|
بسم الله الرحمن الرحيم
السلام عليكم
انا عندي مشكلتين تقريبا الاولى هي الحلف
انا مره حلفت قلت ماراح اسويها مره ثانيه بس اني سويتها><
وماصمت ولاشي ><
وكمان حلفت على شغله ثانيه قلت ماراح اسويها وسويتها
الحين صارت عندي شغلتين احلف اني ماراح اسويهم بس اني اسويها
فما هو الحكم؟
اصوم سته ايام ولاشنو؟؟
والمشكله الثانيه ………….الجنس><
يعني انا تجيني افكار جنسيه واتخيل واحس اني ادمنت على الوضع هل هي محرمه؟؟
في ناس يقولون مو محرمه لانها شهوه طبيعيه وناس يقولون محرمه فما هو الحكم
وانا عمري 16 هلى عمري هذا يعني عادي افكر بهذي الافكار بحكم اني بالسن المراهقه؟؟
ارجوكم اذا عندكم علم جاوبوني لاني بجد متأزم من هالحاله
ومشكوورين
اب
واكثري من الصلاة وقراءة القران تبعد عنج الوسوايس
وعن التحريم شوفي فتاوي المشايخ بالشغله الي ذكرتيها
والله يبعد عنج كل شيطان توج صغيره ياقلبي وحافظي على نفسج من الشيطان ووسوايسه
و كثير بنات كانت بدايتهن كذا و انتهى المطاف بهن إلى ممارسة العادة السّريّة
تعوّذي من إبليس أختي الحبيبة و زي ما قالت الحبيبة إللي قبلي حافظي على نفسكـ و لو لمجرّد الأفكــار
لأن فيها إثارة شهوة و غرائز و بالميّة ميّة تجر لأشياء ثانيـة
كل ما جت لتس ذا الأفكار تعوّذي من إبليس و اشغلي لسانكـ بذكر الله ..
موفّقة .
ثاني شي و اهو الخطأ اللي الكل يطيح فيه و انا منهم .. ان اول ما نفكر بكفارة الحلف اليمين نقول لازم نصوم .. و هذا خطأ كبير لأن الكفاره لها ثلاث مراحل بالترتيب و لازم نمشي عليها حسب الاستطاعة ..
الا و هي ..
بالبداية يكون اليمين اللي حلفتيه عن قصد و نية و ليس عن عصبية و كلام غير مقصود .. لأن الله سبحانه و تعالى يقول ( لا يُؤَاخِذُكُمُ اللَّهُ بِاللَّغْوِ فِي أَيْمَانِكُمْ وَلَكِنْ يُؤَاخِذُكُمْ بِمَا عَقَّدْتُمُ الأَيْمَانَ فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ فَمَنْ لَمْ يَجِدْ فَصِيَامُ ثَلاثَةِ أَيَّامٍ ذَلِكَ كَفَّارَةُ أَيْمَانِكُمْ إِذَا حَلَفْتُمْ وَاحْفَظُوا أَيْمَانَكُمْ كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَشْكُرُونَ ) المائدة / 89 .
يعني الله سبحانه ما يؤاخذ العبد اذا حلف عن غير فصد او عن عصبية ..و الاية الكريمة شارحة نفسها .. يعني اول خطوة اطعام عشرة مساكين و العلماء يقدرون كمية الطعام اتوقع ب كيلو الا ربع و بعضهم يقولون كيلو و نص .. ( هذي تأكدي منها )..لكن انتبهي لازم يكون طعام .. من تمر او ارز او حنطة مو فلوس ..بعدين المرحلة اللي عقبها .. كسوة عشرة مساكين ، (( فيكسو كل مسكين كسوة تصلح لصلاته ، فللرجل قميص (ثوب) أو إزار ورداء ، وللمرأة ثوب سابغ وخمار )) او تحرير رقبة و هو غير موجود في عصرنا الحالي .. و اذا ما قدرتي على اطعام عشرة مساكين او كسوتهم .. بعدين تجين لمرحلة الصيام ..
عرفتي .. يعني مو من البداية الصيام ..
و اما الموضوع الثاني يا عزيزتي انتي الحين بعمر المراهقة .. و هذا شي طبيعي يصير لج بهالمرحلة .. لكن لازم تعرفين ان العين تزني و القلب يزني و السمع يزني و العياذ بالله .. و هذي كلها وساوس شيطانية .. حاولي تعودين نفسج كل ما يات لج هالافكار تتعوذين بالله من الشيطان الرجيم .. و اشغلي نفسج على طول بشي ثاني و لا تتركين للشيطان مجال عليج بالافكار .. صحيح اهي غريزة و توها تبتدي بالنمو عندج و توج تكتشفين نفسج بس لازم تعرفين ان بالطريقة هذي راح تنجرين لمرحلة ما تقدرين تخلصين نفسج منها و تجرج لأشياء لا ترضي رب العالمين و لا ترضي نفسج عنج و لا اهلج ..اهي اصلا غريزة موجودة بالانسان و الحيوان لكن الله سبحانه ميزنا بالعقل و قولي حق نفسج دايما اني ما راح ادفن عقلي و استسلم للشهوة شنو فرق الانسان عن الحيوان اللي يدور التزاوج و التكاثر و الشهوة اذا ما نكبتها بالعقل .. و اذا صفيتي النية رب العالمين اكيد راح يساعدج
اتمنى اني افدتج عزيزتي و عسى الله يهديج ان شاء الله لرضاه