|
|
[b]السلام عليكم
شلونكم بنات الله يجزاكم خير ويشافي عيالنا يا رب
بنات انا محتاره و بغيت اشاوركم بحكم خبرتكم مع عيالكم
ولدي ماني عارفه هل هو معاق و شنو أسوي معاه مابي اتأخر في مساعدته
ولدته كامل 9 شهور بس ولاده متعسره شرب ماي و وصخ
صاح عادي مثل اي جاهل و مازورق بس احتاج جهاز تنفس لان صدره متروس ماي
و نفسه سريع ولدي عمره الحين 9 شهور فيه رخاوه وصدره دايم تعبان
ما يتحرك كثير بس يرافس بس ما يوقف على ريوله
ما يركز بالنظر مع ان فحوصاته سليمه و يشوف
ما ينتبه وايد للاصوات ما يناغي بس يوكول كلمة ماه ماه
طبعا ما يرفع راسه ولا يقلب ولا يقعد
أنا اسويله علاج طبيعي بس مو منتظمه لان صدرة على طول تعبان و بالمستشفى
الدكاترة قالو لي نقص اكسجين مع ان كل فحوصاته سليمه
الرنين سليم و الاعصاب و الحمد لله ما يتشنج
هل ابني معاق ؟وما نوع الاعاقه؟
شنو اسوي له غير العلاج الطبيعي؟
هل اسجله بالمجلس ولا انطر ليما يكب واشوف ؟
محتــــــــــــــــــــــــــــــاره اخاف يحتاج شي و أنا مو قاعده أسويه له
أخاف اندم و اقول يليت سويت هالشغله مبجر
ساعدوني بخبرتك
على فكرة لا تزعلون لو مارديت لاني مشغوله بوليدي نظر عيني الله يشافيه
ادعوله تكفون
/b]
حبيبتي اهم قالولج شارب ماي ؟؟
اعرضيه على دكتور اطفال شاطر
يمكن بس يبيله علاج بسيط
على فكره لاسمح الله لو طلع فيه رخاوه او اي شي ثاني تكونين بديتي مبجر يعني باذن الله انتي مراح تقصرين معاااه
الله يطمن قلبج
نفس ما صار مع طفلي~ بس شلون نتايجه كلها سليمه ؟!
يعني سويتي فحص على العضلات ؟ والاعصاب ؟ اشعه على الراس ؟
اذا حولوج الوراثه معناه فقدوا التشخيص حياتي ~ ومن الوراثه يسوون لج لجنه ترفع الى المجلس
العلاج الطبيعي لا تتركينه ابداااااا ~ والصدر تعبان هذا لانه تضرر من الولاده
اعتقد حالته نفس حالة ولدي ~ ربي يقر عيونج فيه ويريح بالج يا رب
عرضته على كذا دكتور وقالو نقص اكسجين
فيه رخاوه
هذا الي محيرهم سويت تحاليل وراثه سليمه بس بيحولوني وراثه
شقصدج مافيه تشخيص و شنو حالت ولدج خل نستفيد من بعض*