اخوي وزوجته

شلونكم بنات
اخوي متزوج وحدة للأسف فيها بطيء استيعاب يعني انا ما اقدر اشخص حالتها بالضبط بس اهيا يعني ما تستوعب بسرعة وما تعرف شلون تجابل بيتها وعيالها واهما خمسة اكبرهم عمره تسع سنين وما تعرف تكتب ولا تعد واذا سألناها عن شي ما تعرف ترد ما ادري اهي تجذب ولا ما تعرف ما ابي اظلمها وووايد اشياء خاصة ما اقدر اقولكم اياها مثل ما انتو عارفين بين الزوجين واخوي مسكين ما يشتكي بس بحكم انا ساكنة في بيت اهلي وشقتي بجانب شقتة لاحظته ومن خلال كلامي معاها
المهم استفساري اذا اهيا تعاني من مشكلة عقلية سواء تأخر او تخلف أو بطيء استيعاب شلون نقدر نساعدها ونشخص حالتها وشلون نقدر نسجلها بالمجلس الاعلى للمعاقين وتنصرف لها اعانة منهم او على الاقل تتوظف في الاماكن الخاصة فيهم لآني سمعت ان في وظائف مخصصة لهم
عسى الله يصبر اخوي وياجره في مصيبته ان شاء الله
لأن هو متعاطف معاها كونها يتيمة الأبوين
واذا في مكان تأهيل مثل هالحالات على اساس تتعلم شلون تكون ام وزوجة يا ليت تفيدوني ولكم الاجر باذن الله

هلا أختي نايس

ما أدري ليش توكم الحين حسيتوا بالمشكلة بعد 5عيال؟؟

المهم لاانا ولا غيري يقدر يشخص الحاله تروحون الطب التطوري والوراثة لأنهم معتمدين من الدولة لتصنيفها كمعاقة.

لازم تعرضونها على مختصين بهالحاله

بس اهيا ماشالله كبيرة ام عيال مادري وين تودونها

يمكن من ضروفها لانها يتيمه صارت جذي والله مادري

بس كسرت خاطري انشالله تلاقون الحل الناسب لها ولكم

والله كريم

حبيبى سألى اخوج اذا اهو شايف انها بحاجه انها تنعرض على الدكتور ما فى باس بس يمكن اهى من اهل الله ترى مو شرط يكون فيها شى يمكن كونها فاقده الأم فهالشى خلاها تصير عالنيه يعنى مثل ما قلت لج من اهل الله كون ما فى ام تعلمها وتوجهها وبصراحه بهالزمن نادر ما تلقين وحده من اهل الله الحين البنات اللهم يكافى صارو يخرعون يعرفون اشياء أحنا يا الكبار ما نعرفها و هى ام عيالكم ويتيمه و لكم اجر فيها وحتى اخوج والله انه كبر بعينى عسى الله يهنيه على الاجر اللى بياخذه من ورا هاليتيمه والله فكه من هالبنات اللى يشيبون بالريال كلا تبى وتتطلب ويا ريت تخلين الوالده تعلمها او حتى انتى توجهينها وتنصحينها وبالنسبه حق المعاش ما يعطون الا للاعاقه الشديده وبلجنه طبيه وبما انها متزوجه فزوجها ملزم انه يصرف عليها آن اشتغل بالمجلس الاعلى للمعاقين واعرف شروط صرف المعاش عسى الله يوفق الجميع يا حبيبتى ويصلحها وييسر امورها يا رب

مشكورين بنات على ردكم بس اهي ما اعتقد الي فيها من اليتم لأن امها قبل سنة توفت الله يرحمها وابوها من زمان وهي صغيرة ،
الصابر ة المحتسبة انا معاج بصراحة بنقطة ان ياب منها خمس عيال حتى ليمن سالته يقول ما ادري على بالي تتعلم وبالنسبة حق الطب التطوري ما ادري اهما يشخصون حالات جذي يعني اهي كبيرة مو صغيرة
والله يا اختي جواهر ترى انا وامي مو مقصرين وايد قاعدين نعلمها بس اهي ما تتعلم كلش حتى الصلاة والصيام احنا علمناها جم مرة بس ما تلتزم وما ادري شقول بس الله يعين اخوي ويصبره
وبالنسبة حق المعاش يعني اذا يبنا شهادة تثبت ان فيها اعاقة عقلية ما تنصرف لها لان اخوي وايد ظروفه المادية صعبة وودي اساعده بس مو عارفه شلون
يا ليت اللي عندها حل تساعدنا