نسبة ذكاء طفلك من60 الى 65 ادخلي بليييز

مرحباااااااااااااااااااااا

منو عندها طفل نسبة ذكاءه متدنيه يعني من 60 الى 65 ومصنف تخلف عقلي بسيط .. نبي نسوي ديوانيه خاااصه نستفيد من تجارب بعض .. يعني مثلا شنو أفضل مدرسه تخص هذى الفئه؟ وهل يعطوون شهادات ؟ وممكن يتوظفون عادي ؟ او أنتي مدخلته مدرسه عاديه وشلوون وضعه هناك؟ هل تقوولون للمدرسه عن وضع الولد او تسكتوون ليما يلاحظوون بنفسهم؟ ابي الي تشارك تقوول تجربتها عشان نستفيد من بعض لان احنى اكثر ناس نحس بعض ولي عيالهم بمدارس خاصه لهذي الفئه .. الدووله تسدد رسووم الدراسه وهم تصرف لهم معاش؟ وهل حسيييتو في تطوور بمستواهم ؟ اااااابي الي عايشين نفس التجربه يدخوون عندي أسأله.. ووايد أنا بنتي من هاذي الفئه والسنه الجايه تدخل المدرسه

ويييييييينكم شدعوووووووووووه

محد عنده طفل يعاااااني من أعاقه ذهنيه

نفس مشكلتك انا ولدي سجلته بالكويت الاهليه الي بالفرونيه على حسابي بس انتي بنتك تتكلم عدل وهل عندها فرط نشاط ووين اكتشفتي انا عندها ناخر عقلي بسيط

أهلين والله ام نارمين .. شوفي أنا بنتي فيهاا تاخر لغوي وواضح بس ابداا مافيهااا فرط نشاااط وكنت مدخلتهاااا روضه ثنائية اللغه وصراحه لاحظة لماا أدرسها ان أسيعابها بطيئ وتنسى بسرعه وماتركز .. سويت اختبار ذكاء بمركز خااص وكانت نتيجه نسبه متدنيه .. الحمدلله على كل حااااااال .. بس بغيت اسال عن عمر وولدج ؟وتحسن مستوها بالكويت الاهليه؟ أنا شفت المدرسه مادري ماعجبتني حيل .. بعدين بغيت أسال ماكنتى مدخلته مدرسه عاديه ؟

بالنسبه لولدي عنده اعاقه ذهنيه وكان مصنف بالتحد ومع الوقت ولله لحمد الحين صارت صفات مع بطء تعلم
ونسبة الذكاء عنده85 الحين قبلكانت 40 وبعدين 70 وهذا كله من فضل الله ثم مع التدخل المبكر ولان التوحد كان خفبف وسجلته هالسنه بمدرسه الكويت الاهليه اول ابتدائي
تعقيب ان دشيت قبل هالمره بس لان الموضوع ما يخص ولدي ما رديت بس يوم شفت شدعوووووه مالتج قلت خاف اتحسب ان ما نبي نرد عليها
لج كل التقدير والاحترام

ما عليه حبوبه .. القسم أعضاءه مختلفين الإعاقات .. وتقدرين تتصفحين المنتدى
وااايد رااح تلقين اللي تبينه .. وفي إستطلاع بالمدارس الخاصه إذا حابه تشوفينه
حياج الله بينا .. ما حبيت أطلع بدون تعليق

مشكووووووووره على الرد
بس بغيت لأسال مدخلته مدرسة الكويت الاهليه قسم أحتياجات الخاصه اوNormal؟ لان نسبة ذكاءه الحين طبيعيه ماشاء الله والله يتم عليه يارب

مشكوووووووووووووووووووووره أمzozy

انا بنتي عندها تخلف عقلي بسيط وانا كنت حاسة من يومها كانت صغيرة ان فيها شي مو طبيعي يعني تصرفاتها مو مثل الاطفال الي في سنها وبحكم دراستي في الجامعة عرفت هالشي وكنت كل مااقول لأبوها يقول لي شفيج علي البنية مافيها الا العافية بس انا ماسمعة كلامة وسجلتها بمركز الشيخ علي السالم لمعالجة النطق عندها وكانوا كل مايعطونها شي تنساه في لحظتها وطلبت من الاخصائية الي تعالجها علشان تكتب فيها تقرير واخذت التقرير ووداتة لمستشفي الاطفال للطب التطوري المهم بعد كم شهر كان موعدها ورحنا وافحصوها ولقوا ان عندها تخلف عقلي بسيط وان هالشي ماله علاج يعني كل ماتكبر راح تتغير للاحسن واهي لما كانت في الروضة اسال المدرسات يعني ماتلاحظون عليها شي يعني غير عن البنات تصدقين المدرسات يقولون لا تهبل وذكية وشاطرة حتي مااكتبوا في ملفها ان عندها تاخر لغوي المهم لما حبيبتي دخلت المدرسة وانا كنت رافضة الفكرة انها تدخل مدارس حكومية لانها راح تحس بفرق بينها وبين البنات بس ابوها اصر وبشدة انها تدخل المدرسة الحكومية ودخلت بنتي المدرسة وانا مدرسة اصلا في المدرسة كل شي كان عذاب كانت تمشي بروحها لما اشوفها يتقطع قلبي عليها ولما تصير حفل للمتفوقات اهي الوحيدة في الفصل مو متقوقة شوفي عاد ادموعي انا راضية بفسمة الله بس كنت احس اني ظالمتها بهالمكان بس انا ماسكت رحت وغصبت ابوها يودي اوراقها للمجلس الاعلي للمعاقين علشان ادخلها مدرسة خاصة قالوا لي اذا هي كانت بمدرسة حكومية راح تدخل مدرسة حكومية ودخلت بنت لثانية ابتدائي ولالحين احنا واوراقها كل مانروح يقولون لما تخلص ثانية مع ان بنتي تموت بالكتابة وكنت كل اجيب لها مدرسات بس ماكو فايدة شهادتها كل ضعيف حتي الآيات مو حافظة آية علي بعض عاد سمعي كلام المدرسات عنها مع اني بلغتها عنهم وعن حالتها المفروض كانوا يراعون شعوري ولما قربت تخلص السنة وقرب موعدها فبي المجلس الاعلي بلغونا انها بس تدخل مدارس التربية الفكرية مالت الحكومة ورفضوا ان يدخلونها المدارس العربية واخذنا اورافها وسجلناها هناك وان شاء الله مع السنة الدراسية الجديدة بتداوم اهناك ولما كان ابوها يسجلها بالمدرسة قابل المديرة والمدرسات وشاف البنات الي هناك قالي والله اني غلطان المفروض اني مدخلها من زمان هناك يقول حسيت ان هذا المكان المناسب لها وآسفة علي اني طولت عليج مع اني مختصرة حيل .

اما بخصصوص اسئلتج اذا تبين تعرفين شنو احسن المداس لهالفئة راح تحتارين الاجنبية لازم الطفل يكون عنده لغة والعربية ماتدخلج الحكومة فيها يحولونج لمدارس التربية الفكرية يقولون بالواسطة يصير كل شي سهل بس اذا تبين تعرفين اسماء المدارس وارقامهم روح للتعليم الخاص االي بالسالمية واخذي برنت عن اسماء المدارس للفئات الخاصة وعاد انتي افتري واسئلي عنها انا كنت مسوية هالطريقة واغترت كذا مدرسة بس

المجلس الاعلي حول بنتي لهالمدرسة . اما السؤال الثاني اي لها شهادة ويوظفها المجلس الاعلي للمعاقين وبعد ينزلون لها معاش . وانا انصحج لا تدخلين بنتج لمدارس الحكومة لانها ماراح تحملها وانتي بتتعب نفسيتج وبالعكس انا كنت امبلغة الاخصائية والمدرسات عن حالتها بس بصراحة احس الحكومة مقصرة حيل للفئة هذي بالذات يعني هم تقريبا طبيعيين بس بامور الدراسة صعبة عليهم المفروض لهم مدارس خاصة لهم بالذات .واي سؤال انا حاضرة

لا مع الاحتياجات الخاصه قسم بطء التعلم يصير الصف في 15 طبيعين و5 بطء تعلم
الله يسلمج ويعافي لج بنيتج

مشكووووووووووووووره حبيبتي… ام نووره … حالة بنتج قريبه حيييل من بنتي وهم أبوهاا مو راضي يدخلها مداارس لمثل حالتها وهذا مصدر خلاف دائم يقوول خليها بمدرسه حكوميه عاديه اهي السنه الجايه أولى ابتدائي وانا حاسه أني ظلمتها واايد لان اكيد المناهج هناك اكبر من أستيعابها ..عموماا أنا رحت للاخصائى احمد البرم وقال انا الاجراءات تطوول في المجلس الاعلى للمعاقين فالسنه هاذي دخليها حكوميه على ماتخلص الاجراءات بس صراحه أنصدمت لما قلتي مايحطونها الى بمدارس التربيه الفكريه يعني ماايدفعوون التكليف اذا بحطهاا بمدرسه خاصه .. طيب أنا سالت عن مدارس التربيه الفكريه وقالوا لي مايعطوون شههادات معترف فيها يعني بس خبراات وتوظف بس بنفس المكاان !! أدري أسالتي ووايد بس حدي محتااره وكل دقيقه عندي راي… و مشكووره وجزاك الله خير على المشاركه

ابوها كان مو راضي في البداية اندخلها للمدرسة كان يعتقد ان لما تختلط مع البنات في المدرسة راح تتغير ولاني كنت معاها في المدرسة فكنت اشوف البنات يضحكون عليها وعلي طريقة كلامها وحتي اهية لما نرجع للبيت تقول يمة صح انا اعرف اتكلم غير بعد البنات بصفها مستضعفينها حيل وتحسين انها منبوذة في الصف تري فعلا الاجراءات تطول اصلا حتي المجلس الاعلي ماراح ينقلونها الالما تخلص من ثانية يقولون ان هذي طريقتهم واذا كنتي بتودينها مدرسة خاصة يقولون بالواسطة تمشي .
انا وابوها قلنا بنشوف هالمدرسه بنجربها هالسنة وبنحاول ندخلها مدرسة خاصه . نفس الكلام الي قلتيه عن التوظيف قالوة لنا بس عن الشهادة بسال اكثر وبقولج .
الله يكون بعونج انا مريت بنفس التجربة وكنت كل ما اكلم ابوها يتضايق يقول اخاف لما تكبر تقول ليش تدخلوني هالمدارس انا مافيني شي خاصة مدارس الخاصة تكون مختلطة مع اعاقات مختلفة لين في الاخير اقتنع وتاكد ان بنته فيها اعاقة ذهنيه

انا ولدي عمره 9 سنوات وقبلوه الكويت الاهليه حق اول ابتدائي
صحيح التربيه فصول بطء التعلم تبدي من الصف الثالث الابتدائي ولايمكن ياخذون اول ابتدائي هم انا دخت مع يويو ما خليت مكان ما رحت له
والاجنبيه ما يقبلون الا الطفل اللي توب بالانجليزي والوحيده اللي تعطي شهاده اهي الانجليزيه العالميه اللي بحولي ورا العدساني واهي المدرسه توب وما تحط الاعاقات مع بعض بس يبيلها واسطه قويه
انا شفت الاهليه وايد مدرساتها اوكي
هذا للتوضيح والمساعده والله يعينج ويصبر قلوبنا احنا الامهات

الاخت مشاااااااعل ولدج قبل لاتسجلينه بالكويت الاهليه وين كان يدرس بالحكومه بعدين نقلتيه ؟ وليش بعدين تكاليف الكويت الاهليه المجلس يدفعهاا؟… ولي عيالها بالكويت الاهليه شرايكم في مستوهاا ؟