شنو نوع الحيوان الي عندكم ؟

السلام عليكم ورحمه الله وبركاته

يت علىى بالي فكره اسوي استفتاء ونشوف شنو نوع الحيواناتت اكرمكم الله الي تربونها بالبيت

اذا كانت من الطيور او القطط او الاسماك مع ذكر النوع والعمر والاسم وملخص له

واذا امكن صوره له او مشابهه من النت

بنتظاركم

حطيت صوره من النت لاني لما حطيت طيري لقيت ريولي طالعه فباجر اصوره واحطه مره ثانيه

امازوني يلوكراون توه صغنونو عمره اربع شهور وقاعده ادربه صارله عندي اسبوعين

����

يالله دوركم عشان اراويكم باجي طيوري

وااي انا بصوت لقطط لاني بشتري ان قشاء الله

انا عندي طير (كروان-كوكاتيل)
الاسم: كويكي فديته :$
العمر: مجهول
ملخص عنه:
طير عنيد و خواف و دلوع و يمووووت ع الاكل خصوصا التوست ينتحر اذا شاف احد ياكل توست وما عطاه
باختصار: طيري مشفوح ع الاكل ليش مادري p;
صورة عنه:ماحب احط صورة عنه لانه يفشل p;
بس الي حابة تعرف شنو لونه فهو لوتينو مايل للسلفر << يقولون ان هاللون نادر و الله اعلم p;

عندي قطوط نوعه تركي انغوري عمره سنتين تقريبا
شخصيته دلوع وعنيد احيانا يحب مامته اللى هي انا
عندنا طيور طيور الحب عمرهم تقريبا سنه ومجموعه ثانيه جديده يشبهون الكروان لهم عندنا تقريبا10 ايام

عندي قطو عمره 7 شهور نوعه شيرازي

عندي هامستر سوري لونه ابيض – مزعج ومشفوح

قطوه شيرازيه لونها رمادي- صديقتي الصدوووقه

3 طيور حب لونهم كوكتيل – بس احطلهم اكل ماتربطني علاقه فيهم لووول

وسلامتكم

خوش موضوع

عندي بنتي قطوطتي شيرازيه بيكي فيس عمرهاا 6 شهور فديتهااا دلوووعه امها

ان شاءالله

لااا شوقتيني بشوووفه يختي سلم قلبهم والله يحفظهم

ماشاءالله عاد ودي بطيور الحب استانس عليهم وهذا مشروعي الياي اشتريهم واربيهم بس شلون صوتهم مو مزعجين

والثطوط ورينا صورته

العمر كله ياارب

لووول حرام ترى الطيور تونس هم يحسون عاد الهامستر كلش ما احبه مادري ليش شالحلو فيه ودي اعرف

لووووول ورونا عاد مايصير تشوقونا جذي

هذا يلو كراون ومسميته ريو rio

عمره اربع شهور والحمدلله شلت الخوف منه وقاعده ادربه عالطاعه واسم الله عليه ذكي

وصورته واهو ياكل الاخ ماحلاله الاكل الا لما ييت بصوره هههههه

ماشاءالله

وهذي صوره ثانيه مخليته يتأمل الاجواء من البلكونه

يالله شاركوو ناطرتكم عشان اكمل 

انا بحطلكم اخر حيوانات شريتها
اول وحدة قطوة اسمها مينا عمرها شهر ونص شيطانا وتبي الغلا كلة لها ولمن ارجع من المدرسة اتسوي روحها زعلانة ليش رحتي وخليتيني .

والثاني طير ماعرف نوعة الريال قاص علي يقول كاسكو بس عشان شافني صغيرة قص علي وانا صج خبلا علا طول صدقت وشريتة اخوي الي بل جامعة يوقل نوعة شي في فريت نسيت الكلمة لووول جنة بلوفريت امركي .

واخوي يدرس اب امركيا دازلي صورة جلبة يحرني قاص علي يقول تفوقي اعطيج ايها طلعت الشهادة و ما عطني اياه وتفوقت يقول انتي مووقد المسؤلية توج بنت عمرها 12 سنة والحين يقولي تحجبي اعطيج اياه جان اقولة توني طفلة خلني استانس اب عمري لحجاب مو فرض علي .

انوبي ههههههههه يحلاات الكلب عزج الله عنونو يوووونس

والقطو بعد

اما الهنود هديني عليهم بس !!!! بجم شريتيه ؟ هذا شكله بلوفرنتد على يلوناب على يلوكراون هههههه ماخذ كل الصفات بس ها حطي بالج

ترى هالنوع حلو نفس الكاسكو وذكي بسرعه يتعلم اذا تبين معلومات او عن اكله قوليلي افا عليج بس نعين ونعاون

هذا الكاسكو اما الي حاطته امازوني

انا شاريتا اب امية وكسور ماني مدكرة بضبط اعتقد 150

عصافير .. وسمج زينه ..