تعبت من اللي صايدني تعالوا جوفوا لي وين وصلت

السلام عليكم و رحمة الله و بركاته
صحيح انها اول مشاركة لي معاكم بالمنتدى بس و الله انا كنت اتابعكم من زمان بس مو بهالسم اكثر شي بقسم الحياة الزوجية
و لما جفت الردود و التعاون و الصراحة اهم شي مع بعض قررت اكتب مشكلتي هنيه

انا خلاااص تعبت طفح فيني الكيل بما فيه الكفاية و السبب تدرون من اللي يسمونه الوسواس <<الناس يسمونه وسواس و انا اجوفه حقيقة مو وسواس

الله يسلمكم انا كنت انخطبت من سنتين تقريبا و تزوجت من ست شهور تقريبا

انا من بداية خطوبتي اهل خطيبي ما شاء الله متدينين و لما قمت اقعد معاهم قاموا يتحجون عن الصلاة و شلون يصلونها و الوضوء لحد ما لقيت ان كان وضوئي خطا و اهنيه بدت المشكلة اني قمت ادقق على وضوئي و اعيد و اعيد و اعيد لما اقول بـــــــــــــس و لصلاة هم نفس الشي اعيد لما اهلكـ
بعدين شوي شوي قمت الله يعزكم اذا ادخل الحمام احس ان يتطشر علي عزكم الله (البول) بالبداية كنت اغسل نص جسمي الاسفل ع السريع و اطلع تالي قمت اغسل جسمي كله و اغسل المرحاض و اطلع
بعدين شوي شوي قمت احس اني اقطر بثيابي و استخدمت كيرفري بعدين تطور الموضوع و صرت لين اغسل جسمي و اتطهر احس كل ما اتطهر ينزل بول و اعيد و اعيد لحد ما اهلك و اموت و بعدين اطلع

و ع هالسالفة قمت ما ادخل الحمام اللا اذا وصلت حددي و ما اشرب ماي عشان ماادخل
تخيـــــلوووووووووو اني كنت اقضي ربع اعة بالحمام بعدين نص ساعة و بعدين ساعة اللا ربع و بعدين ساعة و بعدين ساعة و نص و ساعات تكمل ساعتين
بس اكثر شي ساعة اللا ربع

أنـــــــــــا مو قادرة اتحمل خصوصا اني الحين افكر بالحمل يعني احس اني من زود هالجهد بالحمام لا سمح الله بيصير شي في اللي ببطني قبل ماادري بوجوده حتى استغفر الله

في شغلة ثانية ابي استفسرها سامحوني على التفصيل بس من المعاناة و الله
الحين لين دخلت الحمام و تبولت عزكم الله و نزلت السيفون و قمت اتطهر بالماي طبعا الماي و اهو ينزل يتطشر اللي تحت على فوق فهل اللي يتطشر يعتبر طاهر لو شنو

ابي منكم نصيح و تجارب و حلول شخصية منكم ماابي روابط و مواضيع ابي وحدة تتابع حالتي حتى لو بالخاص توقف معاي تساعدني لحد ما اطلع من هالمحنة لاني و قسم بالله تعبت
اجوف الناس عايشة احى عيشة و الله اني ساعات لين اجوف بنات اقول يا ربي جوفوا شلون جافين يطلعون و يدخلون الحمام بكل سهولة ما يغرقون روحهم ماي محافظين على استايلهم مو انا مالت على حظي الردي

ساعدوني مو تخلوني عسى الله لا يوقعكم بهالبلاء