اللي يربون ويحبون الهامستر بليز تعالو

السلام عليكم ورحمة الله وبركاته

اشلونكم بنات انشالله بخير

انا صارلي مده افتر بالمنتديات

واشوف مواضيع الهمستر وقمت احبه

ولا مره ربيت حيوان اليف ودي اربي هامستر

بس زوجي مو راضي خايف على اليهال

ويقول ماكو شغل ادخل فار في بيت

اقوله عاجبني وصج صج ودي اربيه

اصلا اهو نضيف ويونس والفار وعععع يلوع الجبد

بس مو راضي يقتنع

يقولي حيوانات لا اذا تبين تربين ربي طيور

مابي طيور

اقوله انزين مدام انك خايف على اليهال احطهم بغرفه فوق بالسطح

صج حدي متشوقه بس شسوي الحين اهو يقول اعناد ماكو حيوانات

قلولي شسوي معاه اشلون اقنعه

https://www.youtube.com/watch?v=xMTu3Urtj54

ههههههههههههههه
ذكرتيني بالهمسترات اللي عندنا
آخر الليل يسوون فيها بريزن بريك وينحاشون من القفص ويقعدون يتمشون في البيت
ياكثر ما يدشون غرفتي ويتعبثون فيها لا زهقوا طلعوا وحولوا ع الغرفه اللي جنبها
عآد قبل أمس واحد منهم دش وانا ما احاتيه لأني قاعده ع السرير .. مستحيل يوصلي
المهم وهو تحت السرير مدري شيحورف فيه : اسمعه يخرفش
ماوعيت الا شي يمسك ظهرررري !! هههههههههه
اثاريه الحيوان متسلق ع الخشب عشان يوصلي
هههههههههههههه

كل هذا عشان اقولج انهم يجننون وونيسين :$
وكلششششش مامنهم وساخه ولا أذيه ولالهم صوووت
بس يسوون بريزن بريك ههههه
احنا يوم شريناهم جا معاهم مثل ورقه صغيره فيها كيفية العنايه بالهامستر
وهم الأكل والقفص تقدرين تشترينهم
يعني مايلعوزون
وطمني رجلج ترى مايسببون أمراض
لأن على حسب اللي سمعته مناعة الهامستر مو قويه
لا صار فيه مرض على طول يموت المسيكين : (
وهذا هم صارلهم عندنا شهوووور ومامرضنا ولاشي

حبيبتي مايسببون امراض ولا شي وبالعكس شكلهم حلو وكاني انا جدامج ربيتهم اكثر من مره والحمدالله ماصارلي اي شي بس وسبر اعجبتني بريزن بريك موتيني ضحك

مشكوريين بنات انا قايلتله هالكلام بس شكله ماكو فايده

شتبين بالحيوانات بالبيت

ما تدرين شنو فيهم من امراض وبسرعه يلقطون المرض والقمل

حبيبتي اهوا بسرعه يموت فمايمديه ينقل امراض

سوي سيرج بالنت و وري ريلج في وايد مواقع تثبت انه الهامستر ما يسبب امراض و مو من فصيله الفيران .. واذا مالقيتي.. تعاليلي عالخاص واعطيج مجموعه مواقع

غلاي غير بالعكس الحيوانات روعه بالبيت يونسون ويعطون جو وماينقلون امراض والمثل يقول اسال مجرب ولاتسال طبيب انا ربيت قطاوه وهمسترات وقنافذ وسناجب ودياي صخول خرفان ماربيت جلاب بالبيت بس احتكيت فيهم بشكل موطبيعي وباوقات متواصله والحمدالله كاني حدامج مافيني اااااااي شي واهم شي انج تهتمين بالحيوان ونظافته ومواعيدة الطبيه وكل شي بيكون تماام اما اذا بتشترين قطوه مثلا وتخلينها تهيت بالسكه اكيد بتلقط قمل وفطريات وامراض

دلوعه ادري حاولت اوريه المواقع هذي بس مو راضي حتى يشوف

امونه مومخليه شي مو مجربته انتي لووووووووول

اهو رافض يكلمني بهالسالفه كلش

ربيه من غير لا يدري لوول
انا ايام اول اربيهم امبيه اشكثرهم عندي محد درا عنهم اللهم صوت الـ Wheel المزعج يشكك بالوضع هههههههه
انشالله يقتنع

اتصدقين ودي اشتري من غير لايدري وحطهم بغرفة اخوه ولا بغرفه فوق بالسطح ولا من درا ولا من شاف لول

انا سالته قتله اذا سويتها مفاجئه قال اجحتهم لوووول جان اقوله عادي اشتري غيرهم

متازمه ( ابي اربي حيوان اليف وظريف
ليش كل العناد هذا ماادري

حني عليه قوليله خروح سوق الحمام نطق فره يمكن يحب شي

لووووووووور راح يشتري اهو ويخليني

ههههههههههه قنعيه وييبيله هدايا ودلعيه بس لا تحنين ترا الريااييل مايحبون الحنه p:
انا ابوي كان راااااااااااافض فكرتهم كلللش وكان عباله انه يسببون عقم لان رفيجات امي لما يو بيتنا ألفو على مخ امي !! وصدقت امي وراحت قالت حق اببوووي !!
عقب سنـــه تخيلي @@ !! .. لما قتله انا قاعده اقرا وايد عن الهامسترز وكل يوم اقوله معلومه و اوريه صور .. لين بروحه عقب الجامعه قالي تعالي انروح سوق الحمام .. قتله فبالك شي ؟؟ قالي بشتريلج الشي الي تحبينه ككككككككككك .. خليه والله راح يقـــتنع انشالله

الحريم مسرع مايصدقون لووول
الحين اهو يقول اذا اهتميتي فالبيت اميه بالميه راح اشتريلج

يقول اهتمامج بالبيت 70 بلميه

بس صج بنات الهمستر فيه ريح خايسه ولالا