كل شئ عن عملياتي: شفط البطن واليدين ورفع الارداف

السلام عليكم يا اكوس ( يعني كويسات ماارا ماارا ) حريم بالدنيا كلها

سنوات وانا اقرا واخيرا قررت اكتب < بدري

بلا كثرة حكي بدخل بالسالفة على طول :

العملية الاولى الشفط :

كنت ابي اشفط بطني وومنطقة العضد من كل يد .. كان بطني مترهل بسبب الريجيم اللي سويته وبعد يديني مترهلة وتهز مع الحركة

رحت للدكتور جمال جمعة وطلبت منه يسوي لي الشفط..
سواها لي بتخدير كامل < وقالوا لي فيما بعد ان ماعندي دهون تستاهل تخدير كامل لو مسويتها موضعي احسن واوفر للفلوس

المهم الحمد لله على كل شئ ..
لكن طلعت اليدين مو مثل بعضهم .. اما البطن طلع حلو مرة

رجعت للدكتور جمال وقلت له عدل لي الغلط هذا .. شلون بالله البس كم قصير ووحده من يديني كأنها مكسوره….
قال ما نقدر نشفط هالجزء البسيط لان يمكن يطلع حفره !! احسن لك تنسينه !!
طيب ليش ؟؟؟؟؟ سويت عملية ودفعت مبلغ يوصل 30 الف ريال واخرتها ماقدر البس كم قصير ؟؟!!

قال اذا تبحثين عن الكمال روحي اشتغلي هذا الجزء بالاجهزة اللي تكسر الدهون وموجوده عندنا بالعيادة
هوو فيه احد ما يبحث عن الكمال ؟!! مادري وش هالمنطق ..!
يعني اخلي عضدي مايل ؟!

والاجهزة كلكم خابرين : جلسات تطول لاشهر ومن غير سنع

اول شئ ندمت عليه : اني سويتها تخدير كامل
ثاني شئ ندمت عليه : اني سويتها اصلا .. لان ماطلعوا مضبوطين
ثالث شئ ندمت عليه : اني قلت لهم تخلصوا من الدهون ما احتاجها < هذي انا اتحملها بسبب غبائي

انتبهوا يابنات لاتتخلصون من اي قطرة دهن منكم قبل لاتفكروووون مليون مره يمكن تحتاجونها لاتغلطون غلطي ..

********************

نجي للعملية الثانية :

رفع الارداف…

سويتها بعد فترة من العملية الاولى ..
وعند د. جمال جمعة بعد < ماتبت منه مو قلت لكم غبية هههههه

رحت قلت له ابي اضبط الارداف..
ابيها تصير ناطة ومرتفعه ومليانه ومشدودة< مين ما تبي كذا ؟!

طبعا تخدير كامل < جمال جمعة مايسوي شئ الا بتخدير كامل
وقال بيسحب من تحت الارداف ومن فوقها ومن هنا وهنا شوي دهون ويسنعها ..
قلت له شوف شغلك هههههههه

بس قهررر لو كنت محتفظه بالدهون الاوله كنت كبرتها وصكيت عى جينفر لوبيز
قدر الله وماشاء فعل ..

المهم سويت عمليه الارداف ودفعت مبلغ 38 الف ريال <كنت اقول مو خساره اذا بيطلع جسمي حلو

تدرون وش صار؟؟

الدكتور قال لي: راح تكون العملية على مرحلتين ..
المرحلة الاولى : تخدير كامل نشفط ونحقن جزء من الدهون
المرحلة الثانية : تخدير موضعي ونحقن فيه باقي الدهن .. وتكون بعد 6 اسابيع من المرحلة الاولى

انا قمت من التخدير لقيت شوي جنب اكبر من جنب ..
وفتحة الشفط مسوية حفرة في اعلى واحد من اردافي !!

المهم كلمته عن هالمشكلة .. قال لي لاتخافين كله يتضبط في المرحلة الثانية
في موعد فك الغرز ماجاء د. جمال لكن ارسل طبيب ثاني يفك لي الغرز..!!
قلت له خلي الممرضه تشيلهم ..
يعني عشان خليت رجال يسوي لي العمليه خلاص كل شوي بيجيني واحد ؟!

وصل موعد المرحلة الثانية :
الدكتور جمال ماجاء يرسم لي اماكن الحقن ارسل طبيب مساعد له يرسم لي ويحقن لي البنج !
طيب شلون طبيب يدخل علي وانا مجهزتني الممرضة على سرير العمليه والعفش طالع؟؟
طيب اسألوووووووووني اول …!! انا اقبل والا لا …!!

صحيح خليت الدكتور جمال يسوي لي عمليه .. واكيد بالتخدير الكامل كان فيه اطباء ..
بس مو معناتها ان كل طبيب بالعيادة عادي يدخل وانا صاحية وكل شئ طالع
تضايقت صراحة من اسلوب عيادة ميد ارت بهالخصوص
المريض له خصوصية

اما التخدير الموضعي يعوووووووور.. طلعوا عيوني لحد ماحقنوا البنج
تعذيب
كنت اشوف عمليات باليوتيوب يسوون شفط والمريضة تسولف مع الدكتور .. شلون بنجهم هذولي ؟

ودخل الدكتور جمال بدقيقتين حقن لي الاماكن اللي رسمها الدكتور اللي معه
وللاسف ما طلع الحقن زين

النتيجة:
ردف زين ..
والردف الثاني اصغر وفيه جزء مرتفع على جنب !!
والمرحلة الثانية هذي دفعوني عليها 5000 ريال
طيب مو على اساس دفعت 38 الف عشان احصل ارداف حلوين؟؟
يسويها الدكتور مرحله او مرحلتين او عشره مو مشكلتي.. انا دفعت عشان النتيجة النهائيه
مثل لو تعطين مشغل فستان يسوية وتدفعين 2000 ريال ويعطونك الفستان مقصوص.. وهاتي فلوس زيادة عشان نخيطه !!
رجعت اقول للدكتور ماعجبني الشغل صلحه لي ..
قال خلصت الدهون لازم نشفط ثاني !!!!

انحشت من عنده … خلاااااااص

د. جمال جمعه
انت اخلاق ومؤدب .. وشاطر بزراعة الشعر وعلاج الحروق < متخصص فيها من امريكا
وانت شغلك نظيف بكل شئ مايصير فيه اي التهابات
لكن ماعندك دقة في الشفط والحقن < الصراحة زينه
وتعتمد كثير على مساعدة اطباء العيادة اللي شغلهم مثلهم .. مامنه فايده
واقدر لك كل تعبك معي

النهاية :

رحت للدكتور خالد الزهراني بعيادته .. استاذ جراحة التجميل بجامعه الملك سعود
بصراحة شغل استااااااااذ استاااااااااااااااااذ

قلت له صلح لي يديني والردف المايل ..
من نظرة وحده قال : راح اسحب طبقة من الدهن من العضد ..
قلت له مايصير حفره؟؟< كنت بايعتها يصير اللي يصير
قال ناخذ مسحة بس مو كثير < حسيت انه دقيق .. وماقال لي تبحثين عن الكمال
اما اكثر شئ عجبني التخدير الموضعي حقه..
اقسم بالله العظيم ماحسيت بشئ ابدااااااااااااااااااااااااااااااااااااااااااااااا اااااااااااااا
بس نغزة اول ابره .. وبروده البنج بسسسسسسسسسس
حسبي الله على هذاك الدكتور المساعد بعيادة جمال جمعه عطاني فكره شينه عن التخدير الموضعي..

في 45 دقيقه صلح لي الردف واليد ..
الحين الحمد لله صارت اردافي متساوية .. واما العضد شغل تووووووووووووووووووووووب
ولا كأني مسوية فيهم شئ ابداااااااااااااااااااااااااا

قلت له: انت مكانك بيفرلي هيلز
شفت 3 حريم بعيادته كلهم جايين تعديل اخطاء شفط
والطاقم حقة ممرضات : ولا رجال يدخل غيره
ويهتم بمواعيد المتابعه يحضرها بنفسه مو مساعدينه

الدرس اللي تعلمته :
مو كل طبيب شاطر بكل شئ..

اذا قالوا لك جمال جمعه او حواري او الزهراني او فؤاد او غيرهم .. فكري شاطر في ايش؟؟

مافيه واحد يلم كل شئ في طب التجميل …< مليون خط تحت هذي الجملة

فيهم اللي شاطر بالشفط والحقن والنحت

وفيهم اللي شاطر بالشعر وترميم الجلد

وفيهم اللي شاطر بعمليات البطن والشد

وبعضهم شاطر برسم الخشوم

يعني انا شفت الزهراني شاطر بالشفط والحقن والنحت .. وجمال جمعه مو دقيق فيهم ابدا..
لكن يمكن جمال شاطر بشغلات ماجربتها انا …

يعني باختصار ..
حددي شنو تبين قبل تروحين لهم , واختاري اللي شاطر في هذا الشئ اللي تبينه..

تتهنين حياتي

اشكرررك

انا موخرتي مو مرتفعه ابغى بس ارفعها مع شد

خرعتيني يابنيه هههههه

بس اشوه لحقتي على نفسج وعدلتيهم حمدلله عالسلامه وماتشوفين شر :*

الحمدلله ع السسلامه .. وزين لحقتي ع نفسسك
انا كذا وحده امدحت لي خالد الزهراني لعملية تجميل الانف .. مادري احسس عندك خبرره في التجميل.. ومستوى اطابءنا الي بالرياض .. وش تنصحيني اروح له ولا اروح واحد انتي تشوفينه كويسس

وينكك

الحمدلله ع السلامة

وشكرا على نقل التجربة ماقصرتي
بس كيف النتيجة الى هالوقت
هل استمرت بحالة جيده او فيه تغيير

اتمنى لك السعادة &#55356;&#57144;

لوسمحتي بغيت اعرف طريقة رفع المؤخرة

اهلا بنات سمحو لى اشاركم بالموضوع
سمعت ان اشطر دكتور للانف وشفت شغله وايد حلو اهو الدكتور خالد الصبيح ممتاز بتجميل الانف
اما انا جربت الدكتور محمد الجارالله فى شد البطن والذراع بصراحه ممتاز والنتيجه تعيد ثقتج بنفسج خيال
ويوجد عنده فى المركز الدور 15 دكاتره اجانب من المانيا وايطاليا ممتازين برفسورات شطار جربت عندهم عملية صدرى نتيجه روعه
بصراحه مو حسافه فيهم الفلوس

لاى استفسار انا مستعده

يعطيج العافيه خيتوووو

بغيت اسالج عن الزنود جم كلفوووو عليج وشنو كانت علتهم اهو شفطهم والا شدهم

مسكلتي الزنود مترهلين الدكتور شنو سوالج بالضبط وجم كلف عليج

احب اخبركم باحسن واشهر دكتور تجميل فى مصرالدكتورابراهيم كامل استشارى جراحات التجميل والليزر وعنوانه دار الجمال فى
16أعمارات العبور-طريق صلاح سالم الدور السادس
21ش مكه متفرع من محى الدين ابو العز امام بوابه5نادى الصيد-الدقى وتليفوناته
(+202)24019197
(+202)24019198
(+202)36714232
2)01226465155+)
(+2)01001452066
www.dar-aljmal.com
YouTube