اسإله محيرتني ويريت الاقي لها إجابات

السلام عليكم ورحمه الله وبركاته
اشلونكم وشخباركم ان شاء الله كلكم بخير وعافيه
اول شي بسال : هل يجوز اني استغفر وانا حائض ؟؟
ثاني شي : شنو العبادات الي ممكن اسويها وانا حائض ؟؟
احس بنقص عجيب وكاني تايهه ويزيد همي لما الدورة الشهريه تييني وما اقدر اسوي العبادات الي متعوده عليها مثل الصلاة والاستغفار والتسبيح والدعاء وقراءة القرآن وقيام الليل وغيرة

ما ادري احس اني مخنوقه لما انقطع عنها
ارجوكم الاجابه على اسالتي باسرع وقت خصوصا اني محتاجه للدعاء والاستغفار على حال ولدي
يارب تغفر للمؤمنين والمؤمنات الاحياء والاموات وتشافي ولدي وتسد حاجتي وترزقني اني اقدر اكمل علاجه يا ارحم الراحمين ولا تذلني لعبد وانت رب العباد

عزيزتي الله يشافي ولدج ويخليه لج وتشوفينه معرس ان شاء الله

عليج بالصدقه رسولنا الكريم قال داوا مرضاكم بالصدقه

اما عن اسالتج برد عليج كل شي تقدرين اتسوينه وانتي حائض ماعدا الصلاه

استغفري واقري القرأن مافيها شي

بس اذا بتقرين من المصحف البسي دسوس مايصير تلمسين المصحف مباشره

او اخذي الاجزاء واقريها بروحها

وراح ادور لج على سايت مختص بالفتوي واحطه لج عشان التأكيد

شوفي هالرابط ان شاء الله يفيدج

https://www.islam-qa.com/index.php?ref=5048&ln=ara

وعليكم السلام والرحمه
اكيد حبيبتي تقدرين تستغفرين وتسبحين
وتقدرين تقرين القرآن من التفسير وتقدرين تسمعين اشرطة محاضرات دينيه
واسأل الله الحي القيوم الرحمن الرحيم ان يقوم ولدج بالسلامه عااااجلا غير اجلااااا
واكثري من الصدقات بنية شفاء ولدج والله يقر عينج بشوفة ولدج معافااااا عاجلا غير اجلا

مشكوووووووووووووورييييييييييين خواتي جزاكم الله خييييييييييييييير