حزينة أنا يا بنوتات ,,

السلام عليكم ,,
بنات سلحفاتي من عادتها تشيطن و تسوي حركات ما جنها سلحفاة ,, سبحان ربي ,, و من النوع اللي تخاف اذا أحد شالها و تدخل راسها ,, حتى معاي ! خجولة ,,
أمس دخلت داري و لا اشوفها مقلوبة " نايمه على ظهرها " اخترعت ,, جان اعدلها ,, بدت تمشي شوي شوي بس مو عدل جنها دايخه ,,
قمت الصبح تطمنت عليها و لا ما فيها شي عادية ,,
الظهر ,, أطالعها و لا ما تتحرك ,, مسكتها و لا جنها ترجف و ما تدخل راسها و عينها حييييييل نعسانه ,, و على طرف عينها الثنتين في شي لونه احمر ,, مادري اذا اهو من زمان موجود بس توني ألاحظ ,, حسبتها ميته ,, لانه اي شي احركها ما تتحرك ,, الله يعلم شلون قلبي بغى يوقف و بجيت لاني متعلقه فيها حيل ,,
قلت انطر لي باجر عشان اتأكد و باجر ادفنها ,, ما وعيت و الا اختي تصرخ ترا تحركت شوي ,, بس ليلحين جذي جنها تعبانه ,, و تبطل حلجها كل شوي مادري شنو فيها و ما انطر لي باجر , ساعدوني الا عنده معلومات ترا الروح غاليه ,, =(