سوق الحمام (( قطاوه ,كلاب . طيور . هامستر ,,)) بالصور حياج

السلام عليكم ورحمه الله وبركاته

الصبح رحت سوق الحمام عشان اشتري جم غرض حق طيوري

بس حــــــــــــــده وناااااسه ماشاء الله المكان عامر حيوانات اكرمكم الله وطبعا يصير عامر اكثر يوم الجمعه والسبت تعالي شوفي العجب عندهم

المهم ,, وانا هناك فكرت اصور واحط موضوع لكم واراويكم بعض من الحيوانات كرمكم الله ..

نبدي بالقطاوه .. بما انهم محتلين القسم

اول وحده هالمزيونه ,,

مزيونه 2 صغيرونه كانت تمومو لووول

ولما وخرت ولا تناديني

راضيتها ولعبت معاها شوي ووديتها يم اختهاا ,

وهذا جنه يقول لي WhatsApp

زهق واهو يحاول يخمط التلفون

وهذول مغرورين ما يعطون ويه :/

شفتي لما تمسكين شعر بنات ؟ هالقطو جذي هههههههه

وهذي ملانه وزهقانه مطلعه ايدها

مجموعه حلوه

يتبــــــــــــــع ,,

نكمل ,,

البايع يمشط للقطوه ,,

واللي حبيتها صج واستانست عليها وقعدت يمكن نص ساعه العب معاهاا هالحلوووه

يمــه سلم قلبهااا

الحين دور ال dog

عن نفسي احب اشوفهم بس اني العب معاهم او اخذهم لااا

يتأمل

أما هذووول مت ضحك عليــــــــــهم

يناقزون ويحوسون ويهوهوون يبون ياكلون

وهالمزيون المجعد

ذكرني بمريم فارس

يتبع ,,

وين الباااااجي بشوووووووف مابي علقتيني كمليييييييي

اوكي حوبي بكمل ..

الحين الهامستر

هم عن نفسي ما احبهم بس حق الي يحبونهم صورتهم

شوفو هالنتوف

وهذول شياطين يتهاوشون حاولت افاجج بس ما احب اجيسهم خخخخ

وهذا اموت واعرف متنح على شنو له مده

مساكين بردانين

ارانب

بط

واااي ابي هالبيبي ماتوه اينـــــــــــــــــــنن كثر ما حبيته ودي افقصه هادي ومطيع ويقول اسمه بيبي ماتووو بيبي ماتوه والله قلبش

وهذي مادري شتطلع بس اهي حمامه ومسميتها انا حمامه بوريش لووول

ذكرتني بممثلات مصر لما يلبسون اللريش

وهذا الحب كله اليلو هيد بس معفن لانه مهمل حيــــل

اتعشى وارجع .

نكمــل

اليلوناب << هم الحب نبر 2 بس حدهم مبهذلين ولا ترى هذول اسعارهم فوووق ويتكلمون احسن مني ومنج

وهالنوع جنه صقر نظرته حاده انا عندي واحد ماشاء الله ومسميته ريو ومرات اناديه جودزيلاا لانه فيه منه

وهذا يلوناب بعد واهم انواع وهالمزيون اسمه بهلول لووول اسم الله عليه وماشاء الله ما يسكت كلمه ورا كلمه ,, يقول الـف الصلاه والسلام عليك يا حبيب الله محد .. كلللـــــــــــــــــــــللللوووووش هههههههههههههه

وراسك وتعال ويقول ايات وهابي بيرثدي تو يوو << طبعا حدي كيفت عليه

وهذا بعد يلوناب بس مادري شنو اسم هالنوع وهالنوع ما احبه شكله اهبل وعبيط خخخ وصراخه مو طبيعي عاااالي ومزعج ويطلع صوت مثل تلفون البيت وكل ما اقول له اص يقول لي هلوو بيبي الظاهر الاخ عيونه زايغه خخخ

ومراقبني وين ما اروح :/

والحين المكاو ,, احبهم شكلهم رزه بس صراخهم يلج لج ويصدع واهم هم يتكلمون بس حدهم 20 كلمه

وفيهم ينون شوي يناقزون ويسوون هز رقبه خخخ ,,

اااي وصج لما يطالعج ويهه جنه ويه قرش

وهذا خلاني انط من مكاني

ما كنت ادري عنه وانا وولدي نمشي جان يصرخ فجأه نقزت انا وولدي :/

وهذا الكوكاتو

حلوو وهم اهبل << كل الطيور عندها هبوول:/

يحب الرقص والميوزك ,, بس حرام منتف من جدام وشكله تعبان

سوق الحمام بس يبيعون ما يهتمون :/

الكواسكوو << الحب الحب الشوق الشوق العشق العشق

افريقين وهولنديين طبعا انصح الي بتاخذ كاسكو تاخذه فرخ تربيه والهادي مو الي يجعر او يعض

نصهم متوحشين ومن بعد متر يجعرون خوو ما كلمناك خوو

وهذا رافعلي راسه حسباله بصرقعه مايدري اني متصرقعه اكثر منه !

الغرور كله << ينفع نك نيم الطاووس

يتبع .

يتبع

تشكيله من العصافير

لاف بيرد

وحلاتهم ..

كانو لازقين يم بعض بس ولدي طق القفص واهني تفرقو ..

يختـــي

عرفت من وين اخترعو تسريحه السبايكي

وهذول ينفعون دعايه حق ماكدونالدز :d

شوفو هذا الي فوق لونه بنفسجي

يمووت ضحك .. تخيلو واقف مكانه ويناقز بس هههههههه فصله حده فديته

هذول فرووخ

يعطونهم اكل سيريلاك

دياي

لمحبي السلاحف صدت وحده غصب طلعت من الماي بعد مراقبه وانتظار :/

قرد :/ منو يشتري قرود بعرف << معصبه لأنه حذف علي فول سوداني المعفن :/

واخيراا ..

الفش ,, السمج ..

سمش << على قولت بنتي

وهالسمجه تضحكني تكرمون يسمونها الزباله لانها تمسح عالجام وتاكل كل شي توفر فلتر خخخ

وخلصت مشواري بسوق الحمام وان شاء الله يكون موضوعي وتقريري عجبكم ويحوز على رضاكم ..

واتمنى انه المسؤولين والبايعين يهتمون بنظافه المكان اكثر ويهتمون بالحيوانات تكرمون ويحطون رقابه عالاسعار لانها صايره خياليه !!

وشووكراا بنتظار تعليقاتكم ,,

اخر صوره ,,

كتاكيــت الوانهم تشووووق

كنت رايحتله الخميس الطاف عشا نشتري حمام كنك بس ماشرينا بس صج وناسه بس بسم الله يخرعون ومرينا الفقع وشرينا وجينا بيتنا قلتلج القصه يعطيج العافيه عالمجهود الحلوووو

ياقلبي نورتي وصح انا شريت مره فقع منهم ومن ملوت الفواكهه نارين شحلاااااته :> ..

واي القطو الي شايله الهندي جنه لعبه يهبل
ابي اعرف شنو نوعه و مشكوره على التقرير
بس مادري مافتحو معاي كل الصور

سكرتير سوي رفرش

عاد محملتهم من المنتدى :/

وما سألت الهندي عن نوعه ياقلبي وصج يشوق جنه قطنه ونتيفه وووايد دلووع مادري دلوعه

اللي ماسكه الهندي قطوه شيرازيه بس بغيت اسأل وين صاير سوق الحمام ؟؟

بالري ياقلبي امم وين سوق الايرانين ؟؟ يصير جدامه

واسهلج اكثر من دوار الافنيوز تاخذينه سيـــــــــده ليما الدوار الثاني يسار وبعدين اللفه يمين والمدخل يصير مثل سور ..

مشالله القطوه الرماديه تهبلللللللل
يعطيج العافيه بتبوتا

الله يعافيج حوبي

مشكووووووره حبيبتي
حلات القطاااااوه