عمليتي التكميم عند المبدع احمد مراد

السلام عليكم شلونكم شخباركم

بقول لكم تجربتي ب عملية تكميم المعدة
وبحاول قد ماقدر اختصر لكم واللي عندها اي استفسار حاضرين سواء عالخاص ولا عالعام
وزني 127 و طولي 162 << حووووت نافق

تاريخ العمليةماذكر بضبط بس 9/12/2011
مستشفى الاميري / الدكتور محمد مراد الكندري
اول ما قررت اسوي العمليه رحت المستشفى سويت تحاليل وتخطيط للقلب وشافهم الدكتور وعطاني موعد , تكلفة العملية الف وميتين شي هيك الف وكسور , قبل العملية بجم يوم عطاني الدكتور لسته بلغراض ورقام ادق عليهم واروح لهم اشتري منهم واييبهم معاي يوم العمليه

قبل العملية بيوم رحت المستشفى سبحو دم وابر سيوله وادويه ولازم اكون صايمه لمدة 12 ساعه وعقب قالولي 6 عمليتج من البجي والخوف ما نمت شي ومن 5 اقولهم يلا نزلوني بسويها

قالولي بيتأخرون ينزلوني 10 قبلي واحد حيل متين بينزلونه العملية عشان حالته صعبه وفي الخبيث الله يشفيه , هني قمت احاتي ابجي واقرى قران مابي احد يكلمني
المهم دخلت غرفة العمليات 10 قعدت عندهم تحت لانه غرفت العمليات فل لين 12 دخلوني عطوني البنج فتحت عيني 3 وشي
اول مافتحت عيني ماحسيت بشي بس اون لا تسألوني ليش
ودوني الغرفه .. طبعا اول يوم ماقدرت اكل ولا شي وكان تأثير المخدر فيني لمدة يوم كامل
وكنت كل ما احس بتعب او ابي انام حاطيلي جهاز اضغط عليه ينزل بل درب مخدر
وكانوا يعطوني مضاد وابرة لسيلان الدم ثاني يوم قمت شوي امشي في الممر عشان الغازات اللي دخلوها وقت العمليه وشالو عني المخدر يبوني اتحرك ما يصير تجلط

تميت 9 ايام ب المستشفى لان البربيش تم ينزل دم ما وقف بس اللي سوو وياي العمليه 3 تيام يومين طلعوو

من ثالث يوم يابولي عصير شويه و جلي و شوربه شفافه مافيها لاطعم ولا لون ولا ريحه شربت تقريبا نص استكانه ونغثيت
وطلعت من المستشفى ورجعت البيت وحمدلله راضيه عن النتيجه صج اول شهر عذاب ما تيوعين بس ودج تاكلين بس النتيجه بل اخير حلوه وفالكم الرشاقه

الحمدالله على السلامه
جم نزلتي وشنو تاكلين ؟

فيلجاويه كيوت الله يسلمج حبيبتي اول شهر بس سوائل خفيفه وجلي بعدين ثاني شهر اكل مهروس وشوربات نخي باجله هسوالف اللي ما تعور المعده وشوي شوي تاكلين اكل خفيف بس تمضغينه عدل لين تتعود معدتج تقريبا بعد الشهر ال 6 تصيرين طبيعيه كل شي تاكلين بس مو نفس اول شوي وتشبعين

وزني وصل 80 و وقف لاني ما امشي والككاو والكيك بشكل يومي تييلي فصلات اوقفهم يوصل وزني 75 ارد اكل يزيد :/

الله ستر عليج

غامرتي الصراحه

اسجدي سجدت شكر لله
مبروك علي الرشاقه

أنا ودي أجربها و راح أسويها باذن الله لأن نمط حياتي تغير و صرت أسمن .. أنا ما عندي شراهة بالأكل بس في فراغ كبير و ملل.
جربت التخسيس مع الدكتور يوسف بو عباس و نجحت فيه و وزني صار تمام بس الظروف يا ناس تغلب البني آدم أحيانا غصبا عليه وحتى لو كان قوي و واجه تقلبات ظروفه بصلابة تجيله فترة يتعب خاصة إذا كان بروحه و مافي اللي يسانده الله يبعد عنكم الهمووم و الكدر و عالعموم نرد للموضوع. ما شاء الله عليها الإخت دشت المغامرة بقوة و صلابة و نالت مرادها الله يثبتها عالوزن المناسب و الفال لنا.

مرتبة حبيبتي الله يسلمج حمدت ربي ولي يومج احمده لانه كانت عمليتي حيل صعبه وقعدت ساعتين بل عنايه وزني كان كبير والجبد كانت مضخمه فوق المعده كانت العمليه صعبه ومتعبه ل دكتور بس الحمدلله

ملكةجمال حبيبتي جم وزنج ؟ اذا فوق ال 100 انصحج بقوه بس اقل لا

حمدالله عالسلامه
شلون تعامل الدكتور معاج؟ تحسينه شاطر؟؟ انا سامعه عنه خوش كلام ماشاءالله
و ودي اكمل معاه بس انا مو تكميم انا حاله مرضيه وكنت مع خالد العنزي بس حسافه عليه طلع من الاميري

حمدالله علي السلامه

حبوبه فالج وفالي الرشاقه بصحه وعافيه
الحين تقريبا لج عشر شهور
انا الحين صاير لي ست شهور والحمدلله وصلت للوزن المثالي
بس الي مضيق خلقي ان اكلي اغلبه خربوطه
بطاط
ونفيش
كاكاو
وبرد
وبسرعه اجوع
ولمن اكل المفيد
وخصوصا هالشهر وااايد اكل معكرونيه
ومالي خلق الرياضه
شلون احافظ على وزني
اشلون اثبته
عاجبني الحين وزني مابي يزيد

ماشاء الله بس إلي اشوفه 80 ما نزلتي شي لازم توقفين كاكاو والله اهم شي الاراده انا سويت العملية كاو وزني 111 وحاليا وزني 58 والحمدالله عالصحة والعافيه ما اقولج ما اكل امبلا اكل بس ما اشرب بيبسي وتوابعه ولا أكل عيش بس للاسف اكلي خرابيط بس الحمدالله عالصحة والعافية