:: تحدى أمى ووقوفها فى وجه أبوى أنقذ إختى من الأعاقه::

السلام عليكم ,,,,,,,,,,,

أنا أغلب تواجدى بقسم المناقشات الجاده ولكن هذا لايمنع إننى أحيانا أدخل لذوى الإحتياجات للأطلاع ومشاركة الاخوات اللى

لهم علاقة بأحدمن ذوى الاحتياجات والاطلاع على آخر المستجدات ,,,,,,,,,,,

ومن زمان كان ودى أدش وأشارك بموضوع يمكن أقل مايقال عنه غريب وعجيب ويمكن إن فيه ناس ماتصدقه لغرابته

وهو قصة إعاقة إختى اللى أصغر منى لأنها فعلا شى عجيب ويستحق النشر ليطلع عليها الناس وخاصة من لهم أبناء من ذوى

لعلى وعسى تكون عبره فى قدرة الله ودرسا للإراده وعدم اليأس اللى يجب يتوفر فى كل أم لها إبن أوبنت معاقه

وأيضا لعلها تكون سببا فى عدم قنوطهم من رحمة الله والبحث عن طرق أخرى للعلاج وعدم الإعتماد على قول ورأى

واحد……

والقصة بدأت عندما كنت فى السابعهتقريبا وكانت والدتى حامل وفاجأتها الولاده حزة المغرب وأبوى كان مسافر وماكان أحد

عندنا بالبيت وطرشتنى لجيرانا أناديهم ورديت ويا جارتنا وإلا امى واقفه بالحوش وماسكه الطوفه والجاهل طايح تحت بالحوش

على التراب كنا زارعين نص الحوش ومخلينه تراب والجاهل طايح بدون صوت ,,,,,,,,,,

المهم أخذوا الجيران أمى للمستشفى وردت بعد جم يوم وإختى معاها ولاحظنا إنها هاديه ماتبجى نهائيا و ماتحرك

واستمرت على الحال هذى ست شهور عقبها ودوها الطبيب وسوو لها تحاليل وأشعه وحوسه ومن طبيب لطبيب ليما صار

عمرها سنه لاتحرك ولا تبجى ولاتفعد بس نايمه على ظهرها تقلبها أمى وتغير لها وإهى جذى نفس الخشبه ظهرها يابس

ولاتاكل شى صلب وترجع أى شى غير الحليب لدرجة سوو لها عملية يشيكون على المعده والمرءى وشقوا بطنها من

اليمين للشمال وتلعوزت وبهدلوها آخر شى قالوا هذى معوقة إعاقة كامله ومتخلفة عقليا بسبب طيحتها على راسها أثناء

ولادتها وكملت أربع سنين وإهى على نفس الحاله اللى يشوفها يقول عمرها سنه تشيلها أمى مثل الجاهل الصغير وتلفها بمهاد

لاتكلم ولاتحرك ولا تقعد ولاتحس أو تفهم شى من اللى حولها ’’’’’’’’ طبعا أمى مايأست كانت تروح وترد ليما يأست من

الأطباء راحت للمطاوعه والشيوخ تقرا عليها ليما واحد منهم قال هذى ملبوسه لأنها طاحت على أرض نجسه !!!!!!!!!!

إهنى إنقلب أبوى وحلف على أمى وقال هذى خرافات والبنت معوقه وخلاص متودينها أى مكان ملينا الاطباء كلها قالت نفس

الكلام ,,,,,,, وبعد مدة شرينا بيت جديد ولما سكنا فيه اعزمونا الجيران ورحنا وخذت أمى إختى معاها ماكان عندنا خدامه

وكانت لافتها بمهاد وإحنا عندهم دشت علينا حرمه كبيره أم راعى البيت أمهم العوده وقعدت ومن دشت وإهى تطالع لأختى

وإسألت أمى عنها وقالت عطينى إياها وحطتها بحضنها وقامت تقرى عليها وقات لأمى هاتيها كل يوم قبل المغرب

وقامت أمى توديها بالخش عن أبوى لأنه حالف عليها ولو يدرى الله واعلم اش يبى يسوى وخاصة لما عرفت أمى إن الحرمة

مطوعة والناس طق إعصى عليها ؟؟؟؟؟؟؟؟

ماتصدقون إنه بعد اسبوع واحد قامت إختى تتحرك وتفر راسها وتقلب على ظهرها وبدت تنتبهوتطالع فينا وتضحك معانا

لما نلاعبها ونلعب جدامها ,,,,, وماكملت شهر والله بدت أمى تقعدها وبدت تاكل ولاترجع الأكل وشوى شوى قامت تنطق

الحروف وتنادى ماما بابا وتزعل وتصرخ علينا ,,,,,,,, إهنى أمى كان لابد تعلم أبوى لأن توقعت إنه بيفرح ولأن الحرمه

كان لها شرط إذا الله جعلها سبب وتشافت إختى تعطيها ثمن بعير يعنى جمل يعنى نروح الصفاة ونشوف جم ينباع لبعير

ونعطيها نفس الثمن علشان جذى اضطرت أمى تقول لأبوى علشان يعطيها الفلوس لأنها راعية بيت ولاتقدر تدبر المبلغ

وفى ذيك الفتره انقلبت حال إختى وبدت جنها توها جاهل وتو بدا يتعلم وبالتدريج وكل مالها تتحسن ووصلت لدرج إنها

قامت توقف على الطوفه !!!!!!!! ولما شافتها جذى علمت أبوى إنقلب عليها وكبرت السالفة واعتبرها خالفت أمره

وعصته ورفض يعطيها أى شى وقال إن الله شافها وإن المطوعه مشعوذة ولا لها منه وهدد أمى ومنعها تروح لها ,,,,,,,,,

والله يابنات ثانى يوم بدت شوى شوى ترد لوضعها القديم ردت طاحت وماقامت تاكل وتغيرت خلال أسبوع ردت شبه معوقه

إهنى أبوه حس بالندم لما شاف حالة أمى وبجاها ليل ونهار وإهى شايلتها فقال لأمى تروح وتسامح منها بس مارضت

وراح أبوى نفسه وكلمها وتسامح منها وعطاها الفلوس وغصب رضت وردت أمى تقرى على إختى عندها والحمدلله

تشافت إختى والحين يالله من فضلك متزوجه وعندها عيال وجنها البخت ,,,,,,, والله يعوض أمى الجنه على اللى سوتة

لها ,,,,,وأنا حبيت أنشر قصة إختى لأنها فعلا غريبه وعجيبه وتستحق إنها تقرى يمكن تعطى الأخوات دفعه معنويه

وتشجعهم وتقوى عزيمتهم وإن الله رحيم بعباده وإن المرض أسباب ممكن متلقى لك علاج عند هذا تلقى عند غيره المهم

عدم اليأس من رحمة الله ،ـ’,.:

الحمدلله على كل حال
وفعلاقصة اختج غريبه وعجيبه كنهاا خيال موو صج
والحمدلله الي عافى اختج

إيه والله الحمدلله اللى عافى حبيبتى وإختى وعسى الله يتم عليها عافيتها يارب ويخليها لى ولعيالها يارب ماتعرفين إشكثر إحبها وإحس

بالغصة لما تطرى على بالى وإهى الحين مريضة بمرض الله الله يفكها منه مثل مافكها من الإعاقة يارب تكفون دعوا

لها لعلى منكم من لها كرامة عند الله ويجيب دعائها لها ,,,,,,وشكرا حبيبتى على المشاركه

الحمدالله الله الهم امج انها تصر على موقفها

ماشالله عليها لو وحده ثانيه يمكن كان غسلت ايدها من البنت وطنشتها

ماشاءالله ,, الله يتمم عليها الصحه و العافيه ,, الانسان يحتاج الى الصبر , ولا ينسى رب العالمين

يقول الأمام علي كرم الله وجهه:

"ان صبرت جرت عليك المقادير وأنت مأجور..

وان جزعت جرت عليك المقادير وأنت مأزور.."

اللهم اجعلنا من الصابرين الذين رضيت عنهم فأرضيتهم ….

اللهم آمين

سبحان الله

صج صج قصه غريبه !!

حدي مصدومه

مشكوره ماقصرتي

سبحان الله والله قصه غريبه استحلفك بالله هاذي قصه حقيقيه ولا فيها مبالغه سامحيني بس صج ماني مستوعبه

سبحان الله قدر على كل شي…………..

والله ماأعتقد أحد يفاول على إخته بشى موفيها …. غير هذا!!!! الموضوع موأدبى أو موضوع نقاش أتفلسف فيه علشان الردود

لاو الله بس فعلا الموضوع غريب ومن زمان كان ودى أكتب عنه كعبره أولا وعلشان الناس تعرف إنه فى رب كبير

ورحمته واسعه مهما قال الأطباء فالله أكبر وأعظم مما يقولون ولأنه قصه فوق مستوى التصديق ولكنها والله العظيم

فعلا صارت لأختى والله شاهد على اللى أقول ’’’’’’’’’’

جبيبتي اسفه مو قصدي اجذبج بس صج سبحان الله على كل شي قدير

سحباان الله ربي يخلي اختج لج وياشفيها ياااارب من اللي هي فيها الحيين
صج ربج قاادر على كل شي
تدرين عاد ماستغربت لانه السالفه مثلها صاايره لبنت عمتي تخيلي اول شي قاالو الدكاتره انه معاقه حتى ماكانت اتشووف بعيونها يععني عميه

بعدين عمتي ودتها لمطااوعه وسبحان الله بعد القراايه صارت اتشووف وتقعد

صج ربج قاادر على كل شي

سبحان الله

صج صج قصه غريبه !!

الحمد الله علي كل حال

سبحان الله ربج مايقصر الله يشفيها ويخليها لكم يارب وعادي صارت لولد واهله ياسو منه لدرجه يطلعون ويخلونه بلبيت بروحه والله شفاه برحمته والاسبوع الجاي عرسه والكل فرحان ويسولفون شفتو ماجد اللي معاق يبي يتزوج ربكم مايقصر

سبحانه ربي يحي العظام وهي رميم وما أنزل من داء الا له الدواء

الحمدلله على سلامتها ويعل ربي ياجر اميمتج ويخليها لكم وحطي بالج على الوالدة أهم شي رضاها