

الله يوفقج و ويرزقج من حيث لا تحتسبين ..