للمتخصاصات بتربية الكلاب

السلآم عليكم خواتي..

شخباركم عساكم بخير..

حبايبي لي تقريباً اسبوعين وانا محتاره ..

شريت لي كلب وكرم الله السامع .. عمره كان يومين .. وماكنت مركزه عليه كثير ومهتمه لفصيلته ..

ولمن صار عمره اسبوعين بانت ملامحه وكل شي وحسيته مآره صغير وخفت ان نوعه بايخ ..

وابي تقولون لي من اي فصيله اهو .. لآن صاحب المحل هندي ممايدري وش الطبخه وجلس يهلس على راسي

المهم قلت اجي هالقسم وان شالله الآقي عندكم الحل ..

بوريكم صورته ..

وهنا لو ماطلع لكم ..

https://www.cu-g.com/vb/uploaded/3105_01245654643.jpg

ماعندي خبره فيهم

بس بصراحه شكله كيووووت

والله مادري صراحه مااتوقع انه من هالفصيله لآن شعره مو كثير وقصيير اهو (:

تسلمين ياقلبي وياليت القى اسم الفصيله حقته اقل شي عشان ادور عليه

ولاهنتي ياسويت ع الرد ولآ هانت الغاليه ع قير كويت .. لبى روحج ..

اذا شعره قصير … فهو من نفس فصيله غولدن رتريفر .. بس يكون شعره قصير .. اسمه لابرادور

حبيبتي شكله ما يطلع من هالنوعين بنسبه 99%

الله يخليج ياعمري والله انج جبتيه يشبه الاول كثييييييييييييييير واهو اكيد مايطلع من هالفصيله ..

وابي اسألج اهي فصيله زينه ولالآه..

وبقولج حاجه انا اول مره اجيب كلب واهو عمره اسبوعين يصير اوديه بيطيري ولاه تو الناس لآنه هالحين صاير نايم 24ع 24 ومادري وش فيه والله معور قلبي وخايفه اوديه ويعلب بحسبته الطبيب بليز عطيني رايج حبي..

ولاهنتي يابعد حيي..

اي حبيبتي هالفصيله وااااااايد زييينه … اهوو في الدرجه الاساسيه كلب صيد .. و هو كلب عائليي و يحب يلعب مع اليهال و تلقينه مسلي وايد ينطط و يهايط بالغرفه ههه اكثر شئ يستخدمونه للناس اللي فيهم عمى .. يعني يساعدهم بشكل كبير … و يستخدمونه بعد كا علاج نفسي للاطفال اللي فيهم مرض التوحد

غراامه الماي يموت يمووووووووووت على الماي .. ذبحيه على السباحه هههههههههه

بس اهو مو مال حراسه يعني بس تنبهي ,,, اذا شاف شئ حده ينابح .. بس ماله مقدرة نفس باجي الجلاب على الهجوم

يعني بالعربي كمخه ههه ما منه فايده في الحراسه ذاك الزود

و من ناحيه ان اهو ينااام 24 ساعه موزين حبيبتي ديربالج يمكن يمووت اسم الله عليه … تلاحقي عليه بسرعه

و اشتري من عندكم بالسعوديه حلييب بديل الام يكون دافي و لازم تعطينه 3 مرات باليوم

و راجعي البيطري باسرع وقت

انتي شريتيه بعمر خطر … لا تشترين حبيبتي جلاب الا اعمارهم شهرين و نص هذا الحد الادني ,, او3 اشهر
عشان مناعته و يصتصح

ايييييي هالنووووع عجييييب

بس يمكن لمة يكبر شوووي وااايد اتشووفينة يقعد

بس ديري باااالج منة ترراااا قووووي يعني صعب اتدزيينة وراااسة اتحسيينة يااااابس

ويمكن يعض لمة يكبر صيري حذرة كثر ماتقدريييين

ومايمنع انج تلعبييين معاااه

<<<كان عندها وااحد نسسخة منة بس ماات

ماااتوقع من الانواع اللي قالوااا عنه البناات شكله هجينــ,,,بس من اي نوع الله واعلم..

ياليت تصورينه من الجنبــ,,,عشان نقدر نقيم..عدل….

وكم شريتيه,, لان السعر..يفرق…

يعني..يمكن اهواا تقليب عاادي…>__<

يخليج ربي والله يالغاليه تعبتج وياي..

ومن ناحية انه صغير اهو صغيييييييييييير حيل يعني بيتربى على ايديني .. ان شالله (:

ومن ناحية ينبح اهو ماينبح الا لمن يشوف احد ورا الباب او شخص غريب بس خواااف حيل ..

وللحين يمشي ويطيح ..

بس انا مااعطيه حليب لآني لمن اعطيه حليب وانتي بكرامه يسهل … فقللت الكميه وماصرت اعطيه الا براس الملعقه واكثر شي اعطيه عيش ولحم ..

وشريته بـ 50 دينار ..

وان شالله بنزل لج صوره له له من كل الجهات ..

وان شالله بويه للبيطري بس بعد اسبوعين ..

ومن ناحية يوصخ امانةً لمن عودته ع الحمام وانتم بكرامه صراح يروح داير كت يعني ماتعبني من هالناحيه رغم انه صغير فهم ..

ولآهنتو فديتكم ولي باك بالصور بتاعه (:

هذا لا بردور بس شكله هجين

من ناحيه الحليب لا تعطينه الحليب العادي لانه فيه لاكتوز يسهل بطنه في حليب مال اطفال بيبي ينباع بالجمعيه مكتوب عليه لحالات الاسهال مافيه لاكتوز و حطيله بالحليب صمون او توست
و اذا تبينه يمتن و تصير صحته حلوه خلطي بيضه على شوي تمر على حليب على صمون بس خلي الحليب وايد

^
^
^

نفسها .. تكرمين حتي قطوتي كانت نفس الشي

ورابط لو ماطلعت الصوره

https://www.cu-g.com/vb/uploaded/3105_01246040642.jpg

هذي صورته ع الجنب واهو جالس (:

وصادقين انا اعطيه حليب ويجيه اسهال وانتم بكرامه وبعدها ماصرت اعطيه ابد … والحين بسوي ع الي قولتلي عليه

يخليكم الباري

انا عندى مثله وعمره 5 سنوات سهل تدريبه وفى لاقصى درجه . يحب الاكل ويسمن بسرعه . يحب صاحبه . وديه لمستشفى الرى البيطرى دكاترتهم شطار . انا عندى 5 كلاب وكلهم اعالجهم هناك . هالنوع ما يحب الحر ويبى له مداراه .

هلا اختي الجلب بهالعمر لازم يشرب حليب خاص يبيعونه في المستشفي البيطري الدولي ولازم تودينه طبيب بيطري عندج الدهماء والري