|
|
يسعدلي مسائكم
طبعا انا عضوه قديمه واايد بس من زمان مادخلت وضاع حسابي والحين دخلت من حساب بنت خالتي العسوله
اول احب اقول هذي ثاني عمليه لي العمليه الاولى كانت فاشله عند الدكتور "بشار رباح" تقريبا قبل سنه ونص
وهل عمليه قررت اسويها عند دكتور محد مسوي عنده ويكون مميزه وغير اللي نشوفهم
طبعا الدكتور عرفته من بحثي للدكاتره في الانترنت واكثر شي حسيت شغله بيرفكت واخترته
انا اخترت طهران لانه دكاترتهم افضل واشطر من دكاتره مشهد وارخص بواايد بعد
وعلا فكره دكاتره مشهد هذولي للخليجين والدليل اسعارهم
دكاتره طهران افضل وسعر العمليه مايتعدا 800 دينار كويتي
بعد بحثي المتكرر حبيت شغل هل دكتور طبعا تواصلت معاه بالايميل وقتله بيك بس ماعطيته موعد
فلمن رحت بسوي العمليه تاخرت 5 ايام لانه زحممه عنده بس مو زحمه خليجين لا زحمه ايرانين وماشالله ماشفت خشم الا وعجبني
ولمن رحت قالي شعرفج فني لمن قتله بالنت ماصدق وقالي انتي سادس وحده من العرب تيلي لاني مومعروف عن العرب وبحط لكم بعد موقعه تشوفون شغله
شقووولكم واايد احداث وكلام صار
والعيب بالعياده انه مافي موعد للاستشاره بالدور اللي يي قبل يدخل قبل ومن كثر ما الدكتور متفهم عاادي يقعد معاج بالاستشاره ساعه ويلطع الناس بره يعني محد له وقت معين عنده استعداد يرد على اجوبتج لي باجر وحبوب ويتكلم انقليزي طبعا
طبعا ثاني عمليه معروفه تكون اغلا
وهذي ثاني عمليه لي
اول شي طلب من تحاليل واشعا وبعدها ب 3 ايام سوالي العمليه
والخلل اللي عندي كلشي لحميه وانحراف وغير جذي اتنفس بس من فتحه وحده غير الغروف الداخلي مكسوور
طلبت منه يكون خشمه طبيعي ومومرفوع بس اهوا سوا اللي يشوفه على ويهي
وعمليتي كانت بتاريخ 1912013 يعني توني صارلي اسبوعين مو واييد
والطيران كان على الكويتيه لانه الطيران الوحيد اللي دايركت لي طهران
والفندق سكنا بوايد فنادق لاني رايحه بروحي يعني لا حمله ولا مترجم على الانقليزي
وافضل فندق كان اسمه هتل امير ويمه الاسوقه وكلشي قريب منه ونظيف وسعره حلو
بس التكاسي والفنادق بطهران وايد اغلا من مشهد للعلم لاكن الطب والتجميل طهران ارخص وافضل
ومده الرحله كان 17 يووم اول خمس ايام كانت سياحه بين الجبال والثلوج وبعدها العمليه وبعد العمليه بسبوع رحت مشهد زياره وقبل ردتي للكويت بيومين رديت طهران راجعت الدكتور وبعدها رجعت الكويت
لانه ثاني عمليه لي فكلفتني العمليه تقريبا 800 دينار
ومده العمليه كانت 8 ساعات لانه كان عندي بلاوي بخشمي صلحها
بالنسبه للتعب فتعبت واايد اول يومين كنت بين الحيا والموت لانه كثافه دمي كانت ضعيفه شوي واايد نزفت وحالتي حاله وحتن الدكتور استغرب انه نادر تمر عليه جذي حاله بس حمدالله على كل حال
بس بعدها صرت احسن
وااايد تكلمت ومادري شقوول صراحه بحطلكم الصور و هذا ثاني سبوع يعني خشمي رااح ينزل وراح يفش 
وبس اي استفسار حياكم
خشمي بعد عمليتي الاولى
وخشمي بعد العمليه الثانيه
وخشمي كل يوم له شغل وكل دقيقه غير 
وهذا موقع ادكتوور
Nasal Plastic Surgeon – Dr. Sami
وحياكم
|
المشاركة الأصلية كتبت بواسطة choclate-_-q8
 الحمدلله على السلامه حلو خشمج بس جنه مرفوع وايد ممكن تحطين صوره خشمج قبل العمليه عشان نشوف الفرق قبل وبعد
|
لله يسلمج حبيبتي اي مرفوع حيل وانا قتله بس قاالي راح ينزل وحطيت الصوره
|
المشاركة الأصلية كتبت بواسطة ريم جده
مدة العملية طويلة ..بس الحمد لله على السلامة. والايرانيين يحبون يرفعون الانف بس انشاء الله زي ماقال الدكتور ينزل ويصير احلى من الي تتمنينه بس الد كتور وش عد ل لك بالضبط وكنه مصغرلك فتحات الانف صح"’" لانها عقدتي واغلب الدكاترة مايضبطونها قهر …لو تحطين صور لخشمك قبل بشوف لان الصورة بالنظأرة وماهو مرة واضحه…والله يوفقك ويطلع خشمك بيرفكت يارب
|
الله يسلمج حبيبتي اي ان شالله قال ينزل وبالنسبه شنو اللي عدلي كلشي عدلي شوفي الفرق وبالنسبه للفتحات انا مثلج اموت خوف بس حمدالله هل دكتور شاطر وظبط لي فتحات الخشم لانه اساسا فتحات خشمي كبيره فلازم كان يصغرهم وحمدالله طلعوا مثل ما ابي وان شالله حبيبتي بحط لج صوره اوضح وشاكرتلج مرورج الحلو
|
المشاركة الأصلية كتبت بواسطة ريم جده
بانتظأر الصور ………. طيب دكتورك بشار وش سوى لخشمك بالضبط لانه مبيين في الصورة كانك مو مسوية تجميل ..
|
دكتور بشار شال لي العظمه وصغره شوي والعمليه كانت من فتحات الخشم يعني بدون مايقص ويصغر وايد عشان جذي ماكانت مبينه بس المشكله صارت بالتنفس وبالغضاريف اللي اشتغل فيها بدال ما يعدلها خربها
|
المشاركة الأصلية كتبت بواسطة m’3rooora
حبيبتي شنو حسيتي بعد العمليه وهل بنجوج بنج كامل ولا شنو وشلون اسعار ايران جم كلفتج الفنادق بطهران
|
اي حبيبتي بنجوني بنج كامل وبالنسبه للاحساسي بعد العمليه فكان اصعب واسوء احساس لاني تعبت واايد يومين متواصلين انا بشبه غيبوبه لاني وايد نزفت
وبالنسبه للاسعار فوايد ارخص عمليتها والتجميل بشكل عام ارخص من مشهد لاكن الفنادق اغلا
تقريبا كلفتني بروحي 150 دينار لمده 15 يوم
|
المشاركة الأصلية كتبت بواسطة sashk
ماشالله حلو،،، صج الرفعه ممتازه لان صح ينزل عن تجربه،،، مبروك و ثانك يووووووو و الف سلامه
|
صج حمدالله اشوا لاني ميته وينزل نويزي ويصير طبيعي
الله يعافييج حبيبتي نورتي
|
المشاركة الأصلية كتبت بواسطة m!ss.loby
يعطيج العافية عالنقل تجربتج
|
الله يعافيج حبيبتي نورتي