|
|
كيفكن يا صبايا؟؟ إن شاء الله تكونوا بتمام الصحه والعافية جميعاً
طبعاً أنا من المتابعيين للمنتدى من فترة طويلة لكن من بعيد للبعيد واليوم قررت انقل لكم تجربه عملية خشمي مع الدكتور علاء النجار بمستشفى مغربي بالدمام التابع للمستشفى المواساة من بعد ما مر على عملية انفي سنه وسته اشهر تقريبا كانت عمليتي بالضبط تاريخ 1-10-2012
طبعاً لما قررت اسوي العمليه بحثت كثير عن الدكتور ومالقيت عنه معلومات كثير ولكن بعدين شفت وحده من البنات مسويه خشمها عنده صور لها طبعا وتغيرررت كثير صارت اجمل والخشم ملموم ومقمم
وقررت يوم ثاني على طول اروح لدكتور علاء بمستشفى مغرب بالدمام عملت معاه موعد ورحت ودخلت عنده وسالني ليش تبين تسويين خشمج مو محتاجه بس انا عني ماكنت احبه لانه وجهي حيل ضعيف وخشمي بارز كنت ابيه الم ويكون مقمم اكثر كان طلبي انو مايبين Fake ومايرفعه لي مثل مايكل جاكسون والهام الفضاله وقال لي طيب انا راح اسوي لك اللي يناسب وجهك ويكون طبيعي قلت له دكتور انا ابيه اصغر وابي لما اصور يبين اجمل 
طلعت منه وعملت تحاليل وكل شيء
وكانت عمليتي يوم ثاني الصباح الساعه 10 رحت وعملت العمليه وترقدت بالمستشفى يوم طبعا تعرفون يابنات الوضع بعد العمليه ومايحتاج اشرح من تورم الخشم تورم الوجه والكدمات بالوجه وكل تفاصيل مرحله بعد العمليه
وظلت الجبيره على خشمي 10 ايام وبعد 10 ايام رحت له يشيلها شالها وعطاني مرايه اشوف خشمي كانت مفاجئه لي خشمي وارم حيل ومنتفخ حيل ومومبين شكله اصلا طبعا ضغط عليه حيل وقال لي النتيجه تبلش تبين شوي شوي وتقريبا بعد 6 اشهر يبلش يبان شكله ويستقر من سنه لسنتين
طبعا يوم شال الجبيره قعدت ادقق بخشمي وكانت
كل فتحه غير عن الثانيه ومبين كل جهه غير كأنه جهه اطول من الثانيه كانه مايل قلت له دكتور شلون جذي قال ماتخفيش كلو حيبقى تمام وزي الفل ان شاء الله
قلت اوكي يمكن متورم ومو مبين شكله لانه لسه ماصار لي شيء من بعد العمليه يا دوب ايام
وبعد شهر رحت له وكان خشمي نفس الشيء ورام حيل وما تغير
وشالي باقي الخيوط اللي ماطاحت وعلمني شلون اسوي مساج لخشمي بمعدل يومي عشان ينزل
ورجعت وقلت له دكتور ماتلاحظ كل فتحه غير عن الثانيه ومايل واحسه كبر ماصغر جلس يضحك وقال لي صبري عليه وراح يبين شكله بعد 6 اشهر طبعا هالدكتور ما يعطي لا حق ولا باطل ومستعجل ومايعطي الواحد مجال يتكلم او يسأل
صبرنا وصرت كل يوم اعمل مساج وابحث بالنت عن الناس اللي عامله عمليه تجميل للانف وشكل خشومهم شلون صايره احس اهما غير وشلون بلشت تلتم قلت يمكن انا غير وعلى حسب طبيعه الجلد والجسم
مرت الشهور بلشت تنزل الارنبه شوي شوي ويتحدد شكله ولسه انا مو راضيه عن النتيجه طبعا ظل متورم الى 8 شهور ومن بعد الشهر 9 بلش يتحدد شكله عدل ويتغير تغيرت الفتحات وصار مايبن كثير ان كل فتحه غير غير لما احد يدقق على حسب كلام صاحباتي
طبعا كل جهه غير وكل مابلش يتغير شكله يبن ان خشمي مايل وجهه اطول من جهه على جنب واستنيت مرت سنه وظل خشمي مثل مااهو
بإختصار دكتور علاء النجار خرب خشمي وصار قبيح
بعد سنه وخمسه اشهر رحت له عشان ابي تقرير شنو عمل بخشمي بالضبط وطلبت التقرير من المستشفى لاني نويت اسويها الحين مره ثانيه واعدل خشمي
بس طبعا في ايران مستحيل اسلم خشمي لدكتور عربي
اقترح عليي دكتور علاء يعدل خشمي بنصف سعر العمليه ياراجل بعد ماخربته حسبي الله
لكن يحلم اسلمه خشمي مره ثانيه بعد ماخربه صراحه كان الاختيار للدكتور سيء وكرهت خشمي اكثر
والحين خايفه اسويها كل ماتذكرت شلون تعبت بعد العمليه ومعانه على مايبن شكل الخشم ويأخذ شكله
وبنفس الوقت محتاره عند اي دكتور دكتور لطف علي زاده او بور صادق بمشهد او خلعتبيري بشيراز وبين كثير اسماء البنات بالمنتدى حاطين اسمائهم وبما انها العمليه الثانيه بتكون لي وبعد تجربه لازم اختار الدكتور صح وانا مقتنعه ان راح احصل على الشكل اللي ابيه وشغله يكون احترافي
طبعا انا حبيت انقل لكم تجربتي بكل اماانه بعد ماشفت كثير بنات بيسألوا عن الدكتور علاء النجار
غير جذي حتى صاحباتي خرب خشومهم اللي رجع نفش مره ثانيه ولا كأنها عامله العمليه واللي مثلي مايل مااقول غير حسبي الله ونعم الوكيل دكتور فاشل وللاسف طحنا فيه
اذا ممكن يا بنات مثل ماا انا نقلت لكم تجربتي باامانه مع الدكتور علاء النجار تفيدوني اللي عملوا خشومهم تجميل ب ايران عن تجاربهم مع دكاترتهم ومنو تقترحون علي اسماء دكاتره محترفين؟
وتكلفه العمليه؟
وبليز بنات ماابي شيء تجاري او تسويق الله يعطيكم العافية ويعوض عليي وعلى كل بنت اختارت دكتور فاشل
بكم كلفتك العمليه عند هذا الدكتور؟؟
الله يعووضك بالعملية الثانيه يارب
تروحين إيران وتسوينها ..
ويطلع خشمك حلووو مثل ماتتمنين
تقريبا أسعار الدكاترة بإيران تختلف
بتلاقين 10.000 آلاف
13.000 ألف
15.000 ألف
وإذا كلش الدكتور فنان وغالي
توصل ل20.000 ألف ريال سعودي
بدون الفندق والتذاكر
مثلا عندك الدكتور لطفي زاده
عملياته ب4500 دولار
ونفس السعر دكتور نعيمي
|
المشاركة الأصلية كتبت بواسطة فاطمة 25
 أهليييين
بكم كلفتك العمليه عند هذا الدكتور؟؟ الله يعووضك بالعملية الثانيه يارب تروحين إيران وتسوينها .. ويطلع خشمك حلووو مثل ماتتمنين تقريبا أسعار الدكاترة بإيران تختلف بتلاقين 10.000 آلاف 13.000 ألف 15.000 ألف وإذا كلش الدكتور فنان وغالي توصل ل20.000 ألف ريال سعودي بدون الفندق والتذاكر مثلا عندك الدكتور لطفي زاده عملياته ب4500 دولار ونفس السعر دكتور نعيمي |
هلا حبيبتي العملية كلفتني عند الدكتور الفاشل تقريباً 12000 ريال من غير فتح الملف والتحاليل
اللهم آمين الله يعوضني كل خير تسلمين
أنا مو مهم عندي ادفع المهم عندي دكتور محترف وشاطر ماابي بس يأخذ فلوس وهمه تجميع فلوس من المرضى من غير نتائج مرضيه
حبيبتي إذا تعرفين تفاصيل أكثر عن لطفي زاده إذا ممكن تفيديني وهل تعرفين ناس شخصياً عملوا عنده؟
ومنو الدكتور نعيمي؟ وين مكانه؟ وهل اهو محترف؟؟
ومشكوره على مرورج
بما أنها عمليتك الثانيه
إختاري الدكتور بعنايه,, وتكونين أنتِ مقتنعه فيه
ومثل مااقلتي …
الوحده لمن يخترب خشمها
مايكون يهمها السعر … بقدر مايهمها النتيجه وشطارة الدكتور
((لأن خلاص تكون تعبانه وتبي نتايج مضمونه))
وتقدرين تراجعين موضوع ديانا
عن مواقع الأطباء بإيران
من الدكاتره إلي يمدحونهم
حميد عارف .. طهران – إيران
جراح
نعيمي أسمع إنه شاطر .. والله أعلم
بس يقولون حسب ماسمعت من بنات المنتدى
إنه شاطر على الأنف إلي ماسبق وأجرى عمليات تجميل
والله العالم إذا هل كلام صحيح أو لا
~~~~
أما لطفي زاده .. في بنات كثار مسوين عنده بالمنتدى
مثل لاريسا .. وميمي الورد
وكل نتائجهم حلووه … أغلبهم يمدحونه
وقليل يذمونه .. يمكن كم حاله بــس
وفي وحده أسمها ماي الزعفران بالمنتدى
سوت تجميل وماعجبها خشمها .. فعادت العملية عند دكتور أسمه سامي شاهين
وطلع خشمها حلوو ومرتب .. موضوعها
عمليه خشمي بطهران عند الدكتور شاهين
عيميه وخشمي عيمي "لمحبين الخشوم العنونه"
وهذا لوجهاا كامل
عيميه وخشمي عيمي part 3
وبالتوووفيق
نصيحتي لك افضل دكتور تجميل وبكل امانه مصطفى بو زيد
حاليا اهو بالكويت
عمليته تكلف ١٨ الف ريال
نفس هالمبلغ دفعته بعمليه بايران عند دكتور فاشل
شال لي الغضروف وخشمي نزل وعرض بدل لايرتفع وينلم
وان شاء الله انتظر اكمل السنه وراح اسويها عند بو زيد
تضايقت عليك لمن سمعت إن عمليتك مانجحت.. هل انتي رحتيله بدون ماتسألين .. حظ ونصيب مثل مايقولون.. ولا شفتي ناس سووا عنده من قبل ..
وإلي يخترب خشمها.. وتسمع ناس ينصحونها بدكتور معين إنه شاطر .. لازم بنفسها تتأكد وتشوف شغله وتتطمن له .. وتتحمل نتيجة إختيارها .. ماتقول هذولي السبب.. اهم مدحوه لي …
|
المشاركة الأصلية كتبت بواسطة فاطمة 25
برنسس
تضايقت عليك لمن سمعت إن عمليتك مانجحت.. هل انتي رحتيله بدون ماتسألين .. حظ ونصيب مثل مايقولون.. ولا شفتي ناس سووا عنده من قبل .. وإلي يخترب خشمها.. وتسمع ناس ينصحونها بدكتور معين إنه شاطر .. لازم بنفسها تتأكد وتشوف شغله وتتطمن له .. وتتحمل نتيجة إختيارها .. ماتقول هذولي السبب.. اهم مدحوه لي … |
وبالنهايه تجميل الانف يعتمد على عدة عوامل بعد توفيق الله سبحانه-شكل الانف الاصلي-مهارة الجراح -عن جد المساله ارزاق
|
المشاركة الأصلية كتبت بواسطة ريومه111
متاكده ان الدكتورعلاءهومسووي لك العمليه؟؟ لان في وحده راحت قبل سنتين يمكككن قالو لها سافر مصرومابيرجع ..وحطو دكتوور مكانه ماله علاقه بالتجميل اسمه عمر السنوسي اتوقع…الله يعينك..لوو بتعيديها ايران..او مصطفى بوزيد
وبالتوووفيق |
اي حبيتي علاء النجار وهو صار يجي 3 ايام فقط بالشهر الظاهر اخر 3 ايام يعمل عملياته الفاشله للناس يخرب خشومهم ويسافر مصر
|
المشاركة الأصلية كتبت بواسطة فاطمة 25
برنسس
تضايقت عليك لمن سمعت إن عمليتك مانجحت.. هل انتي رحتيله بدون ماتسألين .. حظ ونصيب مثل مايقولون.. ولا شفتي ناس سووا عنده من قبل .. وإلي يخترب خشمها.. وتسمع ناس ينصحونها بدكتور معين إنه شاطر .. لازم بنفسها تتأكد وتشوف شغله وتتطمن له .. وتتحمل نتيجة إختيارها .. ماتقول هذولي السبب.. اهم مدحوه لي … |
الحمدلله على كل حال قبل مااروح شفت بنت عامله عنده كان خشمها حلو بااول الايام وللاسف بعد اقل من سنه نفش خشمها ولا كأنها عامله عمليه وهي بعد راح ترجع تعيدها مره ثانية
وعشان جذي أنا حيل محتاره شفت كم بنت مسويه عند لطفي زاده ومن ضمنهم خبيره التجميل الكويتية انفال وحيل عاجبني خشمها ماشاء الله بس لما اشوف ناس تذم و لو وحده اتراجع لازم الاختيار يكون صح هالمره
|
المشاركة الأصلية كتبت بواسطة princess.78
اووووف ياكثر العمليات اللي تحطين كل املك فيها وتطلع ع الفاشوش ������
نصيحتي لك افضل دكتور تجميل وبكل امانه مصطفى بو زيد حاليا اهو بالكويت عمليته تكلف ١٨ الف ريال نفس هالمبلغ دفعته بعمليه بايران عند دكتور فاشل شال لي الغضروف وخشمي نزل وعرض بدل لايرتفع وينلم وان شاء الله انتظر اكمل السنه وراح اسويها عند بو زيد |
يسلموا على المرور وعلى تفاعلج والله يعوض عليي وعليج بدكتور شاطر ويسوي لنا اللي نبيه بس للاسف ماصار عندي ثقه بااي دكتور عربي وغير دكاتره ايران ماافكر لانهم شطار ومعروفين بعمليات الانف
|
المشاركة الأصلية كتبت بواسطة ريومه111
لطفي زاده ماانصحك فيه…في بنتين اعرفهمم سوو عنده قبل كم سنه وبيعيدوو العمليه ..وفي بناات واجد مسووين عنده بالمنتدى ويشتكووو ابحثي وانتبهههي من اللي يسوون دعايااات …
|
يسلموا على تفاعلج ومرور وصج صرت محتاره حق منو اروح ناس تمدح وناس تشكي الله يسر الامور
|
المشاركة الأصلية كتبت بواسطة فاطمة 25
هذا بعد لماي الزعفران
عيميه وخشمي عيمي "لمحبين الخشوم العنونه" وهذا لوجهاا كامل |
شكرا حبيبتي على مرورج وتفاعلج معاي وشكرا على اقتراحج