خربتى الرجيم شتسوين

واااااااى هم وااااو على قولت العيدروسى

عندى سؤال محيرنى لما اخربط بالرجيم وساعات لما اعصب وايد ازرق كاكاو منى بسكوته منى اى شى المهم آكل وطبعا لاتشوفون حالتى عقبها بجى وعصبيه واكره نفسى بس غصبا على اخرب واكيد فى احد مثلى

الزبده شنو عندكم اقتراحات او سوالف اتسوونها لما تخربون يعنى فى شى ينشرب حركه اى شى

شربي جاي اخضر يهضم ويذوب الدهوون

وفي شي عجيب مجربينه بنات اشكثر وانا بديت فيه اليوم

اللي اهو منقوع الزنجبيل والدارسين

وتقدرين لما تسوين جاي اخضر تحطين فيه ملقعه صغيره مالت الحوس زنجبيل مطحون وعود دارسين وتخلينه لما يصير دافي

وتشربينه بألف عافيه

انا الحين ناقعه زنجبيل ودارسين في ماي صارله ساعه بشربه بعد المغرب

وبالتوفيق

مثل ما قالت قصب سكر

شاي اخضر و عندي حبوب اناناس احسهم ينزلون اللي كليتيه ههههههه

وهذي صورته

من وين خذيتيهم كذا صيدليه ارووح ما القى .. وجم سعرهم ..

وهم قالوولي عن حبوب خل التفاح و بكتين التفاح .. نفس طقه حبوب الاناناس بس اقوى شوي

مفعوولهم ..

قبيطه

اذا خربتي الرجيم لا تعصبين قوولي بستمر واستمري ولي صار باجر كملي ..

اهم شي لاتحبطين عمرج يعني مو تخربطين يوم على ككاو وتقولين خلاص ماراح اضعف لااا

كملي وشددي حيلج ..

موفقه حبيبتي ..

عندي حبوب الاناناس قالولي مايسوون شي مادري

بس احسن حل للتخربط شاي رويااااااااال للرجيم او الملين
يطلع الي كليتيه كله وانتي بكرامه

حبيبتي اذا خربطتي بكاكاو او بسكوت مو تخربين وتكثريين خلاص عاقبي نفسج امج اكلتيهم ولا تاكلين شي باليوم كله عقاب انا اسو جذيه بس اخليه الباقي من اليوم سوائل والله انا استعمل حبوب الدكتور طالب الشمري ازي لاكس وتنباع بكل الصيدليات سعرها ب6 و300 فلس يمكن على حسب الصيدليات والله يوفقج واشربي نسكافه على الريج او ماتقعدين من النوم راح تسد نفسج من الاكل جاي رويال الاخضر يقولون مو زيين هو اخطر جاي وتجنبوه احسن
وموفقه حبيبتي00000

حبوبه عادي ترى كلنا نخربط و نزرق من اهني و هناك بس لا تضغطين هلى نفسج
اذا صار شربي شاي اخضر مع نعناع – شاي زنجبيل مع دارسين – اكلي اناناس فرش او قريب فروت نطي حبل امشي سوي رياضه لا تاكلين الوجبه ألي بعد التخربط

ترا عاديه سالفة التخربط عاااااادي .. لا تبجين ولا شي حبيبتي .. كل اللي تسوينه انج تتخيلين ان نظام

رجيمج نفس مسار الطياره .. اذا صار تقلبات جو يضطر الطيار يغير مساره أو ينزل في بلد ثاني مؤقت لكنه

في النهايه راح يوصل حق المكان اللي يبيه باذن من رب العالمين .. انتي نفس هالحاله مره تخربطين شوي

ومره تخربطين وايد عاااادي (تيك ات ايزي) حبيبتي كلنا نفسج ترا وأخس يمكن

لكن في النهايه راح توصلين باذن الله للهدف اللي في بالج واللي اهو الوزن المثالي

هذا الكلام قالتلي اياه دكتورة الطاقه وانا أي وقت اخربط اتذكره وأرد أكمل يومي بكل ثقه

عيشي حياتج عادي وكملي رجيمج وهذي كله شوية مطبات جويه.. ربطي حزام الامان وتوكلي على الله

في رحلتج

عندج انا أمس خربطت لين قلت بس .. قبل لا انام شربت جاي أخضر بالنعناع والحمدالله قمت اليوم الصبح

ورديت فرش وماشيه على نظامي بشكل طبيعي …

تحيااااتي فلانه_الفلاني

جاي رويااااااااااااااال

او جاي اخضر

اى والله قبيطه الواحد اذا خربط والله انا ادش فى طور الكآبه وما ادرى شيصير فينى وابجى واحتر حدى واتحبط بس يالله الوحده لازم تكون قووويه وعلى قولت الخوات الجاى الاخضر والمراميه وهالسوالف ترى تسوى شى

اذا خربطت انا اشرب شاي اخضر وبعد الأكل بساعات او ساعتين اكل اناناس فرش (لأنه يحرق الأكل اللي اكلته) او كيوي بعد الكيوي عجيب ثلاجتي ماتخلى من الكيوي والأناناس وقبل النوم ماي دافي مع ليمون

لازم نقعه وقت معين ولا عادى

حلوه وماكو احلى منى

بلييييييز وين احصل هالحبوب

شيخة البنات
مشكوره وانشاء الله توصلين اللى تبينه

شاى رويال جربته بس يهلك يعور البطن قمت اتحقرص من العوار بس من ناحية يطلع لا اوكى يعصر عصار والكرشه تصير لينه

شكراااا

يابنات ترى اكليل الجبل ( الروز ماري ) عجيب وطريقته تحطين شوية وتصبين فوقه ماي مغلي وتخلينه ربع ساعة بالمطارة وتشربينه , انا احطه مو مطحون لا الأعشاب