اللي ما جرب ظلم الجرايد لا يتكلم .

ياجماعه انا كاتبه هالموضوع وانا احتسب كل كلمه عند رب العالمين والله ان قلبي انشلع من مكانه على اللي صار للضحايا بس الشي اللي يعور القلب ان وايد ناس سبقوا القضاء بتسديد التهم ولا يعلم الحقيقه الا رب العالمين لاتقولين لي كلام الجرايد اللي قريناه كلنا اللي ماجربت ظلم الاعلام وتشويه الحقائق خل تحمد ربها وتدعي بالستر لأن الدنيا دواره والمثل يقول برأ ظالم ولا تظلم بريء والله ياجماعه الظلم شين الدنيا دواره كلنا نعرف ان فيه شي اسمه انتزاع الاعتراف بالقوه وكلنا يعرف الطق والتسهير اللي يتعرض له المشتبه فيهم انا ما ابري ساحة الزوجه بس ما ابي نتورط بظلمها خل نقول الله اعلم بالسرائر لا ناخذ ذنبها واهي مظلومه واذا اهي فعلا المتسببه عسى الله يعينها على ما ابتلاها والله انها مبتلاها الله لا يبلانا تكفون بنات ادعوا اذا اهي مظلومه ان الله ينصرها واذا فعلا متسببه عسى الله يرينا الحق

والله انا عن نفسي مو مصدقه شهادة الخدامه لا وسيلانيه بعد وشريط التسجيل وينه عقب عشر ايام يطلع ليش مو الحين؟؟؟؟؟ وتهديداتها قبل العرس هذا شعور اي مره ورد اي زوجه فما تأخذ بمحمل الجد…. اما اتهام اهل الزوج كلنا ندري ان الحريم اذا كرهوا المراه تصير بنت ابليس فعسى الله يكفينا شر الحريم……

خلاصة الموضوع ان الأعلام ظالم واللي ما اكتوى بتشهير الجرايد ما يقدر اللي انا قاعده اقصده

انا معاج 100%

صارت سالفه حق رفيجتي لا تشوفين اشكتبوا عنها بالجريده فضحوها فضيحة الدنيا ووايد كلام جذب عليها وتشهير والكل درى انها عنها
كتبون حروف من اسمها والكلام جذب بجذب انا ماصدق كلام الجرايد ابد كل جريده تكتب شي

المره اعترفت
و الكويت مو من الدول اللي تغصبج تقولين شي و انتي مو مسويته
انزين اذ الخدامه جذبت معقول عامل البانزين يجذب !!!
حسبي الله عليها

كل جريده لها قصه غير

وبالجريده نفسها تناقضات لي الراس ..

ضعنا ..

بس راح يبين كل شي مع الايام

الله ما ينسى عبيده

زهرا اذا عامل البانزين صاج خل يعطون المباحث الشريط ليش التأخير @@ …………!!!

السالفه هذي بكبرها لغز كبيـــــــــر ..!

تعبت وانا افكر

لا الاعلام ما ظلم احد اهيا طلعت بقناة الراي واعترفت

وبنات بسكم دفاع عن وحده مثلها ولا تشمتون فيها لان

الحقيقه راح تطلع فيوم من الايام

؟؟؟؟؟؟؟؟؟؟؟؟

ع الاخبار معترفه المره قناه الكويت الاوله اعلنت ان اهي المتهمه …

شفيكم انتوا ما تقتنعون المرا مجرمه إلآ سفاحه وانتوا تبررون لهـآ؟؟؟؟ وتقطون البلا ع الجرايد …

احنا متى نتعلم ونواجه الحقيقه وما نتهرب منها ونلف حوالينها …

حبايبي الشمس ما تتغطى بمنخل المر مجرمه بإمتيـاااااااااز

اي والله ، الله يستر عليهاا

و مو حنا الي بنحاسبها ربها بيحاسبها بكرة على كل شي سوتة

لاولله ؟!!

الله يرحم شهداءنا ويجبر بخاطر أهلهم يارب بس

اللهم اغفرلهم وارحمهم وعافهم واعف عنهم واكرم نزلهم ونقهم من الخطايا كما ينقى الثوب الأبيض من الدنس .
برحمتك يا ارحم الراحمين

اللي تقول ان العترافات ما تنتسع بالغصب سألي اي واحد بالمباحث او امن الدوله وقولي له شلون تحققون مع المشتبه فيهم واهو يقولج؟؟؟؟؟؟ هذا شي الشي الثاني اللي تقولي اعترفت انا ما ادافع عنها انا اقولج تعرفين ظروف الأعتراف ووين تسجيل المحطه مالت البانزين من كبر الكويت ولا القاء التهم سهل… والشي اللي بوصله للي قاعده ادافع عن الأعلام والجرايد بالذات حمدي ربج والله ان الجرايد بياعين حجي واعراض الناس عندهم بيزه حمدي ربج عالستر اللي بوصله لها رب يحاسبها وقضاء يحكم في امرها ويضل القضاء العادل هو الرب الرحيم ولا احنا يالبشر صج انا ظلام وتاخذنا كلمه وتجيبنا كلمه

لاحول ولاقوة الا بالله كل شي راح يبين بعد جم يوم

لو ماكانت الفاعله ماتعترف

اللهم اغفرلهم وارحمهم وعافهم واعف عنهم واكرم نزلهم ونقهم من الخطايا كما ينقى الثوب الأبيض من الدنس .
برحمتك يا ارحم الراحمين

المره اعترفت ان اهي … ما غصبووها .. الله يجازيها انشالله ويجازي كل احد شاركها بفعلتها حسبي الله ونعم الوكيل