|
كويتيات حبيباتي
اللي عندها علم تفتيلي والله يجزاها الجنه يارب
قبل شوي وانا اغسل القلاص انجرحت ايدي وطلع الدم
عاد رحت الطبيب وشافت الجرح وقالتلي بس لفيه صج كبير بس مايحتاج الخياط
عاد لفته لي وعقمته وبعدها غزتني ابرررررررررررررررره
الحين انا صايمه وغزتني ابره تقول لازم عشان لا يتسمم جسمج بما انه بقلاص
الحين بعرف لما غزتني الابره وطبعا من ورا الحين انا فاطره ولا شنوووو
بليز بنات محد عندي كبير اسأله بليز اللي عندها علم تقولي والله لدعيلها من قلبي تكفوووون ناطرتكم بسرعه
اختي اللي اصغر مني تقولي اي تعتبرين فاطره
تكفوووون ساعدوني
منتي فاطرة لأن الإبرة ما تفطر
اللي يفطر الأكل و الشرب و العلاقات الجنسية
و مرة ثانية خلي إختك اللي قالت إنك فطرتي و بغت توهقك إهي اللي تغسل القلاص علشان تجرح إيدها و يطقونها إبرة !!
سلامات بس بجد انتبهي للقلاصات خاصة اللي زجاجها خفيف لا تدخلين كفك داخلها لأنها خطرة
استعملي الفرشاة أأمن
مشكوووره حيبتي
وماقصرتي ربي يوفقج ويستر عليج ويريح قليبج مثل ماريحتي قلبي وربي اني احاتي
واذا على اختي موراضيه تسوي شي
والمشكله انه ايدي اليمين هي اللي ملفلفه
اللى تفطر ابرة الوريد
والله العالم
ربي يرزقكم الجنه ويوفقكم ويستر عليكم
حتى انا قبل شوي سالت ابوي وقالي الابره اللي بالوريد تفطر والابره اللي بالعضل ماتفطر
الحمدلله الحين ارتحت
ماتقصروون حبيباتي فديتكم كلكم